قصائد استشهاد الامام زين العابدين علي بن الحسين عليه السلام مكتوبة
*قصائد مقدمة المجلس*
رقم (228)
رثاء الإمام السجاد (عليه السلام)
الشيخ عبد المنعم الفرطوسي (ت ١٤٠٤ هـ)
1- قَرِحَتْ جُفُونُكَ مِنْ قَذًى وَسُهَادِ
إِنْ لَمْ تَفِضْ لِمُصِيْبَةِ السَّجَّادِ
2- فَأَسِلْ فُؤَادَكَ مِنْ جُفُوْنِكَ أَدْمُعًا
وَاقْدَحْ حَشَاكَ مِنَ الْأَسَىْ بِزِنَادِ
3- وَانْدُبْ إِمَامًا طَاهِرًا هُوَ سَيِّدٌ
لِلسَّاجِدِيْنَ وَزِيْنَةُ الْعُبَّادِ
4- مَا أَبْقَتِ الْبَلْوَىْ ضَنىً مِنْ جِسْمِهِ
وَهُوَ الْعَلِيْلُ سِوَىْ خَيَالٍ بَادِي
5- لَهْفِيْ عَلَيْهِ يَئِنُّ فِيْ أَغْلَالِهِ
بَيْنَ الْعِدَىْ وَيُقَادُ بِالْأَصْفَادِ
6- مُضْنىً وَجَامِعَةُ الْحَدِيْدِ بِنَحْرِهِ
غُلٌّ يُعَانِيْ مِنْهُ شَرَّ قِيَادِ
7- تَحْدُو بِهِ الْأَضْغَانُ مِنْ بَلَدٍ إلى
بَلَدٍ وَتُسْلِمُهُ إِلَى الْأَحْقَادِ
8- وَالشَّامُ إِنَّ الشَّامَ أَفْنَىْ قَلْبَهُ
أَلَمًا وَآلَ بِصَبْرِهِ لِنَفَادِ
9- لَمْ يَلْقَ فِيْهِ سِوَىْ الْقَطِيْعَةِ وَالْعِدَى
وَشَمَاتَةِ الْأَعْدَاءِ وَالْحُسَّادِ
10- سَلْ عَنْهُ طِيْبَةَ هَلْ بِهَا طَابَتْ لَهُ
بَعْدَ الْحُسَيْنِ نَوَاظِرٌ بِرُقَادِ؟
11- هَلْ ذَاقَ طَعْمَ الزَّادِ طُوْلَ حَيَاتِهِ
إِلَّا وَيَمْزُجُ دَمْعَهُ بِالزَّادِ
12- حَتَّى قَضَى سُمًّا وَمِلءُ فُؤَادِهِ
أَلَمٌ تَحُزُّ مُدَاهُ كُلَّ فُؤَادِ
*
الشعر الدارج للخطيب الشيخ محمد سعيد المنصوري :
گضه فوگ المصيبه المرّت اعـليه
گضه مسموم والعـيـلـه حـواليـه
يـــــعالج والطـفوف اتمثّلت ليـه
ومصرع والده اگـبال الوجـه صار
ابـذاك الحـال يـا ويـلي تـصوّر
نومة والده العـلى الرمـل بـالحر
نـاده المر يـبـويـه اعـليـك مـا مـر
عـلـيْ يـا والدي ولا عـشـر مـعشار
بـويـه امـصيبتك مـا مـش مـثلها
المصـايب عـد ذچـرها اتهـون كـلها
خـلّت عــمّتي سنتين ولهـا
تحـن چـالنيب لجـلك ليـل ونهـار
ونـه بـعـدك يــبويـه مـن السـنين
مدري اشلون اظل خمسه أو ثلاثين
اگوم اگعد اصيح بصوت يحسين
البواجي اعليك شيطني مـن النـار
کسره او هاشم ابها اليوم فگدت بدر علياها
او ظلت من عگب عيناه تجري ادموع عيناها
ــــــــــــــــــــــــــــــــــــــ
يا من تنشد اعلى الجود وینه اوین عنوانه
روح اختبر من البيت ومن الحجر واركانه
ياهو الشرفه ابجدمه اومثله انشكر سعوانه
غير السيد السجاد
فضله اعلى الخلايگ زاد
خصه ابشرف بالميلاد
*************
##شهادة_السجاد
*قصائد مقدمة المجلس*
رقم (229)
رثاء الإمام السجاد (عليه السلام)
الخطيب الشيخ أحمد الدر العاملي
1_ حارَ الأسى في جَفنِكَ المقروحِ
وبكى البُكاءُ لِدمعِكَ المسفوحِ
2_ يا صاحبَ الوجهِ الذي ارتسمتْ بهِ
نارُ الخيامِ وَمَنحرُ المَذبوحِ
3_ يا حاملًا آهاتِ كلِّ يتيمةٍ
وَمُضمِّداً لكيانِها المَجروحِ
4_للهِ كيفَ يدُ القيودِ تَطاولتْ
لتطالَ كفَّ الذِّكرِ والتسبيحِ
5_ كيفَ احتوى قلبُ الوجودِ نوائبًا
هَدَّت من الإسلامِ أيَّ صُروحِ
6_ أنَّاتُ شَجوِكَ لم تَزَلْ في مَسمعي
يَبكي لها قلبي وَتَنحَبُ رُوحي
7_ يا نادبًا رأسَ الحسينِ على القَنا
روحي الفِداءُ لصوتِكَ المَبحوحِ
8_ لهفي لِجيدِكَ بالحديدِ مطوَّقٌ
ضَاقَت لهُ العليا وكلُّ فسيحِ
9_ مُذْ راحَ يَجري بالدِّماءِ كأنَّما
نَحرُ الحُسينِ بجُرحِكَ المَفتوحِ
***
الشعر الدارج للخطيب الشيخ جاسم السيلاوي الكربلائي :
روحـه تغيـب مـن يـذكر حبيبه
مگـطـع بالفـلـه وجثـتـه سليبه
عيـنـه شـاهـدت ذيـج المصايب
وگلبه مـن الحـزن يـانـاس ذايب
مـن يـوم السـبي وليـل الخرايب
يون وينوح ودموعه سجيبه.
