من المخيم زينب تقول طلعت
تمشي زينب لاجن تقوم وتطيح
تمشي خطوه وخطوه تقعد تستريح
صعدت التل ها يبو اليمه تصيح
عدل بعدك قلي خويه لو متت
ارد اشوف حسين عالتل صعدت
آه يازينب. آه يازينب. آه يازينب
ما رجع منه جواب ولاخبر
تعنته مذهوله تمشي وتعثر
لان اخوها يجري دمه من النحر
تقله ما رديت مذبوح اعرفت
ارد اشوف حسين عالتل صعدت
آه يازينب. آه يازينب. آه يازينب
جيت اشجيلك شفت وضعك صعب
صرت اواسيك بدمع من دم يصب
تعيني مادري اعينك بالغرب
شرد اقلك يابن هادينا حرت
ارد اشوف حسين عالتل صعدت
آه يازينب. آه يازينب. آه يازينب
واعتنت زينب لابن حامي الدخيل
وصلته بلهفه ودمعها دم يسيل
تقله قوم وياي نرجع يالكفيل
مااصدك مني ياخويه رحت
ارد اشوف حسين عالتل صعدت
آه يازينب. آه يازينب. آه يازينب
قبلت راسه وجفوفه وكلمته
جن تحرك جسمه مدري شحاجته
يمكن بحق الزجيه حلفته
خويه حاجيني تره بعدك ضعت
ارد اشوف حسين عالتل صعدت
آه يازينب. آه يازينب. آه يازينب
للخيم ردت تنادي ياهلي
رحتوا عني ومابقي واحد الي
ونادت ادركني يابو الحمله علي
حرمه بين اعداك يابويه صرت
ارد اشوف حسين عالتل صعدت
آه يازينب. آه يازينب. آه يازينب
كلمات الشاعر
حيدر جار الله الكربلائي
كلمات الشاعر | حيدر جارالله الكربلائي ، حملة الرضوان | رحلة عرفة 1439 - 2018 في حسينية الموسوي | كربلاء المقدسة
تعليقات
إرسال تعليق