مدونة كووولشي وكلاشي عراق

  📜 القصيدة: انه يالنايم رقيه  🎤 أداء: مسلم الوائلي  🖋 كلمات: حسن الترابي  ~~ جابتني روحي وتعثرت بيك  كل ضني نوحي يگعدك ولاگيك  اشبگني الك مديت اديه يا حسين انه يالنايم رقيه يا حسين  وتعثرت بيك .. وتعثرت بيك ~~~ ظلام وتيهت خطواتي يحسين  خطوات الغريبه اتعب الگاع  مو بعيوني دورتك بالجفوف  وكت الظلمه شوف العين ينباع  يم كل منذبح اگعد وهز بي بس موش انته تطلع واركض ابساع  عطشانه واركض من الغروب  جندوب ادور عليك جندوب  وين الله اگولن موش الحسين  كلما شفت جدامي مگلوب  ملهوفه اجيتك بالخير امسيك  جابتني روحي وتعثرت بيك  اشبگني الك مديت اديه يا حسين  انه يالنايم رقيه يا حسين  وتعثرت بيك .. وتعثرت بيك  ~~ ثگل جدمي وبديت اتعثر هواي  ولاگه الخنصر جفوفي وشبگته  ونينك دله روحي وگلبي عليك  وطولك من وصلتك ما عرفته  ادري بيك عطشت هواي يحسين  الماي من النهر بثيابي جبته  فوگك عصرت هدومي بهداي  من كل كتر ظل يطلع الماي  شمخليه بيك الخيل يحسين  وشويه صاير وانته الهواي  ما كفه ثوبي لو ردت اغطيك جابتني روحي وتعثرت بيك  اشبگني الك مديت اديه يا حسين  انه يالنايم رقيه يا حسين  وتعثرت بيك .. وتعثرت بيك  ~~~ گوم

  📜 القصيدة: تعبت من الركض 🎤 أداء: مسلم الوائلي  🖋 كلمات: حسن الترابي ~~ حسين يا خويه .. حسين يا خويه ~~~~ تعبت من الركض والخوف يحسين عثر جدمي ونخيتك تگعد النه الخيم طاحت علينه وجينه حفاي وحگك جا بالخيام احترگنه مثل صدرك بناتك ترسن الگاع   بالف ميت گبل طولك عثرنه غيور وحته لو مذبوح تنهاب شكبرها العازه وبمذبوح لذنه يمتعب اليدگ  لگيتك ما تنشبگ  .. جبيره جروحك حيل مذبوح النحر  واثر صاعد فوگ اثر  .. حوافر هاي للخيل ضيم ما عايز وجملك بس اجيتك ترضه ما ترضاها شتموني بثنيتك ~~~~ عبي التمينه يمك وانته مذبوح نگعدك گوه بس ما بيك گعده لجمنه جروحك اعله البلكت اتگوم هظمناك وگلت مابيه هده الزلم وصلتنه يمك واحنه نسوان عليك تلملمن وحده اعله وحده تگابلنه ونريد انگعدك اردود عبرنه الماهن وصدرك تبده گاضي من السحگ ضمه وبالدم مختنگ  .. رمح بجروحك طاح من ذاك العصر  اجت خيل اعله الصدر  .. وشفت يمك ذباح حز رگبتك بيده وتباوع بناتك شال راسك بيده ونشگت عباتك ~~~ شكثر تيهنه بالطف من اجينه انعم الله اعله العطر دلانه من هاض لگيناك وگعدنه اعتاب وياك الصدر ماهوه والدم بالنحر فاض ذبيح ومنسلب والحيل مو حيل بعدها الخيل

  • قصيدة : تعبت من الركض • أداء : #مسلم_الوائلي • كلمات : حسن الترابي • مضيف سلطان بني هاشم (ع) | 1444هـ • المكان | العراق - ذي قار - سوق الشيوخ

  ماضل كلشي بعباس | مسلم الوائلي | عزاء مسجد السيد الشهيد الصدر | ليلة 7 محرم | 1444هـ قصيدة : ماضل كلشي بعباس • أداء : #مسلم_الوائلي • كلمات : حسن الترابي • عزاء مسجد السيد الشهيد الصدر | 1444هـ • المكان | العراق - واسط - الكريمية 