يشوف الـروس لاحت فوگ الارماح
والأجســاد ظـهـرت منـها الأرواح
يصد لحسين عوده وبالهضم صاح
يبويه مگطعه اوصالك عجيبه
شـلـون يـهـيـد گـلبـه ويكف نوحه
او ونــات الـحـرم تـلـچـم اجـروحه
گـيـود و جــامـعـه الـعَـذبـن روحه
وسبي النسـوان اعظمهن مصيبه
گضـه عمـره يـون ليـلـه ونهـاره
لحد ما مـات مـسـمـوم بـديـاره
ويـنـه اليصـرخ و دمعـه يتجاره
علـه السـجـاد و يـكَـثـر نحيبه
************************
بي کسره ارتفع شانه او هاشم بيه يتباها
ــــــــــــــــــــــــــــــــــــــ
هذا المادحه الباري ايعرفه البيت واستاره
هذا البي اعگول الناس شرگ او غرب محتاره
هذا الما ينوش الضيم ويذل الدهر «چاره»
هذا الجود والمعروف
افضل من يحج ويطوف
هذا البلكرم ماصوف
بسما تجبل الوفاد بالمعروف حياها
ــــــــــــــــــــــــــــــــــــــ
ابد ما ولدت العيله او لا تولد بعد حرَّه
مثلك يا فخر هاشم او یا رافع مجد کسره
درَّه ابطالع الاسلام وبغرت الدهر درَّه
مثلك ما سده او لا صار
جدك حيدر الكرار
وامك بضعة المختار
ما طلعت شمس علناس واشرگ گمر لولاها
ــــــــــــــــــــــــــــــــــــــ
جدك شرفه الباري وزاد اعلى الخلگ شانه
وابوك اشچم ملك لجله رد اعلیه جنحانه
بي صارت على ابراهيم برد او سلم نيرانه
او آدم بي غفر ذنبه
او عن یوسف چشف کربه
او یعگوب انبجح گلبه
او بي سارت سفينة نوح ومن الغرگ نجاها
ــــــــــــــــــــــــــــــــــــــ
لو ما بلوجود انته يوم العاشر ابعاشور
لمن طاح ابوك احسین وبسيف الشمر منحور
چان انگلب عاليها وامر الله نفخ بالصور
لاچن الكفر جازوك
بحبال الیسر چتفوك
لبن ازیاد من ودوك
عماتك تون وتنوح وانته اتنوح وياها
ــــــــــــــــــــــــــــــــــــــ
اشحالك من وصلت الشام وانته امیسر اومچتوف
اوعماتك على الهزَّل تتراجف واخذها الخوف
اوشفت الوادم امعيده اوفرحانه اوتدگ بدفوف
صارت عالضعن داره
وانتم بینها ایساره
اودمع العين يتجاره
خواتك عالهزل تبچی اوتتفرج على ابچاها
ــــــــــــــــــــــــــــــــــــــ
والاعظم مصيبه اعليك من طبيت للديوان
شفت ایزید عالكرسي اويمه اعلى التخت مروان
طشت الذهب گدامه لاچن مطرب اوفرحان
يضرب راس ابوك احسين
وانته اعليه تصد بالعين
منه ایگول اخذت الدين
وستافیت کل دیني من حیدر ومن طاها
ــــــــــــــــــــــــــــــــــــــ
اومن رديت بضعونك لعد طيبه اوصلت الدار
گامت تگصد الشیعه تنشدك عالسده والصار
تصيح الشام آ یا لشام اصعب كل هظم وامرار
ظعنه من وصل ليها
طلعت کل اهاليها
شفت كل الهظم بيها
اشحال البليسر تمشي اوتمشي ابولية اعداها
ــــــــــــــــــــــــــــــــــــــ
تمیت اعلى هذا الحال لاچن ابسگم حالك
لمن جرعوك السم والسم مرد دلالك
على افراگك يبو الباقر الله ایساعد اطفالك
ظلت عگبك ایتامه
او عزَّك فگدت ايامه
اوخصمك حصل امرامه
واظلمت على اعيالك عگب عيناك دنياها
ــــــــــــــــــــــــــــــــــــــ
«الباقر» غسلك بيده او حزنك تلتهب ناره
اوشاف الگید بعيونه بعده ابرجلك آثاره
جروَّنه او صفگ بیده اوصاح ابدمع يتجاره
یا ذنب من عندك بده
اوساگك اعداك اتگیده
اوچبدك السم ايمرده
اوهاي امصيبتك هيهات بعد امصاب جاداها
السيد المرحوم عبدالحسين الشرع
#اللهم_عجل_لوليك_الفرج
*****************
( نار الخيم ميمر) للامام السجاد //ع
نـــار الـخـيــم نــار ألألــــــــم
خـلـت عــلــي دمــعـاتـــه دم
ومنظر أبوه المذبوح جرحه أنـرسـم بـعـيـونـه
