اسمع كلمتي ولا تسمع الوادم.. يابني الخدمه اعظم شرف للخادم كل محرم يابني اريدك تنصب عزيه.. تلبس اسود بالمجالس وانت برزيه تبجي من تسمع عطاشه بالغاضريه.. توزع الماي بدمعتك ذيج المسيه خلي نهجك حسيني مثل عابس.. گلبك ابيض ولكن حزن لابس عالخدامه يابني بشرف نافس دوم بحب ابو السجاد ظل هايم.. يابني الخدمه اعظم شرف للخادم ************************ ارفع الرايه بيمينك واكتب عليها.. نعمة حسين وخدمته بروحي اشتريها يابني دنيه ابلا محرم لا تبقى بيها.. واسي بدموعك رقيه وابجي لبجيها خلي جمرة خيمهم وسط گلبك.. يابني ذوله دربهم درب ربك ابقى خادم موالي لعلي حبك شيل بكل عزه صينية القاسم.. يابني الخدمه اعظم شرف للخادم ******************* ارسم الطف بخيالك عيش المصيبه.. واحجي لاطفال المحله القصه العجيبه بكربلا گلهم حبيبي جثه سليبه.. زينب بحرك المخيم صارت غريبه اقرا والقوم يابويه على زينب.. من خذوها سبيه الگلب شيب يابني عافت وراها اخو امسلب اختملك كلام انسبت للظالم.. يابني الخدمه اعظم شرف للخادم اسمع كلمتي | 2022 | Esma Kelmeti اداء | #حسين_السيسي | الشاعر | مصطفى العيساوي |