مدونة كووولشي وكلاشي عراق

  📜 القصيدة: فاتحة الحسين  🎤 أداء: مسلم الوائلي  🖋 كلمات: حيدر سامي السعدي  ~~~~ ما عدنه موعد للدمع ولا راحه للعين كل ساعه كل جرة نفس مذبوح الحسين ما يگضي حزن القافله  وما بيها موسم كربله  مذبوح الحسين      مذبوح الحسين  ~~~ مو اي واحد يگدر يلزم  جمرة خيمة زينب بيده  ولا اي عين ادور دمعه  والبيت اليلجمها تعيده  وفه ... من تعيش جروح العاشر وتحس بيهن دين وفه ... الناسين حسين يشوفوك ويتذكرون حسين  وفه .. من يكثر دمعك  وفه .. ودموعك ربعك  وفه .. من يلفي الليل  وتدعي اعله الخيل كل خل اذا خله انلجم ينلجم وياه  جا يمته يلجمنه الغفه والخيل فوگاه  ما يگضي حزن القافله  ما بيها موسم كربله  مذبوح الحسين       مذبوح الحسين ~~~ هنياله الما فل حزامه  وما يحسب خلصت ما خلصت  مو ركض الأيام الأصعب  الأصعب زينب لمن ركضت  الوكت ... تعلم يركض حين الرادت زينب ساعه وداع الوكت ... خله الما يتعوض گلبه مذبوح اعله الگاع  الوكت .. دار وما حسب  الوكت .. مايل وي زينب  الوكت .. خلاها اتبات      بديرة شمات  اهون اذا ريجك عطش ولا تعطش اخوان  عطشت اخو وعدها اخو مذبوح عطشان  ما يگضي حزن القافله  ما بيها موسم كربله  مذ

  📜 قصيدة : ما ادري 🎤 الرادود : قحطان البديري 🖊 الشاعر : حيدر سامي السعدي ـــــــــــــــــــــــــــــــــــــــــــــــــ ما ادري شكد عمري  بس ادري شكد تعبانه لا انت ضال انت و لا انه الضليت انه ~~~~ وياك اذكر جنت طفله جنت من جنن ترعاني لا تستغرب من احجي حجي اكبر من الساني اشتغير يا تعب كلبي الوكت لو انت لو اني  غير انه اكعد بحضنك شو هسه انت بحضاني  حاجيني دليني شنو الصاير ويانه لا انت ضال انت و لا انه الضليت انه ~~~~ انوي بدمعي اشربك ماي يوميه اعله هالنيه اغرف دمعي و اركضلك و تهيج جروح رجليه اجيك مبلله لرمحك  و اتنشف الشمس بيه  و حك كل فطر بشفافك رمحك تعب اديه يوميه بهالنيه ارجع منك حزنانه  لا انت ضال انت  و لا انه الضليت انه ~~~~ هله بكد ما خذاك الشيب انه ادري و لا هله سامع الخرابه الي تلمني وياك جنه بعين الينازع شلون انساك وانت حسين اليحب ما ينسه شموادع منو مثلك نحر مكطوع بس ويه اهله ما كاطع هب عطرك من نحرك كلت حسين تعنانه لا انت ضال انت و لا انه الضليت انه ~~~~ رماد ودم على عيونك و بعدك بالجمال اول دلال التضحيه امتعبك و طريقك عالرمح طول يالمل منك الرماح لو يستاهلك ما مل تعال اح

  📜 قصيدة : ابابك مجدي  🎤 الرادود : قحطان البديري  🖋 الشاعر : حيدر سامي السعدي  ~ لله يابو الفضل .. وابابك مجدي  ما عندي وانته تعرف غصة الما عندي  ~~ ديان جرحي يدگ ليليه باب الجفن  يطلب عيوني بجي وانته كريم الحزن  يرجع بخدي الصده وبشدتي وحدي  مطلوب دمعي يهل والينطلب ينجتل  لله يابو الفضل .. مديتلك خدي  ما عندي وانته تعرف غصة الما عندي  ~~~ لو بالدراهم تفض اليطلب عيوني جرح  ما يجي براس الشهر موعدنه راس الرمح  ازمه وبلايه الدمع ما شوفها تعدي  ارزقني بجيت طفل بلجن اسدلي حمل  لله يابو الفضل .. سهل عليِ سدي  ما عندي وانته تعرف غصة الما عندي  ~~~ دياني ضحه الي بنحره وخيامه وهله  ما طلب غير الدمع دينه عليِ سهله  تدري الدمع مو سهل وانه عليك اتكل  لله يابو الفضل .. صفحه جديده ابدي  ما عندي وانته تعرف غصة الما عندي  ~~~ نادم والك اعترف بذرت جم دمعه  التوبه يابو الفضل عن دمعي المضيعه  يطلبني جرح الحبل والصعدن اعله الهزل  لله يابو الفضل .. حب گلبي متردي  ما عندي وانته تعرف غصة الما عندي  ~~~ ما بالمذله فخر يا معز خدامك  إلا المذله شرف مولاي گدامك  اليم بابكم ما يذل ما عنده حب وعقل  لله يابو الف