*---------------*---------------*
حـادي الضعينه للجثث جـابـاهـه
وعـمـتـه العقـيلـه مچتفه ويـاهـه
شاف الشمر بصعب وضـع خلاهه
مــــن يـنـذكـر أســـم الـشـمـر
گـلـبـه بـحــزن يـسـعـر جــمـر
ما ينسه ذيچ الايـام صـعـبـه الـعـده أيشتمونه
*---------------*---------------*
صـوره بـخـيـالـه للخـيـم يوميه
أيـهـل الـدمـع لمصيبته ولرقـيـه
بعيونه شاهد تنـسـلـب تـرچـيـه
هــــذا الــجــرح مــثـل الـــرمــح
عــــاف الـعــلـي دمـعــه الـيـسـح
العاش المحن وَاصعب حال عالدمعه لتلومونه
*---------------*---------------*
صـد لـرقـيـه أمـلـوعـه بـالـخوفه
ويـمـه الحـرايـر بالحبل مچتوفه
بـيا حـالـه دخلـن بالسبي للكوفه
هـــاي الـصــور تـــركــن أثـــــر
مـــاكـو جــبـــر گـلـبــه أنـكسـر
والينكسر گلبه شلون تـصـعـب تره يـجـبـرونـه
*---------------*---------------*
دمـعـه وسـبـي مـاينسن ذكراتــه
خلصن سنّينه ابلوعتـه وحسراته
يـغـفـه وصـورهـن بالجفن عماته
جــاري الـجـفـن عـــــاش بـحـزن
طــــول الـعــمـر لـلـطـف يــــــون
يسمع حچي وحقد الناس والخارجي ايسمونه
*---------------*---------------*
الـحـد الـمـنـيـه والـدمـع مـاعـافـه
مـايـنـسـه لـوعـة كـربـلـه والشافه
جـرحـه الـزمـن لاضـمـده ولارافـه
ظــل لــلأبـــــد جرحـه وخـلـد
يــذكــر دمـــــه الـعـاف المـهـد
ضـلـت حسرته السجاد طول العـمـر مـرهـونـه
*---------------*---------------*
ذيـچ الخرابـه والشـتـم يتذكرة
خـلـت صـورهـه بناظره والعبرة
بـيـهـه العقـيـلـه بالحزن متحيرة
بــيــهــه أتـضـح عــدهــم فـــرح
مــــن الــهــظــم جـفـنـه أنـجـرح
فــوگ الـهـظـم والـحــســرات
اصـعـب حـچـي ايـسـمـعـونـه
*---------------*---------------*
✍بقلم خادم الحسين ع
الشاعر رعد الجريخي
************************
شوط كربلائي الامام السجاد ع يروي لجده علي ع
—————
يجدي عمري كله اونين بديت اول مصيبه بنار
من خيمه اركض الخيمه أصيح دخيل حامي الجار
——————
اجيت اليوم اشكيلك ضلم الصار بالميدان
خيل اعله الغريب اتدوس صدره الشايل القرآن
مارحمو ابد بحسين راسه امهشم إبعمدان
اركض واجمع اعضامه
اصيحن تاهت ايتامه
عدونه الحقق احلامه
يكص براسه ويگلهم اشمرو شعدكم امن احجار
——————
اكلك حركو خيمنه تدري اشلون فرينه
اركض من لهيب النار واباوع طاحت سكينه
رجعت اسحبها وانه إعليل تعثرنه وتجوينه
حرنه بهايه محنتنه
نركض تجوي جمرتنه
هيمة هواي عطشتنه
تعبنه امن الركض والخيل ماكالو علينه اشصار
___
علي يا جدي احضرني يحاضر شدة الملهوف
نسوان الشرف ضلت تركض فازعة من الخوف
شفت زينب خدر الله اسيرة وراح منها الشوف
حگها الشافت اللوعه
سمعت طگت ظلوعه
الدمعه عليها ممنوعه
صفت كلما تصيح حسين عليها انظر فزع يندار
———————
صار گبالي منظر مر يجدي وعمري ماشفته
اختي رقية تتوسل تصيح الماي ماضگته
عساني ميت ولااشوف دمعها ينزل بسكته
بس عدها دمع ويسيل
شردت من صهيل الخيل
توگف مره مره تميل
رفعت ايد للكافل ما تدري بأدي گصار
——————
شحجيلك يجدي هواي طف حسين ماينگال
اذا اكلك على السبعين دمهم غرگ الچتال
عمي صاحب الغيره صار اعله الشريعه اوصال
كبرني المصاب ادهور
شيبني ظهر عاشور
كاع الله كلها انحور
واشكي الحاله ماتخلص دمعي بكربله مدرار
——————-
امـير سـتار الشبـلي
*******************
في شهادة السجاد ع
انــه الــزجيه فـاطمــه
عـالخـد أجيتـك لاطمـه
