مايرد مسلم بعد استعدي للشدد
والمحن متواصله.. ياحميده بكربلا
واستعدي للشدد
مسلم المن ازمان ماشايفته
ما يرجع لارض الوطن يابنته
من الكوفه بالاسواق سحبوا جثته
شبقته الكاع وانتي ماشابقته
ما بقه بعينج دمع.. ولا بقه بصدره ضلع
وبانتظارج حرمله..ياحميده بكربلا
استعدي للشدد
*******************
مسلم بارض الكوفه ينزف دمه
لابو اليمه لتبو فاضل يمه
من وكعته ضلوع اللي بصدره مهشمه
وما واحد يحل الحبل عن جسمه
للحسين بدمعه.. من بعيد يودعه
وانتي ويه القافله..ياحميده بكربلا
استعدي للشدد
عباس ميلحك يجي ويشوف
والحبل بيده يفتحه عن اجفوفه
ولو شاهد اضلوع الصدر مكشوفه
يغطيه براية حيدر المعروفه
ما اجه بجوده البدر.. يطفي لهبات الجمر
وشبعد متامله.. ياحميده بكربلا
استعدي للشدد
ليلة امس يم طوعه راح بحسره
عطشان ما واحد طفاله الجمره
يمها ارتوه بالماي اخر مره
واليوم دم اشفافه من الغدره
امن الضما يحجي بهمس
ظامي من ليلة امس
وانتي ويه االعايله...ياحميده بكربلا
استعدي للشدد
لكربلا روحي ياحميده بهمج
واهناك من تنخضب شيبة عمج
ما يجي مسلم يطفي نار خيمج
يبتدي من حرك المخيم يتمج
صدره لمن ينهشم.. يبتدي دور اليتم
وصوت الاحزان اعتله.. ياحميده بكربلا
استعدي
مسلم بعد يابنته ماتشوفينه
بعينج الدمعه وهو دم بعينه
عمج حسين بدمعج اتشبقينه
وبصدره عطر الوالد تشمينه
والسبط لو شاهدج.. تذكرينه بوالدج
والملامح خامله.. ياحميده بكربلا
استعدي للشدد
الشاعر قحطان الحسناوي
تعليقات
إرسال تعليق