مدونة كووولشي وكلاشي عراق

 قصيدة | دارت على حسين الگوم أداء | مسلم الوائلي كلمات | داخل اچويد العگيلي _ ضل بكربلاء محتار وحده يصيح ابو اليمه ودارت على حسين الگوم والعباس مو يمه _ دارت على حسين الاف گوم تحازمت بل شر وين اهل الدرع والطاس تلحگ ع صبط تنغر احيود مطرحه يا حيف والغمان تتبختر وزينب ضلت بحيره وحسين نهدر دمه _ ينادي والدموع اجواب ايس ما يحاچونه ضل بلا تچيه احسين بس يدير بعيونه يصيح بحسره الانصار ولاجنهم يسمعونه وهدت عل خيام الخيل وصارت ع صبط لمه _ ضاكت وين ابو فاضل اخوي وگرة عيوني احشم ما سمعت اجواب ليش لوحدي عفتوني وين اهل الشيم يا حيف ما بيكم تعينوني كلكم صرعه عل تربان ولاواحد يرف علمه _ وكلمن صاحله بأسمه ودمعه اختلط وي دمهم صاح الحگني يا عباس وتمنه يگوم الهم نوبه للخيام يشيط نوبه يرد يحشمهم نوبه يم حبيب يروح يشكي غربته وهمه _ گامت ترچف الاجساد من سمعت ينادي احسين گام وطاح ابو فاضل بلايه چفوف وبلا عين ضاگت كربله بلگوم ومضيعه المفر لاوين ولو ما الله راضيه چان انگلبت الامه _ يعباس انهدم حيلي وطاح بطيحتك ياحيد وخلافك تركت احسين ضل يحارب بفرديد ريت تشوفني بيا حال ومره الوكت اليعيل چان بيمنتك عباس طفهم ضيعت

  قصيدة : عاشور بروحي الرادود : علي الوائلي الكربلائي الشاعر : حاتم صبري الكربلائي ~ عاشور بروحي  عاصمة جروحي يامرجع نوحي  يالهايم بيك شديت احزامي  يا نهر الضامي صحتك باللامي  لبيك لبيك ~~ سفينة الرحمه .. كلبك يبو اليمه وبحر الذنوب امحاوط العين بجزيره لو وحدي .. مديت الك يدّي ما اخاف اصيح وياي الحسين فدوه لدم شيباتك خليني بخيماتك يحسين اني بدونك كائن لا يكون كالو عني امدوهن اصلن بيك مسودن الخادم من يعرفك يوصل للجنون من سر تكويني  انته مسويني من ترابك طيني  يا اصل الحب يا اجمل دامي  يانهري الضامي صحتك باللامي  لبيك لبيك ~~~ دلالي سالفته .. لو انته لو انته طول السنه بالروح موجود بلا دمعه لو لطمه .. ابتر واعيش اعمه وحرام اعوف اثيابي السود ياحج وعاف الحج هزني مثل الهودج يا ريت وبالعاشر تحركني الخيام يمعلمني الغيره وامدللني بخيره هو الحب بس انته والباقي حرام تحسدني الوادم .. جي عندك خادم اوياك مانادم .. دربك لو موت دومك كدامي .. يانهري الضامي صحتك باللامي .. لبيك لبيك ~~~ في عشقك المبكي .. غلامك التركي قد يعجبك ايضاً كلمات قصيدة الطفلة الغريبة حيدر البياتي منذ بضع ايام كلمات قصيدة الطفلة ال

  📜 القصيدة: شال الشهيد حسين 🎤 أداء: مسلم الوائلي 🖋 كلمات: المرحوم ملا عطيه الجمري وعلي أكبر الغرابي ~ شال الشهيد حسين بخوته وشبانه وخله المدينه اتموج من حمل اضعانه ~ ظلمه منازلهم والترب سافيها غراب المدينه ينوح بعد الأهل بيها عگب السبط ملزوم تخرب معانيها وبيت المجد والجود تتهدم اركانه ~ طوح الحادي وشال بضعون اهاليها وظلت منازلهم بس الدمع بيها سفره ومسيرة نوگ وحسين راعيها وعيون ابو السجاد بدموعه ذبلانه ~~~ ابن الحنيفه يحوم بدموع مذروفه يدور بنواحي الدار ويگلب جفوفه يصيح العزيز حسين عيني عسه تشوفه سافر وخلاني من جملت اخوانه ~ مشرعب جفوفه وصاح يا خويه وياكم ما تستجن وتهيد روحي بلياكم شيصبره يالمجفين گلبي اعله فرگاكم محمد عليكم ظال بدموعه وحزانه ~ ولن المنادي يصيح بحر الكرم وينه وفاد ابو السجاد لزيارته جينه سبط النبي في وين اهله وشياهينه محمد جذب ونه وزادت احزانه ~~~~ الينشد محمد وين خوانك الليله يهبط الراس وصاح شالوا فرد شيله غرب حسين وراح بضعونه والعيله وفارغ مجان الجان ما يفرغ مجانه ~~ شيخ العشيره حسين شال وغلق داره ما خلف إلا وحيد مشغول بفكاره لو ضايعه وتنوح بالدار محتاره بنته اوجع

  مرتضى حرب قصيدة ليلة الوحشه|| رايحين || أصدار محرم 1445 هجري اصدار محرم 1445 هجري القصيدة : رايحين اداء : مرتضى حرب كلمات : الشاعر عبد الخالق الحريشاوي

