📜 القصيدة: عذراً يا زهراء
🎤 أداء: محمد الخياط ومحمد فريدون
🖋 كلمات: ابو جعفر العبودي
~~~~
زهراء مدد زهراء مدد
~~~~
يا زهره بالروح جلمه
سمحي اناديج يمه
.. عذراً يزهراء
عايش على خير حبج
مذنب وانه احتاج گربج
.. عذراً يزهراء
يالزجيه .. لا تطرديني
لحظه اسمعيني .. عندي كلام
جمره بيه .. حبج يزهره
بس انه انظره .. برد وسلام
~~~~
يم بابج اليوم واگف
بس انه خجلان خايف
.. عني تصدين
ماظن اذا جيت نادم
ما انحسب ليج خادم
.. عني تصدين
كل حياتي .. بين المجالس
وسوادي لابس .. راجي القبول
امنياتي .. يكثر جنوني
ويلقبوني .. عبد البتول
~~~~
يالتعبي وياج يسوه
يالعيشتي وياج حلوه
.. خليني بحماج
كل منبر عليج ينعه
اگصدله ملهوف واسعه
.. خليني بحماج
دامي صدري .. وتبگه العلامه
اليوم القيامه .. دمي يسيل
وانه عمري .. لجلج اسلمه
وكل الاقدمه .. ادري قليل
~~~~
كل حاجه تگضين ادري
وانتي تجبرين كسري
.. لا ما تقصرين
تدريني محتاج امنج
لو اطلب هواي منج
.. لا ما تقصرين
يالوديعه .. ختمي كتابي
خلي حسابي .. يمج يصير
يالشفيعه .. انتي ضماني
وجنة اماني .. حاشه احير
~~~~
اخر طلب وين انتي
وين الگبر وين صرتي
.. من عنده محروم
بحلامي ما جيت زرته
لا لحظه لا يوم شفته
.. من عنده محروم
كل مسيه .. بخيالي صوره
گبرج ازوره .. وماكو مقام
للمنيه .. حلمي اشيله
گبرج اجيله .. وصوت الختام
°°°°°°
°°°°°°°°°°°°°°°°°°°°°°°°°°°°°°
كلمات | أبوجعفر العبودي استشهاد السيدة فاطمة الزهراء (عليها السلام) الرواية الثالثة -١٤٤٢هـ حسينية الإمامين الكاظمين (عليهما السلام) - دولة الكويت مخطوطة | حسين مقيم توزيع و مكساج | حسين نجم إنتاج وتنفيذ | شبيهة فاطمة - للإنتاج الحسيني
تعليقات
إرسال تعليق