احمد الساعدي - اذيتو شعبكم
تعبتوا امي شتريدون من عدها
منهد تشرين ماناشف تره خدها
ماتشتغل عدكم كافي كل يومين
تركض حافيه من البيت للردهه
اذيتو شعبكم
الله لايحبكم
بلا استثناء كلكم
بره البيت بره
مزاد الناس عدكم
نجوع ومايهمكم
الڤلل بس الولدكم
ولا وفيتو مره
كافي انطينه دم شبان
صورهم لسه تهضمنه
وين الدوني والدجال
جاي يريد يحكمنه
هانت ياعراقيين
خل نتوحد بسرعه
ثوره تنادي بالخضراء
اليوم الفاسد انشلعه
***********
دمرتو بلدنه
وبگتًو دم ولدنه
تهجرنه وشردنه
بوطنه وعشنه غربه
مشكوله ذممكم
بس البوگ همكم
قليله شما نذلكم
الظالم دم نطلبه
امنه تصبّح بتابوت
بثوب اوليدهه اتگلب
وامكم بالدول تحتار
تفكر يامصيف اتطب
وابونه الجاب عمره انذار
من الوحده للساتر
بفيّ باب الرعايه اينام
محني ويكسر الخاطر
*********
الشعب حدد مصيره
لان صاحي ضميره
فرصتنا الاخيره
امانه الكاع امانه
ملينه الرتابه
گلبتو البلد غابه
يابويه وييابه
شكد بيكم خيانه
منو يحقن دماء الناس
لو مو مقتدى بيهه
بس ابن الصدر بالضيج
لوخبطت يصفيهه
لبيّك حفيد حسين
كل الشعب رددهه
حلاة الثوره من يصير
ابن الصدر قائدها
تعليقات
إرسال تعليق