يــالعابـد الله بـكل وكت
مقهــور من ذاك الضمــه
------------------------------------------------
يوليــدي اسمعنــك تـــون
كلـــي شســـده لحـــوالك
ليش انته بالحسره عشت
وصــــار الــدمع جتـــالك
حتــى بحلــم حبل اليسر
يبنـــي علـــي يبــــــرالك
مشتعـــل كلبــك ياعـــلي
بنـــــار الخيـــــم دلالـــك
يلجيتــك ودمعـي يكـت
يالعـابــدالله بكـل وكـت
أنــه الز چــيه فاطمــــه
------------------------------------------------
دلينــــي بصـــواب الكلــــف
بلكــي أكــدر علـه جروحـك
تتــنفـس بطــــاري الحـــرك
وبــحسيـن تشهــك روحــك
أمنيـــن ما صــدلك حــــزن
ون الــــحجر وي نوحــــك
الله لــيساعدنــي بـصبـــر
مــن تحجي عـن مذبوحك
يــوليدي يالــبسـم متـــت
يالعابـــدالله بكــل وكــت
انـــه الزجيــــه فاطمـــــه
------------------------------------------------
يــمفصـل الجسمـك چفــن
مــن خيمــة الحــره عـــلك
كــل ذكــره مــاتت بالخيـم
مـــن اشتهــر صيـت الحـرك
عـزريـــل هـــاذي صيـحتــه
لـــــو والــدك يـمــه شهـــك
چــي صــدر ابــوك المبتسم
مـــارد الخيـــول بسحـــــك
مــن الألــــم يبنــــي ذبـــت
يـالعـابــداللــه بكــل وكـــت
أنـــــه الــــزچيه فــاطمــــه
------------------------------------------------
مـالــوم جـــرحك والـــدهر
شـــد علــه حــال العتــــره
الــف وتـــسعميـــة حـــزن
شيــحملــه يبــن الزهــــره
مــذبوحــه لمتنــه وســف
وعـالنهــر طاحـت عِشــره
وزينــب اميـــرة حيــدره
مجتــوفـه أديـهـا ميسره
يالبالخـرابـه انتـه نمــــت
يالعابــداللــه بكــل وكـت
أنـــه الـــزجيــه فاطمــــه
------------------------------------------------
يــوليــدي يا نبـــض الكلـب
يـاريحــت اللــه لـبـالخلــك
يـاســادس العتــره أشفـــت
لــوعه شكثــربالطــف صدك
خلصت حياتك بـس حـــزن
وعــالمنذبـح نفسـك شــرك
رغـم الجـره بـدرب السبــي
غيــراللـه ابـــداً مـاعشــــك
شفتـــك يويلــي وصرخـت
يـالعابــداللــه بكــل وكـــت
أنـــــه الـــزچيــه فـاطمـــه
------------------------------------------------
تمت والحمدلله
خادم السجاد ع
✍️الملا ياسر الزيادي
*******************
شهادة مولانا زين العابدين ع
يانار كوني برد
بالخيم ابن حسين
متعوب محني الظهر
مايدري يركض وين
ضل بيها عمته تساعده
وبكلشي صارت والده
يحتار صوب الشارده
زينب لعنده
هذا التعب ماينحمل
وشلون عايش بي طفل
وسجادهم عينة تهل
لرماح العده
ياعابداً يزهو الروى
مِن عينهِ بان الضما
ياساجداً يامولاي
×××××××××××××××××
متعوب وعيونه دمه
من شاف ابوه طاح
مايدري والحيرة ألم
والمرض بي مامرتاح
ياروحه يامتعوبة اصبري
بين الخيم هلنار تجري
ويصيح الحگو الـ خدري
يهل الشيم
فوگ المرض نار و دوت
فوگا تشب وتكاثرت
والنار بهدومه خذت
وتاخذ خيم
في صدرهِ ضاقَ الهوى
مِـــن عينهِ بان الضما
ياساجداً يامولاي
××××××××××××××××××××
معصوم ماراضي انولد
من شاف ضيم الحافر
ياليت امي لم تلدني
گالاها محني وحاير
مشلوع گلبه اكبر دليل
وضلوع ابوه كاسرها خيل
ياركضته بـ حيرة وعويل
صوب الذبيح
بين الصغار وبينه نار
وبين ابوه خيل وعثار
ومنا مرض بجدامه حار
يمشي يطيح
ياذاهباً صوبَ الحمى
مِن عينهِ بان الضما
ياساجداً يامولاي
×××××××××××××××××××
التف برگبته السلسلة
محتار بچفوفة الحبل
ويشاهد النسوان يردن
نحو الصعود إعلة الهزل
