مدونة كووولشي وكلاشي عراق

  اجه ودگ حايط الخوه وتسرفن راعي المروه گله حسين أريدك گله بالخدمه گله نروحلك فدوه رگبتي الوگفتك تچوه كفال الفواطم زلمه ابن زلمه —————— ١ ياعباس المعتّب أريد تروحلي الزينب تگلها الكربلا نمشي واحنه وياها ماتتعب يعباس وتدگ صدرك وزينب تعرف بقدرك تكفلها وتدللها ولو چان الثمن عمرك روح الها انته طمنها اطلعي وانه الچ كافل تدري تحطها بعيونك وانت الفارس الكامل گله طلابتك تسوه وخوك يروحلك فدوه گله اشجع الوادم زلمه ابن زلمه ———————— ٢ مشه وحسين ينتظره وبده بتسبيحة الزهره عيون حسين تبراله لحد ماخلصت النضره وقبل ليگلها عالسفره گالتله انه متحضره گلها حسين گالتله من عمري على عمره اعرفچ بت علي بگلبچ يجري دم بني هاشم الحنينه الغاليه الطيبه الوديعه تعرفچ الوادم وجو لحسين شافاهم بضحكة وبچي تلگاهم وصاح حسين شوفتكم صدگ نعمه ————————— ٣ طلعت والسمه مدنگه ورفت راية الفرگه مو مشيتها لا عباس نضره زينب تخنگه طلعت والدمع شاهد واحد غمض الواحد يم زينب حرام الشوف زينب بالضعن قائد ياهو اليوگف بوجهچ ونتي حسين عنوانچ علي واگف بيوم الطف بذو الفقار والسانچ لف بصايته المحمل وگال حسين نتوكل بني هاشم بفرد حزام متحزمه ————

  قصيدة الليلة (لمولاتي أم البنين عليها السلام ) ولدي ردوّني بنيه  وحنّو الشيب البيه  :::::::::::::::::::::::::: ١ ولدك حيدر موت مگدر  عاشت يمناهم  ركبو عالدم شموهم شم  ويد الله وياهم  عفيه سباعي وچف ذراعي  لو منكم ميه  هم انطيكم وافرح بيكم  لحسين شويه  ولد الكرار ومافرو  مناوب سيف وسطره  صدو لحسين شما عطشو  والماي ابن الزهره  كل واحد جيشين بزوده  ومنجل بيده ويحصد ناس  زلمه بدمهم تارس جوده  من يوفي بگد العباس  الغيره مرايه وتمشي برايه  عالغيم چتافه  واحد طايح واحد رايح  بالدم يتعافه  عفيه ولد البدويه  ولدي هاي المرجيه  ولدي ردوني بنيه  وحنو الشيب البيه (((())))  ٢ عفيه أكبرهم عفيه أزغرهم  عفيه الوسطاني  وعفيه بثانيهم ثانيهم  بعد امك آني  فوگ من الحگ ياخذ لو طگ  يرجع ببشاره  ايعبر للنار ابن الكرار  ابن السطاره  قبلي الكرار موصيهم  ينصرون ابن الزهره  وركضو صارو سيف ودرگه  اهل الغيره السمره  مابيهم محتار بروحه كبار وبالطف حيل كبار  وين الماحاير بجروحه  عالدنيه تحسهم خطار  الجيش گباله يصير فضاله  ويستنگي بكيفه  سيفه الكهرب بالچف يلعب  ومونّس حيفه  عفيه ولد البدويه  ولدي هاي المرجيه  ولدي

نحب حسين هواي وعباس الوفاي زينب نادت منفشلها ونطلب رخصه امن الكافلها نحب حسين هواي ()()()() 1 أمرچ فوگ العين زينب لتهمين اليوم انذلهم منطخ الهم وحنه اصحاب حسين نرجع احنه شلون گبالچ يا أم عون والله نشيل الشط وجروفه وجواه يندفنون وعباس الحماي نحب حسين هواي ()()()() 2 هبت خيل وريح وزينب عفيه تصيح مبينه الغيره امن الحاملها راعيها ومتطيح روس نطگها بروس نضل فوگاها ندوس لا منحلها ومنزعلها وعباس المحروس وبيد حسين الراي وعباس الوفاي ()()()() 3 لا مانرجع لا نموت اليوم هنا اليوم اشطبهم ماحاربهم فنه الگايل لا انطب والخيل اتدور وسالمهم مكسور ياشط ياجيش اليلزمنه نعبر سبع بحور  مدربنه السگاي نحب حسين هواي ()()() 4 صفّو زود بزود وعود تشيل وعود كبار وكبرو عالطگ عبرو  وشاهدهم موجود سيف ويثلم سيف الحد ماياخذ حيف زلم الغيره وجوه الديره احنه نعزب الضيف ونصيد الرماي نحب حسين هواي ()()() 5 صحبان المعروف  وكل الدنيا تشوف لامنصير احنه ويه الباطل بس عالحگ انطوف نگص رگاب رگاب وياهم عدنه حساب نهرين امن الغيره انعادل ومتنگبين نگاب بهاي عيوني وهاي نحب حسين هواي 

