مدونة كووولشي وكلاشي عراق

📜قصيدة : يغالي 🎤الرادود : موسى البولاني  🖋الشاعر : مؤمل مزهر ~ نايم عالترب وبصدرك اسهام ما ضلت خيم وافرشلك وتنام يغالي .. يعلعلون بروحك يغالي .. مكثرين جروحك ~~ جيتك وشفت الصاير ارد اضمد عقلي حاير بكل كتر ياخويه اشوفن جرح دمه سايح حافر الكلبك وصله كطع نياطه ويحمله كلبك بعيني اشوفه  عله الصدر طايح تمطر بس نبل وكليبك انصاب ماكفاهم وركضو عالثياب يغالي .. مغيرات رسومك يغالي .. كافي فز من نومك ~~~ عضمك اسمعنه انكسر والحافر الدك بالضهر جم حافر بصدرك عثر اثر بقه بصدرك عيني ماصدكه انه كلبك تغير مجانه من اجو راسك اجانه دمه يصب نحرك  لحيتك حويه اضنهه السيف لايح بنحرك كمت اشوفن شيب طايح ~~ مرمي ياخويه حسافه حافر تجرك مسافه تجيبك الخيل التجينه وترد اذا ردن بالخيم اسمع كسرهن كسروهن خويه كلهن واستعدن خويه رجعن اجن الك يعدن من السحك ماضل ميت الحيل بلا رباط تدبج فوكك الخيل  يغالي .. ردلي شوف سكينه يغالي .. تكلي بابه وينه ~~~ الرمضه تجوي وانته عاري  سومرك نوم الصحاري  التمن الجن والملائك كلهم بأمرك فدائك انته بس اشر عليهم  ولا يضل واحد    منهو يقبل بيه بله يطشرون بنعمة الله °°°°°°°°°°°°°°°°°°°°°°

  📜 القصيدة: شيخ الخدام  🎤 أداء: موسى البولاني 🖋 كلمات: شاكر الصيمري  ~~~~ صارت عشيرة الخدام وحسين شيخ عليها  ~~~~ منهد ما صاح الا من ناصر  خادم بخادم ترسنه العاشر  حسين للتاريخ ماضي وحاضر  كون من صدرك نشيل الحافر  ونصير لسكينه الماي يوم اهدعش نرويها  ~~~~ الختم بيده حسين هو الحاكم  يا ملك مثله يقدر الخادم  سيدي علينه عطائك دائم  الما يسلم امره بيدك نادم  والدنيه من غيرك هيج وبفلس ما نشريها  ~~~~ كلها من ايدك وليدك راجعه  اكو وادم عافتك بس ضايعه  تاكل بماعونك وما شابعه  واكو خدام اشكثر متواضعه  ما يعثر اليمشي وياك وعله امك ايخليها  ~~~~ كل عشيره وعدها بيرغ مالها  واحنه رايتنه ابو فاضل شالها  شكو طلابه الما تحلها ارجالها  خلها عالعباس وحسب حالها  كل شده لو بس تنخاه عباس يحضر بيها  ~~~~ عامره اتظل المجالس بينه  اشضارها الوادم وتحجي علينه  الجنه الهم واحنه النه حسينه  بكيفه وين يريدنه يخلينه  هاي المأتم لحسين طول العمر نحييها  ~~~~ شيخنه حسين ونظل حاشيته  نغمض ونمشي ورا خاجيته  ياهو مثله بطيبته وحنيته  حسين فوگ العرش واصل صيته  ديوانه ما ينسد يوم شيخ الهله وراعيها  °°°°°°°°°°°°°°°°°°°°

  القصيده 📜قصيدة: أمنيتي الزياره 🎤أداء: موسى البولاني  🖋كلمات: شاكر الصيمري  ~ يا غريبه زينب يا غريبه زينب ~~  كلبي الضريحج ضامي  مولاتي هاي ايامي معنى الحياة ابابج كون اصحى من اوهامي عايش عالدمع صيتي مرقدج بيتي زينب امنيتي الزياره رايد نظره رزقيني يمج اخذيني تعرض بعيني المناره يا غريبه زينب يا غريبه زينب ~~~ شفت الضياع ابدونج عافيتي من ماعونج انت اميرة روحي  يارحمة الله عيونج روحي امعلگه بطيفج ضلت بكيفج ما يرد ضيفج يزينب ابابج الطم اضلوعي وذرف ادموعي  انت موضوعي يزينب يا غريبه زينب يا غريبه زينب ~~~ شمليني من افضالج قبليني انوح الحالج هذا انه شايل ايدي گيديني من احبالج ويلي وركض ابهيمه وانچوي بخيمه الشام يا ضيمه ولوها شايل گلبي واشواگه ناري حراگه زينب بناگه خذوها يا غريبه زينب يا غريبه زينب ~~~ حلمج يراود ليلي والليل ضل يبچيلي يمته تعال اسمعهه واركضلچ بكل حيلي زاير چلمه محلاها اكبر اوياها يرتفع جاها اليزورج حاير لا تخليني ضاعت اسنيني فدوه شرفيني بحضورج يا غريبه زينب يا غريبه زينب ~~~ مرضاتج اجمل غايه وللعفه انتي امرايه هيج الله ويسويهه ونطلع الج مشايه غالي دربج اعلينه نمشي خلين