نعي
بضلعج مره وحده الباب طبگوه
وأنه ضلعي درب للخيل خلّوه
والحافر احس من ظهري طلعوه
الحوافر حمره مصبوغات بالدم
...
ضلعج من تكسر مره وحده
وانه الخياله فوگي روحه رده
وشمرها يصيح دوسو عدل بعده
ما ظل عظم بيه ما تهشم
..
*****************
نعي
سهرانه طول الليل ما نامت العين
ما نحت للعباس نوحي عله حسين
...
لحد عله العباس يقره عزيه
خلو البچي والنوح لبن الزچيه
حسين انذبح عطشان بالغاضريه
وسهم المثلث حيف طر چبده نصين
...
لو عندي من عباس بالدنيه عشره
تلگوني ابچي دموم للدامي نحره
عاري وسمعت الخيل رضرضت صدره
و زينب تصيح بصوت خويه اوگعت وين
...
وينك انت
كتلني اعتاب گلبي وين اكته
اسمعت ون وعرفته ونك انت
صحت يحسين يبني وينك انت
بِشر گلي انذبح بالغاضريه
************
نعي
يالويلاد انه الزهره الزچيه
وتدرون الضلع شمسوي بيه
يوميه انصب لواحد عزيه
والطم وجهي يوميه اعله غالي
..
ودعت الحسن مسموم چبده
وشفت حسين عالتربان خده
وبناته سلبوهن وحده وحده
وخذو زينب سبيه بغير والي
..
وعالعباس ابني اجري دمعي
ونواعي الوالده يم راسه انعي
الطم حيل خل يلچمني ضلعي
غريبه وصار حال الضيم حالي
..
يبني
ونينك من ديار الغرب يبني
الدهر يوميه بيت احزان يبني
منهو السلبك يحسين يبني
ومنهو البالحبل چتف رقيه
***********
نعي
صاحت فاطمه من گلب ولهان
ثلث تيام وابني حسين عريان
اعله كيفك لو ردت دفنه يدفان
تره جسمه صبح للخيل ميدان
دوّر ماي دبره منين ما چان
عمت عيني عليه مذبوح عطشان
زينب ماهي تنصب مآتم احزان
مچتوفه بحبل واگفه بديوان
...
أنه المكسور منها الضلع وآنه
الگلبها ما يهيد وگطع وآنه
يا دفان راس حسين وآنه
يگلها برمح وي اخته السبيه
...
مثل حيرتي بهذا الكون من حار
ذابت چبدتي لا تظن من حر
بظهريه ادفنت سبعين منحر
وعطر انحورهم لسّا بديه
****************
نعي
عماتك سبيهن ما رحمهن
هذا يطگهن وذاك الشتمهن
من گيد الحبل يتجاره دمهن
علويات والتحميهن عداك
..
چم عمه انسبت والثوب محروگ
يدعن لا يعثرن بيهن النوگ
تعال وشوف لمن طبن السوگ
وحده بكتر وحده لاذن هناك
...
بالديوان شافوهن سبيات
ويزيد يصيح واتسمعه السماوات
اكشفو وجوهچن يالفاطميات
حگك من اعيونك تنزف دماك
...
ونها
عن سبية حريمك گوم ونها
وخل روحك تبطل بعد ونها
يزيد يصيح اخت عباس ونها
نظرها وشتم حماي الحميه
راحات
من دنياك ابد ما شفت راحات
لذبح الاهل تصفج گمت راحات
يغايب تدري زينب وين راحات
عگب عباس ودوها سبيه
...
*************
نعي
چنت يا هند يم عباس هيبه
ريته يشوفني هسا غريبه
...
جنت يم الگمر كلي مهابه
ريت يشوفني وسط الخرابه
انه زينب وانام اعله الترابه
افتر بيه الوكت والله عجيبه
...
بالله ياهند يالتخدمينه
شوفي سياطهم شمسوي بينه
سبونه والزلم تنظر علينه
واحس گلبي تفطر من نحيبه
...
شوفي ياهند لمتون الاطفال
تلگيهن زرگ من عصي الجمال
بنات الزهره ويچتفونه بحبال
مصيبتنه ولا منها مصيبه
...
يهلها
حگ جفني دمه الدمعه يهلها
عله الحره الوكت وسفه يهلها
بخرابه گاعده زينب يهلها
حيكم گومو طلعو الهاشميه
******************
نعي
..
شعندك صبر يا صاحب الثار
وصدر الزچيه انصاب بسمار
اخبرك ثوب امك لاحته النار
وضلعها بي كسر ما تكدر تكوم
...
امك فاطمه صطرو جفنها
وسوط العبد ورم متنها
بالعصره وگع محسن ابنها
وفوگا هوت عن لا تسحگه الگوم
...
غسلها علي وفوگ الجسد طاح
يويلي وشكثر يم الضلع ناح
شاف اثار سوط وعصي وارماح
من اهدها عيونه ما مر بيهن النوم
...
صفت ظلمه بمغيب البدر بسماي
چانت من تگوم تصيح بسماي
شعجب يا عين شو تبچين بسماي
وجب تبچين دم اعله الزچيه
..
