قصيدة المشاية مرتضى حرب || نويت || محرم 1444 هجري
نويت العام باربعينه ..بقيت اتنطر تجينه
ودعيت روحي تظل حزينه..نويت
مثل البشط ويحشم الروايه
العام امشي واشتاگيت للمشايه
سامع حجي من شكثر حجايه
بس ياهلا بالزاير احله حجايه
بس عالم المشايه.. حصراً الى الوفايه
عن العوالم يفرق.. بي ترتفع جم رايه
اريد امشيلك يطايح.. واصيح الحسين آنه رايح
وانوح يالتسوى النوايح.. نويت
مثل التتاني وليدها يرد ليها
هيجي الزياره بكل سنه نتانيها
يحسين لتظن رايتك نطويها
كون اربعينك كل شهر نمشيها
ينزاح كلشي وتبقه.. هايه المسيره الحقه
الزيارتك جم محتاج.. يعتني ويترك رزقه
الدروب نطويها ونجيلك.. حسين نخلص في سبيلك
نجوم ومطلعنه ليلك.. نويت
اعله المواكب لو گبلنه بهمه
واحد يگل الثاني جتنه النعمه
يعزبون ويظل زلمه يدفع زلمه
شايب وشاب يصيح لاجل الخدمه
محله الجفوف السمره.. لمن تمد السفره
وماتگطع اليا حياك.. من البحر للحضره
تريب بس اسمك عزيمه.. يسيف مايعرف هزيمه
ذبيح ومسويلنه قيمه.. نويت
يادرب واليمشيك ترفع شانه
يا اول معزب محترگ صيوانه
يحسين يالحبك زلم سوانه
هنياله الشموسك تغير الوانه
المانگل صوبك جدمه.. ماعرف معنه النعمه
نبجيلك ونعرف بيك.. تقدر دموع الزلمه
نسير وترف الروايه.. طريق ما يحمل نهايه
ضواك نقطه الكل بدايه.. نويت
يا ابو الكل زاير گصد يمشيلك
لوضعف حيله تحط عليه من حيلك
كون اليگصدك يحس سحگة حيلك
وكون وي كل نگلة جدم يبجيلك
واحنه ابمشينه نعاهد.. ونبجي ودمعنه الشاهد
يستاهل الدمع حسين.. واحد يگل الواحد
يخير طشرته الحوافر.. يجيك جبريل انته زاير
ويطوف ويشم المناير.. ونويــت
من يصك دربك ناس ويصير اسود
ويظل جدم يسبگ جدم عالمرقد
يوگف الخادم وگفة اليتعبد
يعزب ودخان المواكب يشهد
نرتاح لمن نتعب.. لاجل القميصه تسلب
تشد العزم من تصيح.. كل الخدم يازينب
خضيب يالتسوه المتاعب.. بسماك نرسم هالمناقب
سواد دخان المواكب.. نويـــت
كلمات الشاعر
مصطفى حرب
ليالي : محرم 1444هجري القصيدة : نويت اداء : مرتضى حرب كلمات : مصطفى حرب المكان : العراق _ ميسان _ حسينية الحاج عبد الزهرة الفرطوسي
تعليقات
إرسال تعليق