  يرتاح خلوه :  محمد بوجبارة كلمات الشاعر :  عبد الله بو حمد دمي سد عين المهر من كثر الجراح ظنه رايح للخيم بس للعده راح من تگطعني السيوف .. ريت أبويه ما يشوف .. مقتلي من جره دمي اعله مهري وسدها عيناه صحت الله ايعين أبويه بالي وياه لو نظر هالطبره خايف موته والأشد من هذا مهري ضاع مسراه يركض ودمي يصب .. چنه يركض هالگلب وآنه اگله هالدرب .. مو درب الخيام وانته تدري بالأمر .. عندي والد ينتظر لا تگصرله عمر .. من گبل السهام يامهر صوب العده يا ريت متروح آنه روح الوالدي رجع إله الروح لا تزيد له آذاه .. كافي بالعاشر تراه .. مبتلي اعداي إجت وآنه اصرخت بس ما يسمعون بالسيوف وبالرماح أدري اشتريدون ويا جسمي گلب أبويه لا تگطعون ابعيد إخذوني وبعد سووا التسوون كل فرد ليه گصد .. شنهو ما عنده ولد او نوه ايضربه أحد .. يتراكض اعليه العين أبوي آنه الضوه .. ايضمني من هب الهوه ومن تضربوني سوه .. چنه الضرب بيه ردوا اعليه الذبحتك كلنه ناوين من نذبحك ردنه نحرگ گلب الحسين انريده ينحب بالمصاب .. وگلبه يبگه بالعذاب .. يغتلي اسيوف كثره الگطتني وشگت الثوب والتراب التحتي كله ابدمي مخضوب اشلون

  يا بابا اگعدشوف شبيه يا بابا اگعد انه رقيه توجعني اذني من الترجيه يا بابا اگعد انه اجيتك گلي ياهو الجر لحيتك بابا دورلي التراجي وانه ادور خنصر ايدك گاطع نحرك يدري اتحبني اشرد منه وهوه ايسبني بابا اكعد شوف شبيه توجعني اذني من الترجيه. ديره هيمه وبس عبايه تستر اوجوه السبايه انه ادور وينه راسك وزينب ادور ورايه ستر الله يدور عن خيمه بابا ايتعب درب الهيمه ابجي وسوطه ايلاعب بيه توجعني اذني من الترجيه شفته ضيم الغاضريه..... بالحبل مجتوفه اديه عمتي گالت مات ابوجن.... وانه اكلهن منه جيه بابا اكعد يمي ولاعبني اتلمني بحضنك وتنومني من حضنك خلولي اشويه توجعني اذني من الترجيه طاري الخنصر والترجيه.... ما خلن من حيلي شويه انه احسب ضيم كلبك.... بابا تحسب شنهي بيه احسب وجروحك ما يكضن.... وانته احسبهن ذني الركضن شردن بالبر جم علويه توجعني اذني من الترجيه درب الشام اشكد تعبنا زين الهسه وما موتنا بابا وما مرتاح راسك من سوك السوك امرافكنه نسوانك يتمشن گوه راحت ذيج اللمه الحلوه كلمات الشاعر هادي شبيب الخيگانی قناة التلغرام اسألكم الفاتحة والدعاء لروح أبي رحمه الله

  خايف ايبوگون دمعي و أبگه عاري امْن الحزِن رايد أسعِد فاطمه ابونّتها حين اللي توِن گلِت لا تبگه وحدها تبچي گالولي : وإِنْ گالولي : وإِنْ انْچان لبْن الزهره أبگه او ماي عيني ما هِمَل خوفي يمها ماي وجهي يجري فشله امْن الخجّل فاطمه ابهاي اللّيالي ايْروح من عِدها إِبِن ! گالولي : وإِنْ اتشوفه اعله التُراب .. مسلوب الرِّده و اتصيح ابعذاب .. ماني الوالده شاغلها مُصاب : حسين حسين حسين دمعتها تطيح .. من سابعه سِمه چي عدها ذبيح .. غسله امْن الدّمه يوميَّه تصيح : حسين حسين حسين ! آنه الوالده يحسين يبني .. يمن ريت ذبّاحك ذبحني اسعدني عله ابني يالتحبني ولدي ذبحوك .. ومن شربِ الماءِ منعوك و ما عرفوا من جدُك و أبوك _ خايف السلبْوا رداءه يسلبوني غيرتي او تنكشِف سَوْءَة عيُوبي لولا ساتِر عبرتي آنه لو ما هالبواچي ارْويحتي ما تطمئِن گالولي : وإِنْ فاطمه ابجمرة گلبها بالمجالس حاضِره ابإيد دمعتها تمِشها او إيد فوگ الخاصِره تنحني حنْية اهلال او تنكسر كسرة غصِن گالولي : وإِنْ ظهر الزّهره مال .. و المدمع نهَر چن ظهْر الهِلال .. أوّل كل شهر تنظر عالرّمال .. حسين حسين حسين اتدوّر بالبكاء .. وينه المحترِگ عال

  قصيدة : الآن للدمعة أمر صدر ✒️للشاعر : ايهاب المالكي 📅: ليلة 2 محرم 1445 🕌: قاعة بغداد الكبرى - مكتب السيد الحكيم الآن .. للدمعه أمر صدر قد حان .. مأتمها على النحر گلب يون .. بده الحزن حسين ▪️▪️▪️▪️▪️ اي يا حارس المصحف وكت الخدمة من نصطف چن راحن عبر للطف حسين محرم حزنه رباني نگضيها السنة نتاني واحد يوصي بالثاني حسين مرسوم .. صادر وانتهى الطبع مختوم .. واموقعينه بالدمع على الجفن .. بده الحزن حسين ▪️▪️▪️▪️▪️ نلطم نكسر قفاله نقسم بالترك خاله ذاكه الگبرك گباله حسين ننظر كل نفس يذبل لمن ينقره المقتل نسمع زينب اعله التل حسين يا آل .. بيت الخلصوا ذبح واجبال .. مرفوعه على الرمح ذبل غصن .. بده الحزن حسين ▪️▪️▪️▪️▪️ اسمك بالدمه ينخط عز روحه عليك الشط ذبحوا حتى المگمط حسين عن يا فاجعه نصبرك عالمسبيه لو نحرك سيف الشمر بي عطرك حسين شنگول .. وانت سيد الألم مقتول .. بين الطعنه والسهم عقل يجن .. بده الحزن حسين ▪️▪️▪️▪️▪️ بالطف محد يرسمك ياهو اليقبلك يجسمك چم حافر سحگ جسمك حسين رقية اتدورك بخاطر لكن ظنت مسافر واشلائك ابكل حافر حسين والماي .. ما حرك جرف ابد وهواي .. ما ثبتوا على الوعد نجه يظن .. بده

