📜القصيده : عاشور اجه
🎤 ادا۽: علاء الغريباوي
🖋كلمات :علي البوحمد الموسوي
~
هل نحضر كلوبنه
ونحجي وي محبوبنه
عاشور اجه
فرصه شو كدامنه
وخل نشد حزامنه
عاشور اجه
اليخلص عمره بلخدمه
بس هاذ صدك زلمه
عاشور اجه . . عاشور اجه
~~
شد جرحك وصفي نارك
وستقبل الحزن الاعضم
يلغارك بنص ذنوبك
قارب نجاتك محرم
اذا ذنبك بده يعذبك
اخذ درب المجالس
ترا حسينك ضوه العينك
يصير بلا منافس
ولي همه هوه الخدمه
شد حزامه عابس
هذه الحسين تجله بي وجه الله
متفضل ولازم نقدر فضله
الخاطرنه بلطف عزب بعبد الله
يلا نوفي عهودنه
وهوه بيده يكودنه
الفي خدمته
من صدك هنيالنه
لو تسير اعمالنه
الفي خدمته
نشكر صاحب النعمه
بس هاذه الصدك زلمه
~~~
شو بله غمضلي عينك
وسمعني واخذ اليفيدك
تخيل حبيبك يكلك
قافل عليك واريدك
اشوفنك صرت جنك
مثل جنح الحمامه
الهوه يريدك يحط بيدك
مفاتيح الخدامه
شنو اليمنع اذا ترجع
صدك تسمع كلامه
هاذ الاجابه نرد على اللي يسئل
اليشتغل عند الحسين مدلل
واسمه بوصال العاشقين مسجل
يلا ننملي سلالنه
من ربيع امالنه
بدرب العشك
خل نعمر دارنه
نطلع الخطارنه
بدرب العشك
والمايخلف الكلمه
بس هاذ الصدك زلمه
~~~
العام المضه علينه كلش
باني القصور بعملنه
هاي السنه نسوي فزعه
خل نخدم احنه واهلنه
نضف كلبه وفه بحبه
صدك يسمه خير
وابو الهمه الفرش جسمه
وعله الحاير يسير
اخذ حقه وحضه برزقه
مثل حمزه الزغير
هاذ الشهر بي فرصه ماتتعوض
يثبت بغربيل الحسين البي حض
ويتوفق الثوبه اسود وكلبه ابيض
شجره تحني صفاحها
وماتذم فلاحها
بزلت عطش
واليرافك رايته
ماتضيع احجايته
بزلت عطش
اليعرفها الحجي همه
بس هاذ الصدك زلمه
~~~
يلا استعدو المحرم
والخدمه اعضم تجاره
خل نطلع بوجه البيض
ونشد حزم للزياره
ولا نندم ولا نهتم
خدم يحسبنه عنده
خيم تطفه اذا نصفه
تضل كلمته وحده
الهدف واحد واذا حاقد
حجي الباطل نرده
خل ننحني ونشكر ولي النعمه
وراعي الخيم واجبنه ننطي كلمه
وبلعدله نتقاسم ثواب الخدمه
احنه هاي احلامنه
انضافت على ايامنه
خدمة سنه
كل سنه نشد حيلنه
تضوي عتمت ليلنه
خدمة سنه
واليستوعب الحكمه
بس هاذ الصدك زلمه
~~~
قدم الخاطرنه كلشي
خل نعترفله بصراحه
ونكلهه تعبنه فدوه تعبك
يبو اليمه راحه
علكل رايه نحط ايه
رضه حسين النريده
تعب يسوه العمر فدو
يروح الخنصر ايده
مئاتمنه تعلمنه
مضامين العقيده
مهمه نقدم مانوافي افضاله
هوه يعلم بكلب المحب وبحاله
خادم محرم كل وكت نقراله
خادم محرم ياوريث بلخدم
والالم والسبي وضرب السهامه
تدري الذكر طف كربلائه
رب العرش يقبل دعائه
خادم محرم
نختلف عن غيرنه
احنه وادم خيرنه
من سفرته
نعلن استعدادنه
خل نحصل امرادنه
من سفرته
وننذر للحبيب اسمه
بس هاذ الصدك
°°°°°°°°°°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق