يا قمر علي | الملا محمد باقر الخاقاني - هيئة الحسن المجتبى - العراق - الديوانية-محرم الحرام ١٤٤٤ هـ
ياقمر علي وسمائه خيام.. نظرتك الي سحرها غرام
ضوّي دنيتي سمائي ظلام
يااُنس گلبي وخليله.. ورحلتي بحبك طويله
روحي وي حبك ضوه وعين
يانده الحب وجماله.. اكتبلي بحروفك كفاله
جمّل احروفي بهوى حسين
جمّل غرامي.. هذّب كلامي
.. واجعل مصيري خدمه وتعب
عينك عليه.. من نظره ليه
..تصحه بضميري وگفة وهب
اكفلني وانت گضّاي الشدد.. ياقمر بني هاشم مدد
يا احن ولي بعبيده رحوم.. گلبي عالخيم اريده يحوم
وانتَ كل جرح تلمسه يدوم
جفّك تقبله الزجيه.. عيونك تحبهن رقيه
خلّص عيوني من الاوهام
اليمرض بحبك تشافه.. اجرحني يارب الترافه
بحاجبك وانزف للخيام
صدقلي وعدي.. بس انت عندي
.. حب وهويه يابو الفضل
اكفل عبرتي.. واجعل خدمتي
.. لابن الزجيه گول وفعل
اجعلني من اليصون العهد.. ياقمر بني هاشم مدد
يانبي الوفه الخيامه كتاب.. جودك الوحي وقريته كتاب
مايك انتثر علينه ثواب
خوتك محليه السوالف.. اكفلني يادين المواقف
ورخص دموعي اعله مولاي
ياهو مثلك بالشهامه.. واگف اتبدل خيامه
اتگطع وما رد بلا ماي
الرايد شجاعه.. وينقصه طاعه
.. لاهل الرساله يتوسلك
والعنده غيره.. على خدر اميره
.. شكر وجلاله يسجد الك
ودمع الك قبل كلشي سجد..ياقمر بني هاشم مدد
يامن ارجو من خدمته رضاه.. بمهدي وانكتب عليه هواه
فرّغ الگلب وترسه الي آه
يفزز الميت رعيدك.. وتغفه الاطفال اعله ايدك
گلبي الك ينبض ياعباس
وگفتك بالطف وراها.. دُرة اُم وحگ رباها
انت واسم امك على الراس
حسين وضعونه.. يتحسسونه
.. ساقي ومحامي خيمه وعلم
لو بسمه هوه..لو ماكو خوه
.. كل الاسامي وياه عدم
من الازل احبّه وللابد.. ياقمر بني هاشم مدد
يانهر عذب يشربه ظماي.. وظلّك انكسر عليه فياي
ومنك اعتني يعتني هواي
ياشجاع الله ورسول.. اسمحلي يانبع الرجوله
احجي عن زودك كلمتين
صدرك الماخذ عساكر.. بيه مهد عبد الله صاير
ظامي وعيونك جربتين
يمك زلمها.. بادت جدمها
.. يشرگ سبعها گبل الجبان
مخوف المنايا.. بس عنده رايه
..تشتمها سكنه تشعر بامان
فضله عالرجوله ماله حد.. ياقمر بني هاشم مدد
كلمات الشاعر
احمد الهلباوي
يا قمر علي أداء: الملا #محمد_باقر_الخاقاني كلمات: الشاعر #أحمد_الهلباوي ذاكر: سيد مهدي البكاء مجالس ليالي شهر محرم الحرام لسنة 1444 هـ - 2022 م مجالس ليالي العشرة الأولى من شهر المحرم عزاء هيئة الحسن المجتبى عليه السلام - العراق - الديوانية
تعليقات
إرسال تعليق