شوگ العصافير لميتهم شوگ وعصافير  وخضر دمعهم عالتصاوير  ثاري اليحب ماعنده ميصير  منهو الدرى ابوگ النواعير   بضهر النهر تطلع بساتين  بضهر الدمع گعدت مساكين  بعطر السواتر عرّس الطين ليش الگبور بلا عناوين صاحت جروحي وعيني خرسه  وصاير طبع بالناس تنسه  ياهو الي بارد گلبه هسه  عونه الخسر بس ربح نفسه  لبس الجنود شيشبه الگاع  ومشيتهم إتذكِّر بالوداع الدم والتعب بس كون ماضاع  ركضة زمانك ريح وشراع  بعيني القريب شبِعدَه صاير  أرض النجف تدفن مناير  الموت لو گعدة عشاير  من أعمارنه ندي الخساير  احچيلي وحسبني انه يمك  نفس بنفس بهداي اشمك  رِد گلبك وماشيني دمك  هالمره اعرف وين اضمك   رمل الگبر سولف للحجار  هذا الشهيد البيته ايجار  خطار جاي علينه خطار  ويه السواتر طوله تگدار  

  فزاعية الليلة للقاسم  الهيبه الهيبه الهيبه الحگ تجيبه تجيبه جسام عينك عالحرب لاتنشغل يمناك لاگيهم بشدة علي والله وعلي وياك ننتظرك تروح وترد وبزفه نتلگاك زغير تعنيت الحرب يمه وكبرت هناك ( بس ولدك علي يكبرون بالحومه ) ()()() 2 وليده وليده وليده لتخلي حسين وحيده جسام فوت ابني السبع وتصدر الميدان ميهاب مهيوب الفحل مايخطي بالنيشان من گاعك الراسك كلف ومركض الفرسان العباس عمك دربك والبارزك خسران ( يمنتك بت علي ولحسين مضمومه ) ()()() 3 الحومه الحومه الحومه والزلمه يموت بيومه جسام عرّس بالمجد وفرش بساط ونام القاسم اسمك بالخيم بس بالحرب جسام منصور چفك بالرعب متحزم الها حزام مرغوب يمه بكل وكت ياريحة الشمام ( معرس والحرب حلت جدايلها ) ()()() 4 التوبه التوبه التوبه گالو فد هاي النوبه كتال سيفك مايرد ومعلم اعله الروس شيال الثگال ونعم والگاع بيك اتدوس حلال صعبات وبعد تدفع عليها فلوس يبن الكريم إكرِم بعد چف الكرم متروس ( وليدي ابن الحسن مو طلبه طالبها ) ()()() 5 بروحه بروحه بروحه شال چفوفه المملوحه خطار طب الها ويرد ومگدر الها گدار سطار شاره ومرجله من يوم هو الصار بسمار بي من فاطمة ويريد ياخذ ثار م

  ((قصيدة ليلة مسلم)) كلشي صاح وماتجون غدرو المايستحون لاتسافر لاتهاجر بويه بويه ()()() 1 تعال شگد بچيت اريد ترد الي عليك انه اشتكيت يبويه يم هلي اذا گتلك أموت صدگ لوما تجي عتب گلبي عليك واعرفك مبتلي ويلي بويه يلحبيب كلشي بفراگك غريب گلبي صاير ماله خاطر بويه بويه كلشي راح من العيون غدرو المايستحون لاتسافر لاتهاجر بويه بويه ()()() 2 رجف گلبي عليك يديوان الدفو حميده وكلي شوگ وعيش بلا أبو الجرح ضل يحچي حيل العفو بويه العفو رحت ماضلي بيت عشت عيشة بدو طفله ما اعرف انوح انه ميته وبيه روح ويامن احچي بدونك أبچي بويه بويه كلشي راح من العيون غدرو المايستحون لاتسافر لاتهاجر بويه بويه ()()() 3 يمسلم لاتروح اليتم فاتحلي باب زغيره عيوني حيل وكبر دمع الغياب رحت والدنيا خوف ويطاردني العذاب بغيابك ميته حيل عليّ طش التراب دموعي متخليني أشوف وگوّه توصلها الچفوف گلبي طايح ونته رايح بويه بويه كلشي راح من العيون غدرو المايستحون لاتسافر لاتهاجر بويه بويه ()()() 4 يروحي شبيها روح بغيابك ماتطگ شمع بس ماگضيت شكثر بعد احترگ يگلبي اسكت عليه بعد المن تدگ اعرفك ماتعود وگلت لا مو صدگ لازعلت ولارضيت ولا صبرت ولا إجيت

