مدونة كووولشي وكلاشي عراق

خجلان منك  ردتك تمر ويه الفجر.. نسمة ضوه تناغي العمر صبر اليحب كلش صعب.. ماظل قلب يحمل هجر ماعندي غيرك يالعفتني بوحشة اغيابك ياباب ادق بشكوتي لو ماادق بابك آنه الموالي المهدوي العاشق يسموني يالشوفتك لمعة ضوه وتكحل اجفوني ليلي يمحبوبي ظلام بغيبة انوارك اقسم عليك بهيبتك تقبلني خطارك آنه الاعرفك ياحبيبي واعرف اسرارك تلقاني كل طلعة شمس اسال عالاخبارك حن اعله حالي امروتك.. واروي ظماي بشوفتك وآني على حر الجمر.. عاشق واتاني جيتك  ************  حلمي انطوه وغصني التوه.. جيتك جرح وانت الدوه ليلك يجن واسهر واحن.. كل يوم اظن نقعد سوه آنه اعله كل سجة امل شاتلك اعيوني مجنةن وبحبك همت يالبيك لا موني ارجع طفل من اسمع بجيتك يبشروني ازحف واصيحن للحبيب وياكم اخذوني هامت يمحبوبي حياتي بعالم اشواقك معلوقه شمعه بكل مسية بظلمة افراقك هسه الحنين لجيتك ينتظرك اعراقك يالغايب ويلهب جمر بقلوب عشاقك متنطرك وي كل صبح.. بلسم تسلم عالجرح مانقدر اكثر ننتظر.. عجل يبو جف السمح  **************  امرك وعد واعله العهد.. ماظل صبر ينفع بعد حكم الدهر هم وقهر.. وشننتظر يالمنتظر وين القه يوسف هالوكت ويفسر احلامي صارت عجاف امن ال

شوگ العصافير لميتهم شوگ وعصافير  وخضر دمعهم عالتصاوير  ثاري اليحب ماعنده ميصير  منهو الدرى ابوگ النواعير   بضهر النهر تطلع بساتين  بضهر الدمع گعدت مساكين  بعطر السواتر عرّس الطين ليش الگبور بلا عناوين صاحت جروحي وعيني خرسه  وصاير طبع بالناس تنسه  ياهو الي بارد گلبه هسه  عونه الخسر بس ربح نفسه  لبس الجنود شيشبه الگاع  ومشيتهم إتذكِّر بالوداع الدم والتعب بس كون ماضاع  ركضة زمانك ريح وشراع  بعيني القريب شبِعدَه صاير  أرض النجف تدفن مناير  الموت لو گعدة عشاير  من أعمارنه ندي الخساير  احچيلي وحسبني انه يمك  نفس بنفس بهداي اشمك  رِد گلبك وماشيني دمك  هالمره اعرف وين اضمك   رمل الگبر سولف للحجار  هذا الشهيد البيته ايجار  خطار جاي علينه خطار  ويه السواتر طوله تگدار