من شاف عمة إعلة الرمح
بــس هوة راچبهن يِصح
دار الـوكـت و الاخ يشح
بس العليل
كلما يصعدهن يطيح
وتندار عينه للذبيح
ويگله يابوية ويصيح
تعبني الهزيل
ياراچباً دون العِنى
مِن عينهِ بان الضما
ياساجداً يامولاي
عباس مكي ابوگلل
******************
زين العباد عليه السلام
يالرايح وبموتك ادره
يالميت بالسم ولحسره
----------------------------
لوعات خلصت العمر ماشفت يوم الراحه
يالماشي متروس بحزن گلبك دمه امن اجراحه
مو سم نهشلك چبدتك العاشر ومصباحه
من شقت ابوك ابمحنته ويمه دنه ذباحه
يالرايح بهمومك حاسر
ميت انته بدوس الحافر
--------------------------------
اسباب موتك سيدي كثره وصعب ينذكرن
الموت اجالك من شفت ذيج الخيول العثرن
بصدر الحسين امن اعتلن بس انته ادره اشسون
داسن على صدر النبي ولضلوع جدك كسرن
يالعمرك خلص بالحومه
من شفت الوالد بدمومه
------------------------------------
وثاني مماتك سيدي عالكسر ضهر حسينه
مرتين طحت اعله الارض من اگطعو چفينه
روحك على الشاطي ازهگت من غفه السهم ابعينه
من طاح مصيوب ابعمد وذبحو احلام اسكينه
ميت انته ابگطع اچفوفه
وروحك راحت يمه اتطوفه
------------------------------------
وهذه الجرح ماينحچي اسنين العمر هدمهه
ابعينك شفتهه عمتك يمهه الشمر شتمهه
اشلون عينك شاهدت ابصوطه اشكر ألمهه
ولخيامكم ماضل قدر بالنار ضل يضرمهه
حگهه اتفيض وتزهگ روحك
موش اشويه اثگال اجروحك
----------------------------
ولموت الاكبر سيدي قصت الهزله وحره
فاضت انفاسك عالهزل من شاهدتهه ابحسره
الينضر خدرهم بالسبي گلي اشيضل ابعمره
يالميت انته من زمن وموتك الجاي اتنطره
يالميت موتين ابعمرك
موتت سم وموتت صبرك
---------------------------------
علي سليم الحسناوي
************************
شهاده الامام السجاد ع
قال الامام السجاد ع: القتل لنا عاده و كرامتنا من الله الشهاده
…………………………………………………… ..
حجايه طلعت من عليل الساده
النه الاستشهاد اصبح عاده
يا عليل الساده ••••• يا عليل الساده
………………………………………………………
النه الاستشهاد اصـبح مكرمه
فقـط للشـيعه و بنينج فاطمه
لو سيوف ولو چبدنه اتسمّمه
لـو مـناحر عالجـسور امعدّمه •(مصطفى العذاري)
احنه نتنفس عزم
گاعنه اتخضر زلم
غدن حـيدر يفتـخر بولاده
النه الاستشهاد اصبح عاده
……………………………………………………
احنه من انموت نرجع من جديد
عاشـت الاحـرار و اتموت العبيد
احنـه ذوله اوين مـروان و يزيد
وينها الگادتنه بـحبال و حـديد
ويـن ذاك اللـي عـلن
حَرِگ باب ام الحسن
ابنص جهنم صفت ذيج القاده
النه الاستشهاد اصبح عاده
…………,,,………………………………………
مثـل سنبل يوسف الضمه و ذخر
و المـخازن هـي عـين الـمـنتـظر
ما فسدنه اشما عصف بينه الخطر
مـنّه غيره و اجـت تكـتال البـشر
الذبنه بالبـير بأمـس
وباعنه بدرهم بخس
يسجد المهدينه عل لسجاده
النه الاستشهاد اصبح عاده
……………………………………………………
انـت شـوچ و انا بـسـتان الـورد
انت خلـفت عـار و انا ابن المـجد
ابن الحمزه وانت ابن وحشي العبد
انا امـي الزهـره و انت امـك هـند
انا ابن خيـر العمـل
وانت ابن ام الجمل
هـذا بس لو بعد ازيد زياده
النه الاستشهاد اصبح عاده
………………………………………………………… .
احنـه لجل الـدين ضحينه ابطفل
وحرم فوگ النوگ مچتوفه ابحبل
فـرع النه التضـحيه واحـنه الاصل
صـحنه هـيهـات وابـد لا مــا نـذل
كيد كيدك والعدد
ذكر ما تمحيه ابد
عدنه شيعه و عالفخر معتاده
النه الاستشهاد اصبح عاده
……………………………………………………….