  القصيدة؛ [ طِلَّع سَهَم ] الرادود ؛  مُحَمَّد الجنَّامِيْ الشّاعر؛ سيد عبد الخالق المّحنه ~~~~~~~~~~~~~~~~~~~~~ طِلَّع سَهَم من عَينه رسَم نَهر لِحسّينه نَهر يظل عبر دَرس للخوَة يصّب وِفَه،شَرّف،كَرَم،ومروة ~~~~~~~~~~~~~~~~~~~~~ يا أَعذب نَهر و أطيب من قبل العطش تنحب حبيتك وفه امدد عله چفوف الكرامه چفك يمتد أبلا حد يوصل للأفق وأبعد تسلم ما ردت تسلم لجل نبقه ابسلامه طولك بيرغ امروه يرف ابصيحة النخوة ظهرك شايل الدنيه تكسره دمعة الشكوه يا اترف تتوصف يا نسمة برد بالحر يا أصعب يا أعجب عودك لو عطش يخضَّر حرز شرف خليتَك على الأسم حَبيتك ألك اثر ارض سمه حاضنته اذا أحس خَطر شفت ذاك انته ولا صِحت ها وَينك ~~~~~~~~~~~~~~~~~~~~~ يا وجه الگــمــر يا ضيّ ساطع ما يحجبك شَي زينب من تباوعلك تطمّنها بوجودك انته أبن النبي ايكلگ أركب فدوه اروحن لك الله اليعلم شكبرك ولا نعرف حدودك ما شفنه اخو قبلك يوافي ومستحي من اخته ما شفنه وَفي يروي عياله و يابسه شفته يالطايح ما طايح صاعد والخيم طاحت يالرَّايح ما رايح بس زينب سبي راحت دمع خدر بزنودك نحر طفل يم جودك ولا صحت ولا تهم بجروحك لأن بقى اخو أعز من روحَّك رغ

 قصيدة | آه يمحمد أداء | مسلم الوائلي كلمات | عباس طالب السعيدي _ حايرة اليله بامان اضعونهه . . آه يمحمد وزينب ام اخوانها يسمونهه . . آه يمحمد _ زينب صاحت التمن خل نحسب مصايبنه صاحن باول الحسبات يحسين بضمايرنه احنه اهل الضوه المولود من كعبه مشارگنه ردينه الشمس لليل جي باكت ملامحنه احنا اهل المحنه وخير هاي الناس من عدنه والنوگ الحنينه تكول من زينب محنتنه جم سمه مدنگه اعله باب امتونهه . . آه يمحمد وزينب ام اخوانهه يسمونهه . . اه يمحمد _ هلا يالراجب امطهم جثر بالحديث وياي يل ما ينشبع منك ولكيتك ماي مابيا لحمل فركاگ يا بعد اختك ورجواي يل واكف وراي هواي راح اركض وراك هواي يموجف الاضلوع اهلال ومسوي لخواته فياي هاك اعيوني عن لا شوف فوگك خيل رايح جاي جنهه صوت وفنهم ايشوفونه . . آه يمحمد وزينب ام اخوانها يسمونهه . . آه يمحمد _ يحسين العمر فانوس وعيون الفجر شبحه يبره من ضواك الليل اول مايطر صبحه فطرس والجنح شاهد من شافك دوة لجرحه يل بگماطك وفطرس بيدك عدلت جنحه جمل سنين عبدالله بس لا للضمه تلوحه ترة حتى الهوة جذاب ينگل سهم الايذبحه لا توخر طولك امن عيونهه . . آه يمحمد وزينب ام اخوانها يسمونهه .

  قصج يدة | حيرة أداء | مرتضى حرب كلمات | الشاعر عبدالخالق الحريشاوي _____ ياكوفه شايل جم جرح غيره إمن الطبره مايحجي علي حيره أيشوف أويه دمعاته الجرن يسبون اله أبكاعج ضعن حيره ... حيره _____ علي أبكل طلعه جان الشوفة أيتامه تتزاحم صور بالكوفه كدامه يمر أباب طوعه وتثكل أجدامه أهنا مسلم يشوف أتطيح اله إعمامه المشهد يعيشه العبره خانكته مسلم غريب الكوفه خاينته بالغربه نازح عن وطن يسبون اله أبكاعج ضعن حيره ... حيره _____ أختلط لون المدامع وي دمه الطبره يلم أبكبريائه وخان بي طبره طلعت من كلب بي فركة الزهره جلمة حيره شايلهه علي أبصدره أهنا بالحجر ينصاب بجبينه راس الحسين الهامله عينه نوك الهزل منا يجن يسبون اله أبكاعج ضعن حيره ... حيره _____ علي مو من طبرته العبره بانفاسه علي ثكل المشاعر ذابح أحساسه أبضعن مسبي يشوف وناس موناسه أبرمح راس الكمر بس منهشم راسه بالغيره جرحه مو جرح هامه ينداس حدهن باجر أخيامه وبخدره يندار الزمن يسبون اله أبكاعج ضعن حيره ... حيره _____ مونزف الدمعه الذبل علي لونه يكوفه أهنا درب سابيهن أعيونه تعبره أبمستحاهه العنده مصيوبه أبثكل خطوت غريبه وشحت العونه زينب عفافه وغيرته