  📜 القصيدة: ذبحوا صحبانه  🎤 أداء: مسلم الوائلي  🖋 كلمات: حسن الترابي  ~~~ انه الذبحوا كل صحبانه  ورد منهم عينه اعله اردانه  گد ما حاير حته اخيالي وياي احتار  ظل يندار بصفحه وانه بصفحه اندار  انه الذبحوا كل صحبانه  انه الذبحوا كل صحبانه  ~~ گلت الحيله وردتكم يا اعزاز حسين تجوه  واگف ومن حشمتكم حيلي ما ينگلني خطوه  ردت اطيح اگبال زينب وجلبت بصفاحي گوه  انه ابوكم مدري اخوكم المهم گومولي فدوه  صاحوا بالميادين  شويه ونذبح حسين  من شافوني يمكم كاض گلبي  انده بالمطاعين  هذا الميت منين  واحد منكم يدليني دربي  يخوان عيوني محلفتكم گوموا وياي  انه التعطش يمكم روحه وينسه الماي  مو ماي الكم عطشانه  انه الذبحوا كل صحبانه  ~ عازة عيوني وبجيت وصعبه مني اطيح دمعه  المشكله اعزاز اعله گلبي وگلبي الموادع يطلعه  كلشي ما ظل عندي غير اخيالي وخايف اضيعه  حته طولي موش اليه ساعه وعله الخيل اوزعه  حيره وصاحت الناس  عافك حته عباس لا ظل صاحب ولا ظلت اخوان  مدري شغمض العين  صاحوا طاح الحسين  واگف ما طحت بس انه عطشان  ما طايح واگف وعيوني مفتوحات  واحد صاح الواحد بالطف يمكن مات  بالموت عيونك غرگانه  انه الذبحوا ك

  📜 القصيدة: گوم حگ الخوه  🎤 أداء: مسلم الوائلي 🖋 كلمات: حسن الترابي  ~~~~            حسين آه حسين آه  ~~~~~ من الغربه هينه وصعبه من اختك تجيك  شلون ما جان افزعلنه حسين لم روحك بديك  الخيل وانه وكلشي يوجع كلهن التمن عليك  خويه گلي انه ياهي كون بعدك تذكر اختك  خاف زعلان اعله زينب ونايم بگد ما ندهتك يا عزيز وكلشي يرخص يم غلاتك حته بزري  عون لاگاني وعبرته وجيت يمك وانته تدري  خويه اجيتك خويه اجيتك خويه اجيتك  ~~~~~~~ خويه موش اعتاب اجيتك شوگ يحسين اعتنيت  تعمدت گدامك اعثر بلكت اتفز وستحيت  اتگعدك الخيل اعله حيلك بالسحگ وترد گضيت  خويه مو فزعه الخواتك گوم وتلگاني فشله  تنحجي بظهرك عله اختك شبعت من الخوه ذله  كلشي ما كاسرني غير عيونك الماهنه يمي  كلشي ما اريداً وحگك وصيحني اخر مره بسمي  وامشي عنك خويه خويه يا ابن امي  ~~~~ حسين فك عينك واخذني الخوف ما خلالي راي  الگاع من اجدامي تعبت يا ركض يا خوه هاي  مو زلم تركض وراي افراگكم يركض وراي  گوم حگ الخوه وارجع لا يضحكون الشماته  لا يشمتون ويگولون حسين ما گام الخواته  گوم كلشي الجان اليه وداعتك مو مال نومه  الهاظمتني الناس غربه وزينب انه

  ياوليدي يمدلل بعيونك اتوسل من تبعد سنيني مثل الورد تذبل ارسم مطر كلبك ومدلله بكربك اوجاع الك دنيا من تعطش تشربه  كلتلك يبني راشد نيتك وين كسر شوفي اعله طولك تعب السنين بجيت واشرت بيدك للحسين لحكتك والهجر يلجم بالجروح يجاسم مو جدم عثرلتك الروح لمع نحرك ييمه وشفته مسفوح نحرك للحب لا مو للدم مايحلاله الذبح لا مو مالة رمح من كد حسنه اوليدي ملثم هايم وجهه وضوﮮ عايش وياه سوﮮ يابزر ابوك وذيج الاحلام..بعينك ييمه علكلك شضام عوف الوداع وحل الالثام.. علي اضلوعي افرش كلبك ونام شحلاتك بالكمر يوليدي مبخوت.. العرس طايحلك وماطايح الموت افصل ثياب الك وتكلي تابوت العمر ضاع وبعد مابيه كل حيل.. تعبت من السهر ومكادر الليل.. حسافه امن ايدي باكت طولك الخيل تعب سنيني بيوم وليله ضاع بساعة عطش صدر اوليدي انفرش ميت بزري وانه ادعيله جاسم مامنجتل بلكي الله يرد عدل ميت واكول الموت مو دوم.. يدريني احبه ويرجع بيوم.. لابد يردلي بذيج الارسوم.. جمدوب اظل اشتم بالهدوم الهدوم