مدونة كووولشي وكلاشي عراق

  أأنت أخي .. أأنت حِمانا ؟ أأنت أخي .. أأنت رجانا ؟ أأنت ابن امّي .. أأنت ابن والدي أأنت الحسينْ ؟ ـــــــــــــــــــ متغيّر عليَّه اهْواي .. يَهْوايْ عله وجهَك تُرابْ اْو دمْ جِمَد العطش و الشمِس و الطّعنات ..هيهاتْ اليشوفك يگدر ايعرفك بعَد ! أصدّگ ظُنوني .. و أهيم ابخيالي و أچذّب عُيوني .. و أكرّر سؤالي إنته العالتُرب شفته ؟! و أگولن لا ، هذا المرمي مو إنته ! و أنشدك و الدمع نهرين أأنتَ الحُسين !؟ _ قبل ساعه اطلعت منّـي .. او لنّـي أحس چنّك دهَر عنّي غِبِت ما ظل عالبَدن نيشان .. عريان حتّه امْن العمامه اتسلَّبِت يدلّيني گلبي .. او گلت هذا هوّه و أخذني عله دَربي .. حَنين الأخوَّه اوصلِت و اتأمَّلِت وجّهك و أگولن لا .. يجوز الميِّت ايشبْهَك ! احترِت يالما إلك وجهين أأنت الحسين ؟! _ تمر إيدي عله كسْرَك .. ابصدرك ما ظل بيْه مفصل ما انْهشَم گبل لا امْن الخيَم أطلع .. أسمَع وصل صوت التهشّم للخيَم گلت شنهو صاير .. او بقه بالي يمّك أثاري الحوافر .. ثجيله اعله جسمك أشوفك مختلف وضعك و أگولن لا .. هالمنطحن مو ضلعك ! أشّر ليّه لو بالعين أأنت الحسين !؟ _ ميرزا عادل أشكناني قم المقدّسة ذو الحجّة