 قصيدة | قرآن أداء | مرتضى حرب كلمات | السيد عبد الخالق المحنة _____ قرآن.. قرآن.. قرآن.. قرآن بين اخيامك والعدوان شفتك زمزم بس عطشان شفتك انسان او قرآن قرآن.. قرآن.. قرآن.. قرآن _____ شفت المسافه سهم وانت مشيت ارماح خفاش اجو للكهف وانت جنت مصابح جيب اليشوف الفرق بين الثبت والطاح والبي صفه بس يجي اعمه اليكلك راح           شفتك وحدك بس اهواي              شفتك ماي ورايد ماي               لا صحبان ولا خوان              شفتك انسان و قرأن قرآن.. قرآن.. قرآن.. قرآن _____ يلواكف بلا ضهر حگ الشريعه احزام صدرك مضيف الحسن بس الضيوف اسهام كل ضامي يبجي عطش وانت بجيت اخيام جنك صلاة الصبح والما يصلي ينام                صوت طبول وركتض خيل                    سهرو ويا ابليس اليل                     نامو وي صوت الاذان                      شفتك انسان و قرآن قرآن.. قرآن.. قرآن.. قرآن _____ سدو عليك الدرب يلماتسد الباب تتمايل من الوفه بس التشوف ذياب شد اعله جرحك ملح بس لا تشد اعتاب ناس وعماها الحقد حتى الصدك جذاب            انت الكعبه وهمه الفيل              بس الكافر بيك يعيل             ضاعو بس انت الع

  محرم طب للولاية || الملا وسام الصيمري || موكب عشق العباس || محرم ١٤٤٤ هـ محرم طب للولاية .. يدور وين القراية .. وياهو العلك الراية .. عمت عيني وحك وكفات سبعينك . بروح ونفس شارينك .كلنا جنود عد عينك.. عمت عيني بحبك صرنا ميتين ماتنعاف يحسين وعدنا هل چلمتين حسين المايوگفلك  .. عيب ايسولف بالعباس ..... هاي احسين ايامك .. البيها الحرگو اخيامك . رادو انسى الامك. عمت عيني امك حاضرة اويانة  تلطم حيل تعبانة . لاچن حيل زعلانة عمت عيني تنادي بدمعة العين .. چاوين الخدم وين مايستاهل حسين حسين المايطلملك .. باجر شيگل للزهراء ... حسين انت غريب الله .. الوادم نكرتك غفللة . وانت الكلشي الك صلى. عمت عيني حسين وداعت اعيونك .غزّر بينة ماعونك .موش احنة اليجافونك. عمت عيني گلبي بالعشك هاض اشما صارت الامراض وعلي نركضلك اركاض رادو يبرد ثارك .. واحنة نصيح الثار الثار .... يحسين اوصل شهرك .. البي انكطع نحرك .وعلشاطي انكسر ضهرك. عمت عيني ماجف الدمع ماجف .عيب اوگفلك امچتف .. وانت اعلى الخيم تزحف .عمت عيني حي الله العشك صاح اشلون اتهده وارتاح وراسك شالتة ارماح المجلس دار الزهرة ..ويحرگ بابة السد الباب ... الله ا

  📜قصيدة : امهلني ✒️للشاعر : السيد عبدالخالق المحنه 💽اصدار : محرم 1445 انا والموت واللحظات تمر مثل السهم واسرع گلت حتما يجيني حسين اخويه بوگعتي يفزع شخص قادم عليّ حسيت وانه ما اشوف بس اسمع صحت لو جاي تگطع راس احلفك بالتعبده ارجع لحد ما اودع المحبوب واشبگه وروحي خل تطلع ▪️▪️▪️▪️▪️ إمهلني بس لحظات    واگطع وريدي خليني گبل الموت    أشبگ عضيدي هذا الأريده .. موتي اعله إيده لا مو بعيده .. يتمدد أوياي ▪️▪️▪️▪️▪️ نسيت جروحي وچفوفي صرت من عيني أتألم أنا عيني سهم بيها والأخرى جف عليها الدم بعد بيمن أشوف حسين و بيش أنظر للمخيم أأشر بيش ماكو اجفوف وانا إبشوفة أخوي أحلم بخيامي أسمع صوت    شو ماكو رايه لو طايح العباس    باجر سبايه من صاحت إختي .. طاحت دمعتي صعبه  رجعتي .. لا جف ولا ماي ▪️▪️▪️▪️▪️ عرفنه اليوگع ابشده يتاني فزعة إخوانه وانا عندي أخو واحد وحيد ابين عدوانه يحال الضامي من ينظر نهر وعياله عطشانه أخوي و طلبتي امن الله أموتن فوگ ذرعانه شتعذر امن حسين     لمن يجيني ويمينه بالتوديع     تعذر يميني قبل المنيه .. ابن الزجيه يرضه عليه .. واتفاخر ابهاي ▪️▪️▪️▪️▪️ أحس ابآخر أنفاسي شخص يگرب گلت هو

  راهب الملزومة | السيد عصام الهاشمي | محرم 1445 هـ

  سود الليالي .. الليله اعلى حالي لا خيمه عندي ولا ستر .. لا عندي والي ــــــــــــــــــــــــــــــــــــــ فرّو حفاة من الذعر .. ايتام اخوتي بهالفلا طگ گلبي محتاره اشكثر .. شوك بصحاري كربله البلرگضه سحگت عالجمر .. عالممشى ما بيها مشيتها تصبح يا شكل .. المحترگه رجليها هالديرة هيمه .. واشچم يتيمه كتلتها يا خويه الشمس .. لن ماكو خيمه ــــــــــــــــــــــــــــــــــــــ ها يخوتي ايشوغ الگلب .. من تسحگ اجدامي الجمر ومن الخيم الكم درب ... بيه اركضت يهلي اشكثر چم مره طحت اعلى الارض .. من الرگظه خجلانه وما بيه حيل اعلى الركض .. يخواني عطشانه يا خويه بضماي .. واجمع يتاماي راح امشي ما عندي أخو  .. بهالغربه وياي ــــــــــــــــــــــــــــــــــــــ صار العصر واتگربت .. چتالت اهلي لخيمتي بالنوگ اختكم الانسبت ..وطاحن خيمكم يخوتي چلچل علّي اهدعش .. واحترگت الخيمه يهلي وحرايركم گبل .. ما نامت بهيمه گلبي بعذابه .. عاش بمصابه من بتنه  واغطانه السمه .. ونمنه بترابه ــــــــــــــــــــــــــــــــــــــ وي الغرب رحنه بدرب .. ما هاشميه البيه اجت لأم الخدر ما ضل گلب .. ومن اللطم عيني انطفت رحت وكف

  انته أول ملك خِدامه ما تنذل وانته أول بشر عطشان ومبلل بالحب ويالحبك عايش مدلل اندل بس طريقك غيره ما اندل بس انته هواي والباقي وراي ما حنوا عَليّ مثلك انته بكل مكان اشوفنك امان امغمض امشي واندلك من لگليتك هويتك يعشگي الصدگ يمك ارتاح اموتن اذا نفترگ نار الاشواگ دليلي خل يحترگ .. ❤️‍🔥

  قصيدة: باجر يطش الشمل أداء: مسلم الوائلي كلمات: هاشم الصالحي _____ امشينه يم زينب الليله امشينه ليلة وداع وحزن يسكينه باجر يطش الشمل فراگجن ما ينحمل حسين باجر عالرمل تلگينه امشينه يم زينب الليله امشينه _____ بويه يسكينه ارد اگلج باجر يذبحون ابوج وباجر اخوانج ضحايه البالدرب ما فارگوج شدي حيلج للمصايب باليسر لو جتفوج امشينه يم عمتج يبويه ارد اوصيها اعله اخوج وليدي ما يحمل مرض لاجن امر الله انفرض وبسلاسل باجر اتشوفينه امشينه يم زينب الليله امشينه _____ راح هو وسكنه يمشي وطبوا اعله ام الخدر اتلگته وگامت تشمه وفكت ازرار الصدر بيك اشمن ريحة امي ويا صباي من الزغر نحرك الباسه محمد باجر يگطعه الشمر وشمته بنص منحره وصبراها اعله الجره وگلها اخيج باجر اتفگدينه امشينه يم زينب الليله امشينه _____ وگعدوا وصار الموادع والمفارگ وكته حان وسلمت شمس المحنه ورايح الينگط حنان ودارت الدنيه اعله زينب والوكت بحسين خان وين جنه وين هسه وهايه عملات الزمان وصار الموادع صدگ حسين باجر نفترگ يا بعد باجي العمر وسنينه امشينه يم زينب الليله امشينه _____ گام يوصيها ابناته وحل بالمخيم سكوت وگالها اتصبحين باجر لا اخوان و

  📜 قصيدة :- طر الفجر [ استوديو ] . ✍ كلمات :- الشاعر السيد عبد الخالق المحنة . 🎤 أداء :- الرادود محمد الجنامي . ♦️◼️◼️♦️◼️◼️♦️◼️◼️♦️ طر الفجر يا فجر .. گلب اليحب ما ينام شاعر يصير الدمع .. بمن يموت الكلام ما استحق صحبتك .. يكفيني رد السلام            يــكـفـيـنـي رد الـسـلام ♦️◼️◼️♦️◼️◼️♦️◼️◼️♦️ آني اصغر من احبك وانته اكبر من حبيب وانته اكبر من قضيه تنتهي قبل المغيب هيه كلها الدنيه ملكك لكن انگلك غريب يالي ساترنه بثيابك والثمن جسمك سليب تظل عالي بأمر ربك تعاله يساكن روحي واندهلك تعاله لون مو راسك برمحه تعاله فلا راس ارتفع يبن الزچية لو نفترض ما تحب .. مايبقه للحب مكان لو ما صدر ينسحگ .. مات بصدرنه الحنان لو ما تطيح الخيم .. ما يبقه مسجد حرام          مـا يـبـقـه مـسـجـد حـرام ♦️◼️◼️♦️◼️◼️♦️◼️◼️♦️ والله لو ما تحني ظهرك عالنهر يم الكفيل ما تظل الخوه خوه والهجر هوه البديل علمتنه الباع دينه يرخص وعايش ذليل والتعيش براسه غيره ما يساوم مستحيل وحگ البالخيم چانت ترابك عرفت عيوني من تعمه ترابك لون ما برتوي بدمك ترابك فلا تسجد عليه الرافضيه نمته بأمان ورغد .. يالنايم اعله التراب لو ما حبال ال

