📜قصيدة: بابا الخيمه
🎤اداء: مرتضى حرب
🖋كلمات: مرتضى حرب
~~
بابا الخيمه اعلينه احترگت
وين انروح
احتارينه احتارينه
اندور ريحتكم من هدوا
وداعة عينك
ظلينه ظلينه
بابا ازغار احنه .. والسوط ابگدنه
بابا ازغار احنه .. والسوط ابگدنه
وين انروح
احتارينه احتارينه
~~~
شو گبلي نايم مو چنت
ماتسد گبلي اعيونك
ايظلن گبل لو ما أجي
متـزاعلات اجـفونك
اتغطه ابدفوا انفاسك چنت
يـالرايح ايغطونك
برماد الخيام اوتظل
رضعانك ايدورونك
تريد اتشيل إيدك ماتلحگ
الله ايعابي الخياله
الخياله
طايح خلوه ايشيل ايده
من ابـعيد ايـودع اعياله اعياله
خلي إيودعنه
والسوط ابگدنه
~~~
يوجع السوط وفرگتك
اكثر بعد توجعني
بحضنك چنت واشتاگ الك
اگعد يالمدللني
ازغار خطواتي وإذا
اركض شمر يلحگني
بالسوط يخطيني لون
بالرمح ماله ايطگني
يطگني ومدري اشلون اشگفهن
مامتعوده انطگ آنه انطگ آنه
خوف وغربه ونار وحيره
اركضت اهواي وعطشانه عطشانه
محد ظل النه
والسوط ابگدنه
~~~
بابا الصبح بي لا هله
بوجهك اذا ماصبح
لمن تفز من نومتك
دلالي چان ايفرفح
باچر افز ابنص زلم
عدهم المروه اتشح
ويسبوني ومن التعب
ابرجليها سح عمتي اتـسح
ونتچتف وحده ابچف وحده
ونعبر من يم اعيونك اعيونك
تعمدوا من يمك عبرونه
متقصدين ايلچمونك ايلچمونك
شفناك وطحنه
والسوط ابگدنه
~~~
بعصة الرمح طگني وصحت
اخ واظن وصلتك
لن اسمعت بيك انشغت
من طگتي لو من طگتك
ابداعة الظلت تنتظر
طگت من الوجعتك
احوفر الخيل البالصدر
لو دم آذان ابنيتك
لو من صار المغرب وانته
تسمع صوت الچتفوها الچتفوها
ومابيدك شي لمن هدوا
كل اضلوعك سحگوها سحگوها
اوچتالك يمنه
والسوط ابگدنه
~~~
صار المسه بس مختلف
حته الگمر قل ضيه
انه ابكتر وانته ابكتر
اول مسه إيمر بيه
اعليك انشدت عمتي وبچت
گلتلي مابي جيه
كلت الها سافر والدي
لو غيري عده ابنيـه
انه أدري امخضب من دمك
بس شـيقنعني ابهايه ابهايه
من ليلي ابحضنك ما اغفه
وافرشـلك المصلايه المصلايه
الليل إيخوفنه
والسوط ابكدنه
~~~
يـ بنيتي كافي من العـتب
من النحر گل إلها
أحمل اجـروح الـلا تعـد
چلمتج ما احملها
بابا انذبح مرتين أحس
لو گلتي الـمدللها
من حضنك ايجرها الشمر
يا بابا هم تقبلها
صدري الچان امچان الراسچ
بعيونچ لتصديله لتصديله
زغرته الخيل الداسته
وظل چف ايدچ يكفيله يكفيله
ابحضنك ويجرنه
والسوط ابگدنه
°°°°°°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق