القصيدة: يجرحني فركاك
الرادود: مُحَمَّد الجنَّامِيْ
الشاعر: فاضل مقدم
~~~~~~~~~~~~~~~~~~~~~~
يجرحني فرگاك ما اگدر انساك
انته اعله رمحك وآنه امشي وياك
~~~~~~~~~~~~~~~~~~~~~~
عيني مافارگت عينك راسك اويه الظعن دار
مو مهم شلوني خويه جرحك انت شلون صار
راس تلهب نار اشوفك تبچي لهموم الزغار
نحرك يترجم سوالف وآنه ما املك قرار
شمر سمعني بچيت ، دفعني
ثكيله ايده لمن صفعني
ماظل الي حيل يكسرني الليل
احچي اويه جرحك وآنه امشي وياك
~~~~~~~~~~~~~~~~~~~~~~
جبت هذا الدرب انحب من النياحه ماامل
شلون اشيل الطاح مني وآنه بچفوفي حبل
المثلي والعباس اخوها بالعرب ماتنسأل
وآنه كل ساعه وبجيني شامت ونار اشتعل
سألني عنك سمعته ، ونك
العذر قبلته يخويه منك
تتراجف اعضاي ماشاربه الماي
وعطشانه المحك وآنه امشي وياك
~~~~~~~~~~~~~~~~~~~~~~
الليل زارع خوف بيه لو شمس مغرب تغيب
طولي بالقافله يگصر لاتشوفه عيون ذيب
ايطيب جرح الحبل لاچن حچي الشامت مايطيب
اوياي انت وليش گلبي عايش ابحالة غريب
احن وأتاني اون ، وأعاني
الذبح اخوتي بزجر ولاني
من الكوفه للشام چم قصة آلام
يرويها صبحك وآنه امشي وياك
~~~~~~~~~~~~~~~~~~~~~~
من الحراسه خويه اتعب واعله رمحك انتچي
والله مامتعوده اسمع هلگد اصياح وحچي
انتوا روس اعله الرماح والمن اگعد اشتكي
ينسمع كسر الخواطر ماطلع صوت البچي
كتمته صوتي الزعل ، اخوتي
تمنه گلبي ابحنيني موتي
لا روحي اتموت لا ابچي ابصوت
بعيوني ذبحك وآنه امشي وياك
~~~~~~~~~~~~~~~~~~~~~~
تعليقات
إرسال تعليق