  📜 قصيدة :- ياعباس اجيت انخاك . ✍ كلمات :- الشاعر المرحوم الشيخ ابراهيم الديراوي . 🎤 أداء :- الرادود محمد الجنامي . 🔶◼️◼️🔶◼️◼️🔶◼️◼️🔶 ياعباس اجيت انخاك .. ياعباس رد اجواب ياعباس كورت الهموم .. واجيت الك بعتاب 🔶◼️◼️🔶◼️◼️🔶◼️◼️🔶 يا عباس ماني اختك واعتبك يالكلت كومي ابذمتي وجيت من طيبه وياك وتزهي انجومي يا عباس ريت اتشوف هظمي وكثرة اهمومي اهمومي العلي لو صبت عله يذل تلاشه وخاب 🔶◼️◼️🔶◼️◼️🔶◼️◼️🔶 اهموم العلي هم فركاك همي وهم هظم حالي وهم فكد اخوتي وفكد الدلال الجان يبرالي جيت امن الخيم عباس الك والنار بذيالي ماتكعد تكول اختي العزيزه اصبحت بين اجناب 🔶◼️◼️🔶◼️◼️🔶◼️◼️🔶 يا عباس يالردتك ذخر للضيج يجفيلي ردتك گمر يا عباس من يظلم علي ليلي نعم الذخر لاجن غاب مني الگمر يا ويلي اظلم ليلي ولعب بينه الدهر يهل الشيم دولاب 🔶◼️◼️🔶◼️◼️🔶◼️◼️🔶 يا عباس يا صيوان خدري البيك محجوبه يالبيك السلف مامون واهله البيك مهيوبه حتى الشمس لو رادت عله الحي تمر مرعوبه من هيبتك يالعگبك خواتك بعد ماتنهاب  يــــا عـــــبــــاس ... يــــا عـــــبــــاس 🔶◼️◼️🔶◼️◼️🔶◼️◼️🔶 تدري الحرم من تنهاب خويه ابجال ولياه

📜القصيدة: غيور المنون 🖊الشاعر علي السقاي 📌محرم ١٤٤٥ 💽اصدار : لك لبيك غَيورُ المَنونِ .. بَِنفسي اقصدوني دعا القومَ إنّي هُنا فَما دُمتُ حَيَّا .. تَعالَوْا إلَيَّا فَما للنِّسا والعنا كُفّوا العُتاةَ واترُكوا عِيالي أنا الذي جِئتُم إلى قِتالي             أنا ▪︎▪︎▪︎▪︎▪︎ بين السهام الراشِقه التِلوحه اْو ذُهول البَواتر آخِر رَجُل مَيعِز على الله روحه بُقى ابلا مُناصِر هيبة جِبَل ما توصل اِلسفوحه عُتاة العساكر الأكثر يألمه مو ألم جروحه الألم عالحراير حُسينُ الإباءِ .. وَصِنوُ الفِداءِ وخامِسُ أهلِ العبا كما اللّيثُ يزأرْ .. وَغيظاً تأثّرْ رأى الزّحفَ نَحوَ الخِبا نادى الغَيورُ والنداءُ عالِ أنا الذي جِئتُم إلى قِتالي             أنا ▪︎▪︎▪︎▪︎▪︎ تِدرون ما غيري اعله هالوسيعه إبن بت محمد اْو هذي نِساوين النبي وديعه ابحرُب شِلها مِن يَد إن چان لا دِين اِلكُم اْو شَريعه ولا ايهمكم اَحّد رِجعوا اِلحسبكم يا حَسَب صَنيعه اعله نسوه ايتگصّد وَأحرارَ كونوا .. إذا لمْ تَدينوا بدينِ التُّقى والهُدى فإنْ عُرْبَ كُنتُمْ .. كما قد زَعَمتُم فما ذَنبُها يا عِدى دَعُوا النِّسا يا قاتلي رجالي أنا الذي جِئت

 [رجالَ اللهْ ] محرم 1445 هـ ألحان و أداء: الشيخ حسين الأكرف كلمات: نادر التتان   __________________ أ رجالَ اللهْ اللهْ يا جُندَ مُحرّمْ نَفَحاتُ اللهْ اللهْ والمنحرُ عَندَم تركتو المُهِم في سبيل الأهَم مثلكم محد للشهاده إبتسم لقائدكم ادّيتو أجمل قَسَم بيكم شوگ مُذهِل للمعشوگ يصعد بيكم فوگ يارب يقبلنا الغريب حُب احسين حرّك گلب و عين مسلم و ابن القَين بارَك موقفهم حبيب گلتوها للثوار في السِر و العَلانيّه ما يلتقي الإيثار بدروب الأنانيّه عين بعين گابلتو الموت وكسرتو اعيونه لجل احسين خاصمتو الماي اللي ما ذگتونه صار الما قَط في الكوكب صار غيّرتو العالَم يا أنصار دمكم صاح انته احسين  وغيرك ما نختار إمام ** هُوَ وعدُ اللهْ اللهْ والفوزُ مؤكّدْ وسلامُ اللهْ اللهْ يا سبطَ مُحمّدْ نقشتو بدِماكم حِكَم مُغريه فلا الغِيره تصدگ بلا التلبيه ولا الحُب يعيش إلاّ بالتضحيه نافع ثار عابس باح اسرار والحُر فاض احرار مِنّه اتعلّم يا فُرات أبدع جون غِيرة بعِطْر و لون مُعجب كل الكون ميت بس ما عمره مات گبل ارتفاع الصوت صفّي بگلبك النِيّه تالي اهجم اعلى الموت

