مو قصه واحجي كان ماكان
يوم اهدعش ياريته ماكان
اسفر صباحه وماشفت خير
تدرون اختكم رايحه الوين
متغيره صباح الخير ومغيرها نوحي
تجرح كلمة العدوان يامسبيه روحي
اجروحي هواي ياعباس داويلي جروحي
وانت الروح خويه حسين ماخذ مني روحي
يوم اهدعش صاير عن الف عام..
اللي شظام..سبي وشام
ما واحد من اخواني اللي دام
.. ولا قام..لمن نام
شمحله الاخت لو عدها خوان
مثل الحسين وقمر عدنان
جنتوا عليه شگد تخافون
عفتوها مكسورة جناحين.....زينب
تدرون اختكم رايحه لوين
*********
طولك ياگمرنا احجاب جان اعله الضعينه
وهسه شلون ياعباس راسك رافعينه
امـﭼاني وسط عيناك من ارض المدينه
بدل زينب سهم خلوه بالعين الحنينه
واسياط العده اعليه يرفعون
.. يضربون.. بالمتون
عليه يابو فاضل يأشرون
.. يضحكون.. وانا ام عون
آ شمات كثره يمي شمات..
گالوا كفيلج عالنهر مات
تدرين وينه صار عباس
عالرمح راسه ويمه تمشين...زينب
تدرون اختكم رايحه لوين
************
وسط گلبك عشت ياحسين من زغري شلتني
وبمـﭼان المثلث صار خليته وعفتني
ﭼنت كل يوم الي تشتاگ يالمافارگتني
يم جسمك صرت انگاد ﭼنك ما شفتني
على جثتك ردت ابگه اداريك
.. واداويك.. واغطيك
بس مجبوره راح امشي واخليك
.. واصد ليك.. واحاﭼيك
ياحسين ما ﭼانت على البال..
يمك يـﭼتفوني بالحبال
فوگ الجرالي تدري ياخوي
اوگف بعدكم بالدواوين...زينب
تدرون اختكم رايحه لوين
أسألكم الفاتحة والدعاء لروح المرحوم والدي
كان ما كان | محمد بوجبارة | محرم 1444ه
كان ما كان أداء الملا #محمد_بوجبارة • كلمات الشاعر : عبدالله بوحمد •الهندسة الصوتية: محمد الخنيزي • توزيع : حسام يسري • مخطوطات : حسين مقيم • ترجمة : حسن القطري •إشراف عام : مؤيد المهدي • إدارة المتابعة : محمد عبدرب الرسول • مخرج منفذ : حسن العوامي • إخراج : محمود السلطان إنتاج #بوجباره_ميديا
تعليقات
إرسال تعليق