[ يا راكب الكور ] الشيخ حسين الأكرف كلمات: ميرزا عادل أشكناني يا راكبِ الكُور ارْشِد او شِد و اِنشد لديرة عَمامي او گلهم تره زينب بگت عگب المُحامي ابلا مُحامي _ ثوِّر گوايمها ولا تِرْخي الرِّسَن عن النّعامه و انزل بطِن وادي نَجِد و اصعد على هامة تُهامه اْو لي ما شفت نار اِنزل او شِگ زِيجك او ذبّ العمامه او اصرخ يهاشم شيخكم مسلوب جسمه او شيبه دامي _ او گلهم تره اخيامه احرگوها والثنيّه انداس حدها او عمّتكم ابلايه ولي صعدت عله الناگه وحَدها شوفولكم فارس حِجازي للوطن بيده يردها ميصير ظعْن اهل المدينه يحدي بي حدّاي شامي _ اشلون الصّوارم غافيه اْو ما طلّگت نوم المغامِد و احريمكم بالمجلس اموگفينهِم و ايزيد گاعِد سبعه او عشَر من اهلي راحوْا ما بگالي امْن أهلي واحِد ينهض يشوف الطوگ حافر معصمي او ماكل اعظامي __ يا طارشي اْو اوگف وسط نادِيهم او نادِيهم ابْساعْ او خبّرهم ابزنيب تره منكم يهلها اْتريد فزّاعْ من إيدها ايفكّ الحِبال او للفواطم يطلب اگناعْ سهْم الشماته اِعْليّه أصعَب من سهَم گوس المرامي ـــــــــــ [ يا راكب الكُور ] ميرزا عادل أشكناني مستشفى الأميري – الكويت ذي القعدة 1443 هــ الشاع