اسيوفهم ما تهوه بس الجعفري
ابروسنه و گامت تبيع و تشتري
مـنه شـبان انترس وادي الغري
كـله و مـتانـين يـبن العسـكـري
انت بس الانت الامل
عجل يالمهدي العجل
للـيعيـل و چـفـك الـردّاده
النه الاستشهاد اصبح عاده
……………………………………………………………
✍️ ( سيد خضر الزاملي )
*********************::*
*قصيده حزينه للسجاد ع تقرء بعدة اطوار*
🏴🏴 القصيده🏴🏴
على المغسل لمن حطو علي الليله
بعد بيده اثر حافر زناجيله
يون اعليه حته الماي
من گد ما بچه مولاي
كلما يشرب الماي انهدم حيله
على المغسل لمن حطو علي الليله
بعد بيده اثر حافر زناجيله
😭😭😭😭😭😭
وأثر للجامعه باقي على المنحر
سواد ابرگبته من كربله اثر
يذكّرنّه بعزيزه حسين متوذر
عالمغيسل امامي ودمعته ينثر
مشه بأحزان واهموم
امامي مات مضلوم
وين الناعيه خليها تنعيله
على المغسل لمن حطو علي الليله
بعد بيده اثر حافر زناجيله
🏴🏴🏴🏴🏴🏴
نعش مولاي ما ينشال بحزانه
ثگيل أمن الهضم اسمع يدفانه
يمن عاش العمر والحزن عنوانه
نزله ابهيده وسط اللحد مولانه
اخافن توجعه متونه
لو ردتو تنزلونه
وزينب عمته واسوها والعيله
على المغسل لمن حطو علي الليله
بعد بيده اثر حافر زناجيله
🏴🏴🏴🏴🏴🏴
نذكرك سيدي واليوم ونينه
كلما يشرب الماي وبچت عينه
بلطمتچ يا محبه اليوم عينينه
لجل الوالي فوگ المتن دگينه
لعليل الغاضريه
ادگ بثنين اديه
شذكر يا مصايب انه وابچيله
على المغسل لمن حطو علي الليله
بعد بيده اثر حافر زناجيله
🏴🏴🏴🏴🏴🏴
✍ *تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب ونسألكم الدعاء بالتوفيق لخدمة الحسين عليه السلام*
استشهاد الامام السجاد ع
(شوط كربلائي)
يالباقر وصيه اوصيك / لون غمضّت هاي العين
طش فوگي يبويه تراب / من گبر الغريب حسين
1
عشت والعايش بجرحه دمعته تنومس بعينه
والمثلي يشوف امصاب يدّور عل اجل وينه
انه وعالم طفوفي ذاك عله الونه تخاوينه
بيه كربله شخلت
روحي امن الحزن ملت
منيتي هل مسه حلت
يبويه موتي اتمناه / لاوين الصبر لا وين
2
مات الحيل وعيوني تموت اوياي احسنّها
حياتي بلا بچي اعله حسين يبويه ما اريدنها
بقت عندك وصيتي هاي بوفاتي ارد اعيشنها
الگبر حسين بالعبره
تعنه وخاطرك كسره
وجيب اتراب من گبره
كون اتراب بي دمّه / وتطشه اعليه كونك زين
3
علامه اعله الگبر خليت يبويه لمن ادفنته
نجيع الدم لون شفته نحره اهنانه وسدته
وتلگه اعله الگبر دمعات تره هذا الدمع لخته
حين امن السبي جينه
اعتنينه الگبر والينه
شكثر دمعات هلينه
اثر دمعات زينب هاي / تراها اعله الگبر للحين
4
حين اتگوم عن حسين تعنه الكافل الحره
وحين اتشوف جود اعليه انه حدره ادفنت صدره
حظن جوده بلايه چفوف او ودع عيليته بنظره
بس بعين عاينها
وحده السهم حاظنها
وزينب من سمع ونها
گل حسين خليني / بمچاني وغطي هالچفين
5
يبني للمخيم روح ولو ما تلگه بويه اخيام
ولكن عالترب تلگه رماد وفوگه كثره اسهام
وحبال اعله الرمال تشوف بيها اتچتفت ايتام
ما ظنك نسيت الصار
تچتفنه زغار اكبار
ويخطفنه لهيب النار
مشينه بنوگ صوب الشام / سبايه ابيا ذنب ماشين
6
بس اخر نفس هذا وبعدها يختفي صوتي
اسم حسين الفظنّه وريدن يعتني موتي
سلام اعله الذبيح اوصيك تكتب فوگ تابوتي
بعد ما غمظت عيني
بتراب حسين غطيني
اريدن هيچي تچفيني
وقره ازيارة المضلوم / بعد الغسل والتچفين
****
الشاعر اياد الديراوي
▪️في مصائب الامام زين العابدين (ع)
من أحداثِ الشام:
كما في تاريخ دمشق (الحديث 120) مختصر ابن منظور (17: 24) أنَّ المنهال بن عمرو دَخَلَ على الإمام السجاد (ع) فسأله كيف أصبحت؟..
فكأني بجواب مولانا زين العابدين (ع):
حُزْني وما أدراكَ مَا حُزْني
عنِّي حكى قيدُ الأسى عنِّي
إنِّي أَسيرُ الجُرْحِ والأَنِّ
١/منهالُ هذي حالتِي عن حالتي تُجاوِبْ
مِنْ كربلا للشَّامِ كَــمْ شاهدتُ مِنْ مَصائِبْ!
مُسبِّحاً بالقَيْدِ أتلو آيَةَ النَّوائِبْ:
مُردِّداً "نادِ علياً مُظْهِرَ العجائبْ"
بالحقدِ هٰذي الشامُ معروفَهْ
مأساتُها زادَتْ على الكُوفهْ
منهالُ سَلْ قيْدَ الأسى عنِّي
إنِّي أسيرُ الجُرْحِ والأَنِّ
٢/ألحَمدُ للهِ على البلاءِ.. لا السَّلامَهْ
فبعدَ ذبحِ والدي قامتْ لنَا القِيامَهْ
لَمْ يكْفِهِمْ سَلْبُ الرِّدا والدِّرعِ والعِمامَهْ
(بأربعينَ) حافِراً قَدْ طَحَنوا عِظامَهْ
ويلي على أَضْلاعِهِ ويلي
قدْ وزَّعَتها أَرجُل الخيْلِ
أغمضَتُ عن ذاكَ البلا جَفْني
إنِّي أسيرُ الجُرْحِ والأَنِّ
٣/أنا ابْنُ مَنْ أُسْرِي بهِ ليلاً على البُراقِ
ومِنْ زُقاقٍ صِرتُ مأسوراً إلى زُقاقِ !
إِنْ مالتِ الناقَةُ شدَّتْ بالأذى وِثاقي
هذا "قميصي أحْمرٌ" مِـنْ دَمِيَ المُراقِ
أغلالُهُمْ عضَّتْ على لَحْمي
حتَّى رأتْ لِيْ زينبٌ عَظْمي
كمْ أعْولتْ لمّا دنتْ منِّي
إنِّي أسيرُ الجُرْحِ والأَنِّ
٤/منهالُ عَذْبُ الماءِ كمْ أشعَلَني عَذابا
أستذكرُ الطِّفلَ رضيعاً سُقِيَ المُصابا
طفلٌ وهذا رأسُهُ فوقَ القناةِ شابا
قَرَأْتُ في عيونِهِ :"لا تضربوا الرّبابا"
سُكَينةٌ بصوتِها المُحْزِنْ
ترجوهُ سلِّمْ لِي عَلَى المُحسِنْ
إحترتُ بيْنَ البِنتِ والإبنِ
إنِّي أسيرُ الجُرْحِ والأَنِّ
٥/هذي "العصا" بهمسةٍ أقْلِبُها لِأفعى
أُومِي لها كيْ تلْقَفَ السِّياطَ حيثُ تسعى
لكنْ صبرتُ ناظراً إلى الصِّغَارِ جَوْعى
إِنْ يصرخوا أَشْبعَهُمْ رُمحُ اللئيمِ قَرْعا
جسمي نحيلٌ يشتكي العلَّهْ
لَمْ أستطِعْ أَنْ أحْمِيَ الطِّفْلَهْ
كمْ عذَّبتني شِدَّةُ الوَهْنِ
إنِّي أسيرُ الجُرْحِ والأَنِّ
٦/مِثْلَ بني اسْرَائِيلَ أصبحنا نَرَى الهَوانا
وكمْ بدا (إبنُ أبيهِ) مُبْغِضاً أبانا
كالتُّركِ أَو كالرُّومِ في البُلْدانِ قدْ سَبَانا
في مُوصِلٍ، في حَلَبٍ أيضاً ،وعسْقلانا
لِبَـعْــلَبَـكَّ كانتِ الجَوْلَهْ
في تُربِها ظــلَّتْ لنا "خَوْلَهْ"
أبكيتُ عينَ الإنسِ والجِنِّ
إنِّي أسيرُ الجُرْحِ والأَنِّ
٧/واعَجباً ،وكلُّ ما في الكَونِ قَدْ تَعَجَّبْ
هل "سورةُ الفتحِ" لقـصْرِ "الطُّــلَقاءِ" تَذْهبْ ؟!
يزيدُ قامَ شامتاً يسألُ أينَ زينبْ؟
حتَّى رأتْ ثَغْرَ أبي بالخَيزُرانِ يُضْرَبْ
مُذْ كسَّر اللعينُ أضراسَهْ
"عبّاسُ" هزَّ غاضِباً راسَهْ
لكنَّني في الأسرِ لكنِّي..
إنِّي أسيرُ الجُرْحِ والأَنِّ
الشاعر علي عسيلي العاملي
طـآل آلآنتظـآر( يآمـهدي):
نزله للأمام علي السجاد عليه السلام
هـذا زين العابـديـن. لا تلومونه
مات من جرح السبي. يالتسئلونه
.......
ابتدت قصّة عذابه من مصيبة كربله
شاف بعيونه يشيعه. مقتل حسين وهله
وراح مسبي ويالسبايا وبرگبته السلسله
راحه ما شاف بحياته. والمحن متواصله
ساعة ما نشفت ابد. دمعة عيونه
مات من جرح السبي. يالتسئلونه
.......
شاف عمّاته وخواته عالهزل طلعن سبي
مات من هاي المصيبه. وحتيه شبل النبي
وشاف يتباوع عليهن چم عدو وچم ناصبي
حگّه دم تهمل دموعه. يحدي بيهن اجنبي
بالمرض حيله انهدم. ما يرحمونه
مات من جرح السبي. يالتسئلونه
.......