  سَلّم | الشيخ حسين الأكرف [ سَلّم ] محرم 1445 هـ ألحان و أداء: الشيخ حسين الأكرف كلمات: عبدالله القرمزي __________________ بأبي يا صاحب الزمان وَقَعَ المقدور وهوى من صهوة الحصان قمرُ العاشور بدماكَ النهر تحنّى ولجدِّكَ صدرُكَ حنّا فأتيتَ تزورُ وجئنا بصداكَ نزور تبكيه وقلبك يلهب وبعينك دمعةُ زينب وتقول له لن يذهب دمُك المهدور وينك بالله يا ولينا نملي الدنيا ابأساك عينك في الزمن علينا وكلنا نحيي عزاك بحسين انعجنّا ودربه جَنّه ونوره يهدينا وخلنا للنهايه عالهدايه عينك اعلينا يا المهدي ابعقيدتنا تِثبِّتنا ابخطاك لولاكم قد هِنّا لولاكم ما كُنا لولا عاشوراكم كلُ الدنيا ظلام زر في يوم العاشر قلب الدامي الحائر أسمعنا للظامي منكم أغلى سلام +++ بأبي المغسولُ بالجراح والخدُّ تريب بأبي العافرُ المُستباح والشيبُ خضيب أبكيك دَمَاً لمماتي وأنوح عليك حياتي وأدوم على حسراتي والصدر لهيب بأبي من قد قتلوهُ ومِن الماءِ منعوهُ وعلى الرمح رفعوهُ والجسمُ سليب سَلِّم على قلبه ظامي وكلنا انسلم معاك سَلِّم على رمحه دامي ويفضح راسه عِداك يا المهدي اعلى ث

  مو گلبي انشلعت روحي وضل ينعن حتى جروحي يابس ريج أمك بس العين امغيمه علي يمه فدوه الشمس النص خدك علي جدك علي ويردّك ماشيل العين البعدك لو ما تعمه علي يمه ‏يارمح الملح صوغة صبح لا موجرح ابني وتصيبه يحله شما كبر مثل الگمر وبلا سفر عينك تجيبه أمه آنه وصحت معليه ماعوفه الولد يمه الولد يمه افتر بيه الوكت واتمنى ماشوفه الولد يمه الولد يمه سوالف ناس شبعت ضيم اريد بيومك أحچيها مثل صفنة عطش عالغيم عليك عيوني أخليها نام بگلبي نام يمه اغفه بسلام نسيانك حرام ************** واني ادعي وضميت ايدي اينشفن بوسات وليدي بيهن أشتم أنفاسه كلما فُگده الولد يمه رف جفني وحتى الخيمه وغيّم گلبي بهالهيمه يآخر مجعه بخيمتنه وما تتبده الولد يمه إبني الما گطع شو ما رجع بس الوجع يفتر عليه ما گلي أم علي سكته الولي رداك الي وعافك بديه واحتاريت المّه لو ألوليله الولد يمه الولد يمه ماذيه العِطش ومبيّن بدمه الولد يمه الولد يمه أضمك چنت أناْ من العين ما راويك لعيوني الأم ماتندفن بتراب بغيابك يدفنوني نام بگلبي نام يمه اغفه بسلام نسيانك حرام ********

قناتنا على التلغرا م غير القميص المنخضب بالدّمه هالليله شنهو الينّشُر بالسِّمه !؟ اشتنشر الزّهره ؟ .. ابأوّل العَشره ـــــــــــــــــــــــــــــــــــ بداية محرّم ..  تخيّم عالبشر حالة كآبه او نواعي الزچيّه .. تجي يم بيت عيني او تدِگ بابه تفزّز دموعي .. تگول ابني بِدَت عَشرة مُصابه تنشر الزهره قميصه بين آفاق السّمه و القميص امخرّگِينه او كل كتر يگطر دِمه يالله يا عيني استعدي هذا شهْر امحرّمه او بعد مدري ابهالليالي شراح تنشر فاطمه !؟ الزهره ابحزنها اشتنشر اعله المَله ؟ و اشچم قميص العدها من كربله ؟ اتجدّد الذِكره .. ابأوّل العَشره ـــــــــــــــــــــــــــــــــــ أهيم ابخيالي .. و أنا ابعين البصيره انظر حِزنها كأنّها الوديعه  .. انشرت ثوب آخر او متعالي وَنها قميص الكفاله .. مهو العباس هم حسبة إبنها ! مثل ما يوم القيامه تنشر اچفوف الگمر الليله هم تنشر قميصه الناگع ابماي النهر بس قميص ابلا ردِن من صوب ذرعانه گِصَر و اعله صوب الگلب لي هسّه السهم تارك أثَر الْعامود خضّب ثوبه من ضرْبته و ابصدره لي هسّه أثر جرْبِته او فاطمه اتنظره .. ابأوّل العَشره ـــــــــــــــــــــــــــــــــــ عگب

  قصيدة:_ محرم الذهب اداء:_ #مصطفى_السوداني كلمات:_ #ميثاق_الحمداني لنشطب . كل جمل من الحب . والغزل ونكتب . مستهل ويبقى الحسين محرم . اقترب محرم . الذهب محرم . عطره هب ويبقى الحسين …… الشهر اجه اسمعت وصفنت ودمعت ورحت رايه ارفعت . اعله حايط منزلي اشم ريحة سبي وركضت لموكبي احسه صاحبي . اليحب ابو علي احضر ملبس الخدمه واتحزم لبو اليمه واگولن يا علي الهمه مثل كل عام عالنيه احس ينلچمن جروحي امن امسح صور مذبوحي واطب لكربله بروحي امن ادخل للحسينيه جنوني. بخدمته عيوني. بصورته جفوني . لدمعته اعله طول السنين … خفگ گلبي انه شهر حزني دنه الاله متاني سنه . قريبًا يبتدي امن اروح لكربله الحسين اتأمله اريد اگول اله . انعم الله سيدي يالمخليني اخدمنك ازرعني بدرب حزنك انه الما شبع منك اليكتب اسمك ويشهگ قريب وحاسك جاري وتمد ايدك دفو لداري لو شفتك نهر جاري اشگ القارب واغرگ حبيبي . الاولي ونحيبي . بداخلي طبيبي . بوعلي اليسموه حنين ….. بمحرم استمع قصيده بكل فرع ومسيرات وشمع . حزن ما اجمله حزن طول وعرض مشاهد تنعرض احسّ كل الارض . صفت چن كربله سواد يغطي الولايه قرايه تلحگ قرايه جو حسيني للغايه تمنيته السنه كلها

