الفرقة الطويلة | 2022 | Alfarga Altewela اداء | #محمد_منصور_السماوي | الشاعر | ايهاب المالكي |
ياحسين ياحسين مشيت برحلة الفرگه الطويله
ياحسين ياحسين سبيه بغيبتك وآنه العقيله
سيف افراگك حدر جفوني.. هذا غيابك غير لوني
يالما ترضه بدمع عيوني..شوف اسياط الفوگ متوني
مسبيه بنص وادم ذبحوا هلي.. محتاره وحسيت بوحشة علي
كل دمعه من عيوني تنزل جرح.. يالراسك گدامي فوگ الرمح
صبري يبس وانتهى بخلگ الخضار.. من طلبت من الشمس في للزغار
آنه وحدي بين وادم عدها ثار
كون اموت ومو بديه.. مدري شفت شجم منيه
والدمع ما ظل عليه.. خله عين
جاي احسك تبعد اكثر.. وآنه احس الدنيه تزغر
التفتلك وامشي واعثر.. ياحسين
يالعايفتك جسمك دامي ..بي جم نبله وگلبك ضامي
ياضي روحي وكل ايامي.. ظلت يمك نار اخيامي
كل خيمه تضويلك مثل الشمع.. ارد ابجي وبعيوني ماظل دمع
محتاره وبانفاسي حسرة اخو.. مهمومه ورايحلي وين الكفو
بس اطمنك انه لي رهبه الطريح.. شتموني وهددتهم بالذبيح
خوفتهم وآنه ياعباس اصيح
آنه صبر الجدها مرسل.. زينب الما ترضى تنذل
انهضم من عنك اسأل.. انت وين
لو بدي ما جنت اعوفك.. عمري يخلص بس اطوفك
آنه وين من ارد اشوفك.. ياحسين
*******************
هاي آنه المكسورة خاطر.. ويَ اليحدي وينهي ويامر
خيل الجيش اليمي تناطر.. بيهن من دمك عالحافر
كون الله يكتبلي وارجع بعد.. ارد ابجي لحد موتي اگبال الجسد
واتعفر بترابك يابن النبي.. واشكيلك واحجيلك عن السبي
يادمع هذا اليكفي شما بجيت.. انت تعذرني من اجي لو ما حجيت
يجوز ميته وناسيه وبيك التهيت/2
انت ياصومي وصلاتي.. وخاطري وكل ذكرياتي
الك من انطي حياتي.. اوفي دين
جم جرح باقي اعله جسمك.. يالبقى اعله احزاني رسمك
آنه اروحن فدوه لاسمك.. ياحسين
تعليقات
إرسال تعليق