لطم ليلة ١١ ١٤٤٤هجرية
صوت الغريبة بهالليل وينك يحيدر
انهض لينه كوم احمينه
صوت الغريبة بهالليل وينك يحيدر
-------------------
يابالحسن عايلتك بغير خيام
حركو خيمنه وسلبونه الظلام
حارس ظعنه عالنهر جفنه نام
من الخوف ما يسكت بچيها الأيتام
ما بين أمس بين اليوم حالي تغير
كافل ظعني تغيّب عني
صوت الغريبة بهالليل وينك يحيدر
١---------------
ماعندي غيرك ياعلي بالشده
ردنه النلوذ من الوحوش بسده
انته السند للماله چف يسنده
خايفه العسكر عالظعن يتعده
ردنه نلوذ بعيناك من وحشة البر
لو وحّدنه البر يظهدنه
صوت الغريبة بهالليل وينك يحيدر
٢----------------
وين أخوتي يابويه راحت عني
ومنظر جثثهم عالأرض لوعني
بالأمس چانت حاضرة تودعني
وهالليل لنها بموتها تصدعني
شوف الحسين على الكاع جسمه توذر
ينزف دمه تسلّب جسمه
صوت الغريبة بهالليل وينك يحيدر
٣----------------
كصدت لأخوي حسين وسط الميدان
بلچت يأمّن خوف قلب النسوان
مذبوح شفته ودمه فوك التربان
مسلوب جسمه بويه بيد العدوان
بحوافر خيول عداه صدره تكسّر
صدره تهشم عالكاع الدم
صوت الغريبة بهالليل وينك يحيدر
٤---------------
عباس ودعني ودمعتي بعيناي
خنجر غيابه ياعلي بين حشاي
مذبوح كالولي على شاطي الماي
وهالليل ماواگف كفيلي وياي
نامت عيون العباس وعيوني تسهر
عاف العيلة بأصعب ليلة
صوت الغريبة بهالليل وينك يحيدر
٥-------------
أطفال عندي وخايفه بهذا الليل
عيون أمهات على المشو دمعه تسيل
نهار النوايب ياعلي ما ظل حيل
أركض على أطفال التسحّكها الخيل
أجمع يبويه الأيتام اللي لزمت البر
وين الوالي يلم أطفالي
صوت الغريبة بهالليل وينك يحيدر
٦---------------
باچر يريدون العده يسبونه
للكوفة من بعد اخوتي يودونه
بحبال خشنه يا علي يكيدونه
بعد المهابه تقبل يضربونه
ياريتك بهذا الليل يابوية تحضر
تشاهد حالي تصير بدالي
صوت الغريبة بهالليل وينك يحيدر
٧---------------
تمت
تعليقات
إرسال تعليق