زلم الحرايب ll سيد فاقد الموسوي ll اصدار محرم الحرام 1444هــ
يازلم الحرايب ردوا هالكتايب
گلبي اعله الحبايب
هتف
حسين بلا عشيره سالفته جبيره
والطف كله حيره
نزف
يا آل هاشم كلنه ندري ثكال وزلام ونشامه ومرجله
السالفه لو ماجبيره ما احشمكم عليها
المسأله
حسين متوسد الترابه لحگوا سووله الخواجي في اله
دگوا عالغاره بعزمكم ادري ماتبعد عليكم
كربله
ياالريح اللهيبه.. يااهل المصيبه
زينبكم غريبه
تظل
حيهم ياعمامه.. حسين بلا عمامه..
طبو يالنشامه
بزعل
صيحوا بظهر طواية الگاع
وحسينكم مايمه فزاع
*******************
وين ابو طالب وحمزه البالشدد يوم الكلافه امحزمه
وين جعفر وين حيدر الوحيد الجان يندل بالسمه
بكربله شوفو جثثهم طايحين وكلها ساده
معممه
عيلة المفزاع هاشم غيركم لحسين ياهو انحشمه
هاشم ياعنيده.. حسين بلا عضيده
وانصاب بوريده
سهم
يا اهل المراجل.. الطف بيها عايل
وطايح بيها كافل
خيم
حيهم ياهاشم موش تبطون
بفعالكم هاالسولف الكون
***************
بخيل يااهل الخيل غاره التنتظر خضر الجفافي
البالحرب
ها يادواسة الظلمه الماتخافون المنايه
بالدرب
طاحت الرايه لعضيده هيبه جانت بالمعارك من تطب
وجيبو ماي وياكم اللهم والعطش بالحومه فاطر كل گلب
ياالطايح وليها.. ياخلفت عليها
كل الحومه بيها
ظمه
ياهاشم حرمكم.. ما يمها زلمكم
وانترست خيمكم
دمه
هاشم عليها الصوت عالي
وبكربله طاح الها غالي
تعليقات
إرسال تعليق