عن علي السجاد شحچي يعجز السان الوصف
عذّبوه بجروح صعبه لا تلين ولا تخف
صابر بجدّه مُحــمّــد بالمواقف يتّصف
رغم كل هاي المصايب. كلّه حنّـيّـه وعطف
بالبواچي والدمع. ذبلن جفونه
مات من جرح السبي. يالتسئلونه
.......
مو شخص عادي يشيعه. حجة الله وآيته
وارث الهادي مُحـمّـــد من بنينه وعترته
علي السجاد بحياته. الأمّه لا ما رحمته
چان يهديها بعلومه. تالي بالسم غدرته
قرّرو سَم الوليد. بي يقتلونه
مات من جرح السبي. يالتسئلونه
.......
الليله من غدر آل امية. مات مسموم الچبد
بأمر من حاكم امية. نفّذوا اهل الحقد
شيّعه الباقر وشاله ونزّله بذاك اللحِد
لاشك بجرح السبايا. گلبه اكثر منمرِد
يشفع بيوم الحساب. لليواسونه
مات من جرح السبي. يالتسئلونه
.......
واجب بهاي المجالس. نذكر مصابه بدمع
حب علي السجاد آيه. بالضماير تنطبع
چبده ومصابه وعذابه اصله من كسر الضلع
ليش من شجرة نبينه. غصنه بالسم ينگطع
والحوائج تنگضي. من تذكرونه
مات من جرح السبي. يالتسئلونه
الشاعر سيد زيد الفحام
___
https://telegram.me/aabas78
قصائد لكل ايام محرم اشترك بالقناة
يِٰہآ ثہٰٰآرٰ آللھہ الۤ؏ـجْۧل الۤ؏ـجْۧل:
#الامام_الحسين
جديد محرم الحرام ١٤٤٤ هجريه قصيدة بعنوان (روحي تحن)
روحي تحن ،،،،روحي تحن ،،،،،
لزيارتك يحسين ...روحي تحن
ارسل سلامي وي الدمع
والجروح البيًه تدي
متلهفه روحي وتحن
ويحفر الدمع اعله خدي
بگلبي جمره ما تنطفي
لو وسدوني ابلحدي
يمته اقصد كربله
واوگف اعله اعتابك مجدي
ارسل شجن ،،،،، ارسل شجن ،،،،،
لزيارتك يحسين....روحي تحن
▪️〰▪️〰▪️〰▪️〰▪️〰▪️〰
كون اطب الحضرتك
والثم ثرى اعتابك
واهمل دموعي واصيحن
واسجد انه ابابك
واغسل بدمعي جروحك
واروي ظمه ترابك
وتنتحب روحي بضريحك
وتذكر بحرگه مصابك
تنحب حزن،،،،، تنحب حزن،،،،،
لزيارتك يحسين....روحي تحن
▪️〰▪️〰▪️〰▪️〰▪️〰▪️〰
ارد اشم عطر الكرامه
واترسن ريتي بهواك
واتنفسك نسمة عشگ
وعالچتف شايل لواك
روحي ملت من جسدها
وسافرت تحضن ثراك
بروحي سالوفة دمع
للطفوف راحت وراك
بطفك تون،،،،بطفك تون،،،،،،
لزيارتك يحسين......روحي تحن
▪️〰▪️〰▪️〰▪️〰▪️〰▪️〰
روحي مشتاگه تروح
تخدم الزاير حسين
چني بيها تشيل رايه
تواسي خير المرسلين
تنحب الحزوا وريده
تنوح يا گطع الوتين
ردود تمشي للنهر
تنادي مگطوع الادين
بدمع المزن ،،،،، بدمع المزن....
لزيارتك يحسين......روحي تحن
▪️〰▪️〰▪️〰▪️〰▪️〰▪️〰
وتحت قبتك يا امامي
تدعي بالدمع المسال
تنادي روحي يا حبيبي
يا حجة الله تعال
اشفي صدر حسين جدك
السحگته خيول الضلال
وداوي جرح الحره عمتك
الچتفوا ايديها بحبال
گلبي امتحن ،،،،،، گلبي امتحن
لزيارتك يحسين.....روحي تحن
تمت بعون الله تعالى
خادمة الزهراء // ليلى زغيب
بيت ابوذيه إلى الامام السجاد عليه السلام
عليل وگيد وسفــه صـار بيـداه
وچم آه التسلمــه اليــوم بيد آه
يصد للحرم تمشي بگاع ⃰ بيـداه
بعـــد عيـن الكفل تحديها أميه
الشاعر موسى البديري
⃰ صحراء
ابوذيه الى الامام السجاد عليه السلام حين دخول الشام
الناس أمعّيـد فـرحــانه شفاها
وينظر عمّتــه الشـامت شفاها
شاف أيزيد مـن يضرب شفاها
وتشمّت يالنبي وأله سويه
الشاعر موسى البديري
١_شبيها
٢_نظرها
٣_شفتي الحسين
٢_
تعليقات
إرسال تعليق