القصيدة: رَاحْ ابوْ فَاضلْ
الرادود: مُحَمَّد الجنَّامِيْ
الشاعر: كرار حسين الكربلائي
~~~~~~~~~~~~~~~~
أبَابََ الخِيَامْ اتَخُوصَر وَ صاحْ
زِيِنَبْ ِ أخَيِچ عالنَهرْ طَاحْ
رَاحْ ابوْ فَاضلْ والعَلم رَاحْ
~~~~~~~~~~~~~~~~
يزينب
تلگّيني
اسنديني
گبل لا اطيح گدّام الحرم يختي
تراني
حرت بامري
انكسر ظهري
انتهه كل الحچي والنوح سالفتي
اخوي و راح
بعد لا تنتظر كلّيلها سكينه
اخوي و راح
الگبل شايلني بعيونه نطفت عينه
اخوي و راح
سوه نبچي اعله اخونه الغالي خلينه
خليني ابچي و خل يسمعون
إعمّن عله العبّاس يعيون
خليني اترس كربله اصياح
~~~~~~~~~~~~~~~~
سمعته
يحشّمني
اخي ادركني
وصحت يا بعد اخوك ويا بعد حيله
رحتله
حرت شحچي
وگعدت ابچي
اهو الفاگد عيونه ابّيش يبچليه
ابو فاضل
گبل متعوّد ابچّيتي ايتلگّاني
ابو فاضل
يگلي اشلون اشبگك ماهي ذرعاني
ابو فاضل
شبگته وگمنه واحد يبچي عالثاني
اتشابگنه مثل مشابگ الماي
و اتوسّلتله يگوم وياي
افراگ الأُخو للأخو ذبّاح
~~~~~~~~~~~~~~~~
يخيتي
الأُخو الغالي
بچه گبالي
گلتله شيوجعك گال انته واخيامي
اريدك
تِسلّملي
اعله كل اهلي
و تگلهم ما تروه وانذبح ضامي
يحنّيته
حِنين و يدري شمسوي العطش بينه
يحنّيته
لگيته يترس الجود بدمع عينه
يحنّيته
زحمه يگول منطي احچايه لسكينه
ابشيباتي ضَم ادموعه تذكار
اگعد صحت يضلوعي الگصار
بصدري عساهن ذَني الرماح
~~~~~~~~~~~~~~~~
اخَيّي
ابو النخوه
و المروّه
اخذ حيلي و هدم بيتي بخبر موته
فگدته
و حِنه ضلعي
و نزل دمعي
احس الدنيه سكته من خفت صوته
عِمْت عَيني
اخوي الغالي راح و بعد ما شوفه
عِمْت عَيني
بدي ذنّي شلت يا زِينب چفوفه
عِمْت عَيني
لون بيدي متت يّمه وَ لا اعوفه
ابنياتي عد عمهن عزيزات
يمكن يموتن لو درن مات
مالومه گلبي لو بچه و ناح
~~~~~~~~~~~~~~~~
وداعًا
يبت اُمّي
انهدر دمي
عگب عبّاس يا زينب يذبحوني
خِيَمنه
يحرگوها
يسلبوها
تجوني و درب للخيّاله تِلگوني
تشوفيني
اخوچ خيول عشره اتمسر اعظامه
تشوفيني
يسلبون القميص و حتّى العمامه
تشوفيني
ابو راسه ابرمح يبچي عله ايتامه
الما عنده اخو بالطف يذبحوه
و ضعن الفگد عبّاس يسبوه
الذبحوا اهلها اشلون ترتاح
~~~~~~~~~~~~~~~~
~~~~~~~~~~~~~~~~
تعليقات
إرسال تعليق