زينب تدگ يسره فوگ يمنه
وصاحت بويه خلها تبات يمنه
يتامه انصير من تمشين يمنه
وفراگچ مثل يوم المنيهنعي
خويه حسين كلي شلون شالوك
وانت موذر وبالخيل داسوك
وبلا راس بالله شلون واروك
شربت الماي لو عطشان دفنوك
..
حرمه بغربتي متيهه البصيره
وين اليوصل يخبر العشيره
ويصيح حسين شيعوه بحصيره
وزينبكم يهل زينب اسيره
...
ولاجيت
دموعي انحبست بعيني ولا جيت
بچيت اشكثر عالناگه ولا جيت
لا اني حضرت دفنك ولا جيت
يبو فاضل تحل اگيود اديه
نعي
اجيتلكم يخوتي وجايبه الروس
واريد اشبع بواچي يمكم ونوح
وين الله من اشمن گبر الحسين
وعله شمة اترابه تطلع الروح
ما بيه بعد حته احچي عالضيم
بكثر ما صحت وينك صوتي مبحوح
آنه بيا زمن مسبية عالنوگ
واشوفن راس اخوي اگبالي مذبوح
تمنيت انذبح ياناس وياه
وفوگانه ترد الخيل واتروح
مصبوغه عباتي بدمه لليوم
الالف وتسعميه بيه الجروح
اجيت بأربعينك وينه عباس
شو لا چفه شو لا رايته تلوح
معقوله الكفل خدر السموات
هو ورايته عالشاطي مطروح
بس جابر تلگاني وصرخ آخ
عجيه مخدرة حيدر سبي اتروح
يگلي سولفيلي شصار ما صار
بس ريحة دمه وجاوبته بالنوح
...
الگلب ما يوم سَرّه الدهر وهْناه
وهن حيلي واگلك سبب وهناه
هنا ذبحو اخوي حسين وهنا
داست فوگ صدره اخيول اميه
...
جرحي ما نشف بعده ترا ني
انسبيت وعين عدواني تراني
تراني ما متت بالسم تراني
متت لمن شفت زينب سبيه
نعي
بعدك يا بعد روحي وحياتي
عله رماد الخيم صارت صلاتي
وحگ عينك ردت تگرب وفاتي
من شفت الشمر يضرب خواتي
يا عباس اصعب نايباتي
فرد لون اصبحن متني وعباتي
...
شحچيلك يخويه والحچي هواي
حر وسبي وغربه ولسه بضماي
من چف الشمر ما اشرب الماي
كل ساعه واگله كافلي جاي
نعي
بضعن زينب اليحدي النوگ ما ون
وعليها ما كو شي عالگاع ماون
اذا تنشد خذوها وين ما وين
يغايب واگفه بديوان اميه
...
هاجن
بگلبك للخيم جمرات هاجن
غريبات وظلام الليل ها جن
يغايب حافيات الظهر هاجن
وسوط لسكنه والثاني لرقيه
...
سكنه
يغايب بيت حزنك دوم سكنه
وجرحك سيدي بالثار سكنه
تسحگ عالجمر وتصيح سكنه
ابو فاضل ردت يلحگ عليه
...
..
نعي
للامام السجاد
نعي
انه الحرگو خيام حسين فوگاي
عليل لوحدي وبس حرم ويّاي
أطفي حجاب هاي يشب ستر هاي
وازحف عالتراب ابين الخيام
..
يالسجاد صاحن نتجه وين
صحت عالهيمه فرن يالنساوين
فوگ اوجوهچن خلنها الايدين
اعليكم لا تصد اعيون ظلام
..
رقيه أختي ما انسه حزنها
اجت مسلوبه ترچية اذنها
تداوي متوني متداوي متنها
كل هذا واذا ونيت انلام
..
كبش ما ينذبح الا يرووه
وابويه من الگفه عطشان ذبحوه
سلبو حته ثوبه وعاري خلوه
داسو وانه الم بچفوفي العظام
..
ولاميت
گضيت اسنيني لا عايش ولاميت
اعله نوحي الناس حاچتني ولامت
الخيل اعله الابو داست ولميت
ضلوعه بچفي يوم الغاضريه
..
نعي
شلت اچفوفك من الگاع بيدي
اشم بيهن ونادي يا وليدي
گبلك ريتهم گطعو وريدي
وگبلك ريت مگطوعات اديه
..
گطع گلبي يبو فاضل ونينك
اويلي اعليك متهشم جبينك
خوفي لو شلت سهم البعينك
يطلعن عينك وسهمك سويه
..
علم لاه
وحگ چفك الي طايح علم لاه
بچيت وحزني لمصابك علم لاه عالم له
صحت عباس هم عندك علم .. لا
خذو زينب بعد عينك سبيه
..
والحسان
يبو فاضل يبدر العز والاحسان
زماني ابد ما انصف ولا احسن
زينب حرگو خيمها والحسين
ترض صدره الاخيول الاعوجيه
..
بنات الزهره ضيم الوكت عمها
العمه عين الگمر بالسهم عمها
الأبوها حسين والعباس عمها
ما ينگال عنها خارجيه
تعليقات
إرسال تعليق