  فهّمني أرْد أفتَهِم .. بيش اوْصِف او تِنْوصِف يالسرّك المسْتَـتـِر .. لي هسَّه ما منكشِف ليش إنته دون البشَر .. عشْگك عِشِگ يختلف ——————— جيت لدار معرفتك او ما أدري أفوت اِمنين او شِفْت الدنيه كلها أوْهام بس إنته الصّدگ يحسين عِفْت اِبهذا العالَم كلشي .. او سلَّمْتَك دنياي اْو دِيني امْغمّض عيني او خلَفك أمشي .. وين اتودِّيني , ودِّيني إيد ابإيد .. ما عُوفك واسْتَجْديت .. معروفك حَبْلُ اللهْ .. بچْفوفك لا اتْخلّيني غيرك يبِيع الحچِي .. او وكت الفعايل يزِل بس إنته يا بو علي .. من تحچِي گول اْو فعِل حاشه اليحبَّك خِسَر .. عشْگك عِشِگ يختلف ——————— تشبه جنَّة الله ابحيث وصفك مو حچِي او ينگالْ لا عين الرّأت مثلك و لا حتّه التُمُر عالبالْ الوادَم هالگدِّ ايحبّونك .. و محّد منهم عارف گدرَك چا لو يحسين ايْعرفونك .. راحَوْا فدوه لحافر مُهرَك ! بيك الناس .. مجنونه او سرَّك ما .. يدرونه بالأرواح .. مكنونه چِلمة سرَّك الوادِم تدوِّر ذهَب .. بس آنه أدوِّر فِهِم ! لو عندي منَّك حرُف .. چِا بيدي نْلتِ النَّجِم عن كل عشِگ بالدَّهَر .. عشْگك عِشِگ يختلف ———————— مشاعِر حزني بالدلّالْ  مو مالت عَشِر

  بندرية نعمة الحسين | الرادود ميرزا حيدر الابراهيمي محرم 1445 هــ - 2023 م (إستوديو) حسين .. عليَّه امْن الله نِعمه حسين .. عليْه اعيوني تِعمه حسين .. حسين ــــــــــــــــــــــــــــــــــ ألا يا أيّها العالَم .. عليَّه الله ابنِعَم انعَم و أعز نعمه او أجَل او أعظَم .. إسمها حُسين ! العبِد للنعمه يشكرها .. او وسط گلبه يقدّرها النِعَم ماضيها حاضرها .. إسمها حُسين بارِينه .. مغنِينه .. ابحبَّ الگظه عطشان او لعيونه .. مديونه .. كل ذرَّه بالإمكان حنَّان .. او ترِسَ دلّالي غِيره غرگان .. ابعطاياه الچثيره ما چان .. وجودي ابلايه خَيره عجيب .. سِتَرني اللي تسلَّب عجيب .. لچن اِمْحَبْته أعَجبّ عجيب .. حسين ــــــــــــــــــــــــــــــــــــــــــــــــــ الأنامل خمسه بيمينه .. خمس أبحر تروِّينه اليحبَّه دِنْيِته اْو دِينه .. فضِل يمناهْ {لَئِن تُعِدًّوا } أنعامه .. فلَن تُحصى يا خِدَّامه من أجدامي إلى الهامه .. فضِل يمناهْ سبحانه .. ابقرآنه .. {لئِن شَكَرْتُم } گال هالنعمه .. للخدِمه .. { لأزيدُكْم } أفضالْ مديون .. بعد شيَوفِّي ديني مغبون .. ولَوْ أحرگ سِنيني ممنون .. قِبَل يلزم يميني كري

 بالتعاون مع صفحة العبرات الحسينية خدمة محبي باسم الكربلائي تقدم 📜قصيدة: ابصدري حچي ✒️الشاعر: ميرزا عادل الأشكناني 📀اصدار: محرم 1445 https://t.me/m7bebasim/53165 ابْصدري حچي محترگ ما ينحچي ابعيني دمِع مختنگ ما ينبچي ابروحي جرح ما ينشرح ▪️▪️▪️▪️▪️ ابليل اهدعش صارت رَماد اِخيْام و اگلوب او وجْه الله وجهه امخضَّب او عالوجِه مگلوب طبْع الحرب بين الزِّلم طالب او مطلوب لاچَن بناتك يا علي ما إلهن اذنوب گُول الزِّلم للوِتِر تطلب دِمه اشذنب الطفل بالسّهم نحره انِرِمه ؟ دمّه اليسِح ما ينشرح ▪️▪️▪️▪️▪️ ابطيِّ الأرض هَب ريح رحْت لْدَفِنْ سلمان او سبعين جثّه اليوم عندي اتريد دفَّان المُغني البَشر من العطايه ابعازة أچفَان او فارس الميدان اعْله صدره انْلِعب ميدان ما ظل عظم بالجسد ما منفصل و لهالذبِح يا علي اشتاخذ فصل !؟ فصْل الذّبِح ما ينشرِح ▪️▪️▪️▪️▪️ امصاب الذي شفته فلا ينوصِف شَرحه شحْچي او كتاب الله تمزّگ صفحه صفحه و الرّيح عاصف و انتثر بالكون جَرحه شِي بالحوافر راح شي راح اعْله رُمحه أربَع فِرَق حاطِته او ما تنحصي اسيوف او نَبِل و الحِجاره و العِصي(1) او طعْن الرمح   ما ينشرح (1)عن الباقر (ع)