📜 قصيدة: وحدك قاتلتهم
🎤 أداء: قحطان البديري
🖋كلمات: محمد البطحاوي
~~
يمسلم ما هبتهم . . وحدك قاتلتهم
طيحت السلاطين . . سلاحك حب الحسين
وحدك قاتلتهم
~~
اليمثل احسين ما يهتم لو كل الخلك ضده
انته شما تطيح تعيش بس الماي يتبده
اليردد بأسم ابو السجاد ابد ما يشعر بوحده
كلت الشده موش الموت افراك حسين اهو الشده
كلت اعضم افاده . . لحسين القياده
وشلت كلماته بالعين . . سلاحك حب الحسين
~~
جنت اهواي من طبيت جن هاشم لفت كلها
الأمانه اليدزها حسين هنياله اليوصلها
جنه سيف ابو الحسنين الرسالة الجنت شايلها
كلت حسين كلفني وهتزت عساجره
سفير انه لسماكم . . وراي الخير اجاكم
كلت للكوفه تدرين . . سلاحك حب الحسين
~~
كلت كلمن يحب احسين وما عرفو حجي
اليحبه اتكول لو ذره حته لهله ما يشتاك
عله حبه لو تموت هواي من عنده فلا ينباك
مسلم جي تحب احسين سبب موتك نسجله
حسين بكل حياته . . مثل صومه وصلاته
جمعت الدنيا والدين . . سلاحك حب الحسين
~~
اليحط ايده عليه احسين لو وحده فلا يحتار
يبيض وجه الموديه وبالكوفه يضل تذكار
مو كد الحرب ذوله والعركه تريد اكبار
همه اولاده المفرعات وانته خلفه الكرار
شما كثرت يردها . . يعرفه احسين كدها
جسمت الكوفه نصين . . سلاحك حب الحسين
~~
يل كلك وفه و غيره حته بموتتك تخدم
كلت الماي ما شربه كبل احسين انه مسلم
صحت يحسين تسمعني لهل الكوفه لا تقدم
كبل لحضات من موتك ذكرت احسين وتسلم
وصل يدري سلامه . . مسح روس اليتامه
الذبحوك جا وين . . سلاحك حب الحسين
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق