شيخ الخدام موسى البولاني كلمات مكتوبة
📜 القصيدة: شيخ الخدام
🎤 أداء: موسى البولاني
🖋 كلمات: شاكر الصيمري
~~~~
صارت عشيرة الخدام وحسين شيخ عليها
~~~~
منهد ما صاح الا من ناصر
خادم بخادم ترسنه العاشر
حسين للتاريخ ماضي وحاضر
كون من صدرك نشيل الحافر
ونصير لسكينه الماي يوم اهدعش نرويها
~~~~
الختم بيده حسين هو الحاكم
يا ملك مثله يقدر الخادم
سيدي علينه عطائك دائم
الما يسلم امره بيدك نادم
والدنيه من غيرك هيج وبفلس ما نشريها
~~~~
كلها من ايدك وليدك راجعه
اكو وادم عافتك بس ضايعه
تاكل بماعونك وما شابعه
واكو خدام اشكثر متواضعه
ما يعثر اليمشي وياك وعله امك ايخليها
~~~~
كل عشيره وعدها بيرغ مالها
واحنه رايتنه ابو فاضل شالها
شكو طلابه الما تحلها ارجالها
خلها عالعباس وحسب حالها
كل شده لو بس تنخاه عباس يحضر بيها
~~~~
عامره اتظل المجالس بينه
اشضارها الوادم وتحجي علينه
الجنه الهم واحنه النه حسينه
بكيفه وين يريدنه يخلينه
هاي المأتم لحسين طول العمر نحييها
~~~~
شيخنه حسين ونظل حاشيته
نغمض ونمشي ورا خاجيته
ياهو مثله بطيبته وحنيته
حسين فوگ العرش واصل صيته
ديوانه ما ينسد يوم شيخ الهله وراعيها
°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق