حي الله زوار احسين
حي الله زوار احسين
ــــــــــــــــــــــــــــــــــــــ
اليوم اجينه 00 ابقافله
وهالنوينه 00 الكربله
ندري ابطريقك شفـاعه 00 وقناعه 00 كامله
مانعوفك 00 يالعذب
من نطوفك 00 نقترب
سبحه اعتبرنه إبچفوفك 00 وضيوفك 00 ننحسب
منطينك احچايه
وتعرفنه وفايه
زوار الاحسين هوّسنه بالرايه
امعزّب تلّگانه
وبلسانه حيّانه
بس ماشبگنه مگطوعه ذرعانه
عباس ابن علي 00 حلّاهه رايته
عباس ابن علي 00 فكلنه حضرته
واتنادي گبته 00 واتنادي گبته
حي الله زوار احسين
ــــــــــــــــــــــــــــــــــــــ
غرگتنه 00 بالنعم
حزمتنه 00 بالعلم
والمهدي واگف يعزّب 00 يرّحب 00 بالخدم
يطبخلنه 00 ابطيبته
عزبلنه 00 ابگهوته
الحسن هذا ابحنانه 00 اجانه 00 ابدلته
واينادي ياجاسم
انده گمـر هاشم
والسفره مدهه 00 خل تاكل الوادم
عباسِنَه وينه
وديله چفينه
والسهم امشي 00 خنطلعه من عينه
خنحشم الگمر 00 يستقبل المشو
زوار اخوي اجو 00 وبالرايه هوسو
عالگبه أشّرو 00 عالگبه أشّرو
حي الله زوار احسين
ــــــــــــــــــــــــــــــــــــــ
بينه نخوه 00 الخدمتك
خطوه خطوه 00 الحضرتك
نفديلك احنه عمرنه 00 وفخرنه 00 ازيارتك
يالترابك 00 ينشبگ
واعله بابك 00 من ندگ
نلگه ابضريحك محنّه 00 يجنه 00 امن العشگ
يحسين الك هيبه
كلك وفه وطيبه
عباسك الشيخ 00 واحنه معازيبه
والسفره الاچبيره
نترسهه بالغيره
وانادي الاحسين 00 غرگنه من خيره
ياريحة الطبخ 00 شمتهه فاطمه
وتتبارك السمه 00 ابزاد النقدمه
والسفره دايمه 00 والسفره دايمه
حي الله زوار احسين
ــــــــــــــــــــــــــــــــــــــ
عفنه كلشي 00 اليوره
وجينه نمشي 00 بمفخره
والگمر بيده لزمهه 00 وختمهه 00 التذكره
شرّبانه 00 بجربته
ياحنانه 00 ورحمته
قاضي الحوائج يحبنه 00 وترسنه 00 ابغيرته
واگف يحيينه
وسجل اسامينه
والرايه صاحت 00 جيبوله چفينه
وام البنين امه
اتوزع نذر باسمه
واتنادي اهلاً 00 زوار ابو اليمه
هاي المره الصدگ 00 متروسه بالبخت
من البقيع اجت 00 ويانه شاركت
والغربتك بچت 00 والغربتك بچت
حي الله زوار احسين
ــــــــــــــــــــــــــــــــــــــ
شفنه شايب 00 مبتسم
بالمواكب 00 ملتزم
ابعوچيته واگف يهوّس 00 يبوّس 00 بالجدم
فارشلنه 00 سفرته
يگسملنه 00 خبزته
ابگد شيخ الانصـار 00 نقيسه 00 ونيسه چلمته
ايدلكهه رجلينه
يفرش يغطينه
وايگلك الحيل 00 منك يبو اسكينه
يركض عله الزاير
ايگله الاكل حاضر
اتفضل اهنا 00 وعود الصبح سافر
بي بحه صوته 00 بس يبقى معتلي
واينادي بي عطر 00 چايك يبو علي
وفقنه يالولي 00 وفقنه يالولي
حي الله زوار احسين
ــــــــــــــــــــــــــــــــــــــ
ابصحنك انطب 00 امنيه
اهناكه ننصب 00 تعزيه
والزهره ندري 00 الحنينه 00 علينه 00 راضيه
وزينب اختك 00 باليسر
والفزعتك 00 تنتظر
للنبي هايه الحفيده 00 وحيده 00 بالقصر
وباربعينيتك
ترزقنه حنيتك
مشايه كل عام 00 نتلگه مسبيتك
ندريهه مشتاگه
ترجع عله الناگه
هو الاخو اشلون 00 تصبر عله افراگه
انزلهه من تجي 00 وانكلهه ياهله
شيخة القافله 00 هاي الامدلله
الظعن نستقبله 00 الظعن نستقبله
حي الله زوار احسين
محمد الجماسي
تعليقات
إرسال تعليق