((قصيدة اليوم لأم البنين)) ع فاگدتهم اربعة اوين الحنين من بعدهم سالفه وسفرة ونين فاگدتهم فاگدتهم (((((((( 1 شجابها سهام المنايا فوگ بستان الورد شدارها عيون المگابر عالگمر لاينحسد انه أكض گلبي عليهم من اسولف بالولد مره ابچي ومره أحزن يمته بيهم انسعد ضامتهم بس شسوي للسنين فاگدتهم اربعة وين الحنين فاگدتهم فاگدتهم (((((((((((((((( شما يكبرون انه ازغر چنه راجعلي علي وچان عباس اربعتهم حچيه كله ادللي ولدي يخوان ابو اليمه ياتچيتي وياهلي لبو الأكبر كبرتهم ماردتهم آنه إلي شايفتهم ولد أمير المخلصين فاگدتهم اربعة وين الحنين فاگدتهم فاگدتهم (((((((((((((((( 3 راسمتكم دمعه دمعه يمه بچفوف العشگ وزارعتكم شمعه شمعه يمه بدروب الصدگ ياسواجي گلوب اهلنه ولو نشفتو نحترگ يامراية وجه اخوكم ولو زعل رأسن تطگ عارفتهم  بالوصيه محزمين فاگدتهم اربعة وين الحنين فاگدتهم فاگدتهم (((((((((((((((( 4  بساع يمه بساع صحتو ماصفنتو اعله الدرب  مسرفنين وداع رحتو وبهذل أحوالي الگلب نشف ريج الخيم ومكم ونتو دمكم ينشرب متو بس مامات گلبي وگف بس وكت الحرب سالفتهم على ابوهم طالعين فاگدتهم اربعة وين الحنين فاگدتهم فاگدتهم ((((((((((

((قصيدة العليلة)) ياليلي اليمر حسره لاعمات لا گمره لاضلن بنات حسين البيهن ريحة الزهره (((((((((((((((((( 1 بويه بويه خيوط گلبي تهزلت من گد جفاك بويه بويه غيوم دمعي چلچلت كلها وراك سافرتلك دمعه دمعه وطشرت روحي بسماك لا أخو ولا أخت يمي الموت ذكرني بدماك اكتب ذكرى عالظلمه وياكم شالت الرحمه مذبوحين لو ناسين هلي شو طالت السفره ()()()() 2 غرفه غرفه صرت ادور وافتح الكم باب باب اشم بالحيطان وبچي بيها بس ريحة غياب أگصر من الحچي الساني حتى مو گد العتاب لاعليكم أگدر اسأل وانه بنت أهل الحجاب ماريد أگطع الضنه اغافل روحي واتمنى تجون بساع لو باقين تره گلبي انكشر ضهره ()()()() 3 متانيتكم خطوه خطوه عيني مفتوحه ونام آنه راح أنذبح فرگه ياهلي بشهر الحرام خايفه بيا درب امشي ياكل جدامي الضلام وانه بنت اليذكر اسمه يكتب عليه السلام تعالو ياهلي بسرعه اليعمه تفارگه الدمعه أدري اليا وكت ماشين هجركم ماخلص عمره ()()()() 4 ابچي ويامن عليكم كلها تضحك من بچيت الهوى والضوه راحن وانه من گلبي طفيت بيت مابي ابو أصلاً بعد ما يتسمه بيت دنيا ماكو حسين بيها كون من عدها انعميت رقيه چان عفتوها ونيسه الگلبي خلّوها عليله وأفرك

  اليوم الأول زلزال عاشور اقترَب وثارت براكين الغضب كل بيت شايل رايته من انصار الحسين انكتب ()()()() 1 نزلو اعلان المجالس گولو قامت كربلاء ادعو اصحاب الضماير اقرو ايات العزاء حضرو رايات المواقف گولو حيا اعله الوفاء قدمو لحسين المدامع گبل قربان الدماء لو صار فوگاكم گمر تگابلو وبچو نهر كل واحد بمجلس بچه من انصار الحسين انكتب (((((((((((((((((( 2 شيل راسك ونته تبچي للسمه راوي الدمع وخلي ايدك فوگ راسك وخلي آهك تنسمع احچي البگلبك ونينك لاتضمه اعله الربع تصور الليل من اجاهم وترس چفوفك شمع وبچي وتبارك بالحزن ولاتغمض العينك جفن كل وجه شايل دمعته من انصار الحسين انكتب (((((((((((((((((( 3 ياحسين المابچالك ماله بالجنه نصيب نضمو صفوف ودوائر وبچو لحسين الغريب وعلى صوت الگلب وحدو بلكي جروحه تطيب بحرگه شيلو الچف وصرخو يالثارات الحبيب ولو صحت فدوه بلا حچي رايد تسمعون البچي واليدگ صدره النصرته من انصار الحسين انكتب ((((((((((((((((((( 4 ياحسين وهاي ناسك غير حبك ماتريد احرار تعرفهم الدنيا لكن الحزنك عبيد اللطمو بذاكه محرم راح منهم چم شهيد نموت بس ماننقص احنه شما نموت أكثر نزيد مو يمنه بس نصرخ سوه شنهو