مدونة كووولشي وكلاشي عراق

   القصيدة: وينك  أداء: مسلم الوائلي  كلمات: عباس طالب السعيدي ~~ يوليدي اليبطون اعزازه لو رجعوا يلگونه جنازه وانه اعله گد طولك صحت وينك شمس الله ماهيه منهد عينك عازة شوفت وجهك عازه ~~~ كلما اگلك يمه اشبگني  جنت اضم جفوفك عني گتلي اتعذر لكن ذني الله مسويهن لحسين من جنه انسولف عالزهره  وتگوم اعله الباب تكسره تلزم ضلعي وحيل اتعصره وتگلي اليوجعها منين يا يمه عنك لو گلت غالي شو بس الحسين اليجي ابالي متغيره اشوفنها السمه بعيني كلما گلت راس الگمر عالي اتسلم زينب وتحس بيها وانته ابطني اترد عليها فارغ مجانك يا ضوه حسينك شمس الله ماهيه منهد عينك  عازة شوفت وجهك عازه ~~ من جنت اعطش وابدي اتعذب  تركض تاخذ ماي الزينب هي اگبالك عود وتتعب جا بالهيمه تبات اشلون  لو وي اختك ترضه اتلاگه جا هسه امك فوگ الناگه كون المثلك عادي فراگه جا ليش ازرگ متن ام عون گد ما حنينه وتدري بحلامك تلبس حجاب الجربه گدامك مشتعله نار بگلبي كل ساعه دخانه تشبه ريحة اخيامك حته عيوني بجيتك تحله تكسر گلب امك مو سهله شوفي انعصر بين العمه وبينك  شمس الله ماهيه منهد عينك  عازة شوفت وجهك عازه  ~~ شد حيله الموت اعله جروحي ما يدري انته

الموت الأحمر اداء و الحان حسين فيصل كلمات: المرحوم الشيخ ابن نصار من إصدار للموت في شجاعة العباس ومصرعه أبو فاضل تلولح فوگ الاشگر ليث او هاج من شِيبه امعفّر نزل عباس يتمرضع بالحسين يحب ايده او جدم رجليه والعين تسايل بالمدامع على الخدين لما حن او بچي احسين او تحسر صاح احسين يا خويه يعباس ينور العين يا تاجي على الراس يخوي انت الدرع والسيف والطاس اشلون اتروح وانا ابگه امحير يخوي احسين يا زهرة ايّامي يخوي نحّلت سكنه اعظامي دخليني أريد الحگ عمامي اريد الثار گلبي دم يفور يگله اوداعة الله يا عيوني نيتكم اوحيدي تخلوني ركب وارزم وگلهم تعرفوني طليعة حيدر الليث المشكر تشعشع بالحرب عنده الحرب عيد سم ابصاجعه او طاحت امن رعيد يحسب السيف مبسم والنبل غيد تتماوع او عج الخيل عنبر عروس الحرب والعباس عريس ايبتختر بين زفافه ملابيس نكس وارعب اگلوب المداليس او طفحها كفوا نعمين واكثر شمّر فوگها او خلّه المداريع ما تعرف رِسِنها امن المصاريع تهاوت واخلست بين المشاليع تخاف ارواحها امن الموت الأحمر گلب يمنه الحرب من فوگ يسراه او يسره الحرب ذبها فوگ يمناه لوه الجنحين فوگ الگلب ولْواه عليهم والعزيز الروح من فر حرُب

  الغيرة الهاشميّة | الميرزا محمد الخياط - ملا حاتم العبدالله | محرم ١٤٤٤ | 2022 الغيرة الهاشمية..فرسان المنيه من حامي الحميه.. علي علي  دقت اطبول الحرب والخوف دمدم هزوا الميدان ضيغم بعد ضيغم وجوه اهل الجنه بس خزرة جهنم الجيش يتراجع اذا واحد تقدم  صفوةٌ ابطالُ.. مالهم امثالُ صاحت الآجالُ.. علي علي اقسموا بالعصر.. العدى في خسر ذا شعار النصر.. في علي علي  رفرف لواهم الله وياهم بعزمه رباهم.. علي علي سلوا سيوف الكلايف وابتده الكر والجحافل صارت بظلها اتعثـر شافو حسين وابو فاضل والاكبر مادروا جم حيدر بحيدر تكرر الرواسي تغلي.. والسماء كالمهل كلهم بالفعل.. علي علي قد اتوا للصيد.. صوتهم كالرعد تلبيات المجد ..علي علي بالقلب لاهب.. زود ابو طالب والفخر كاتب.. علي علي ********* الموت من كل زاويه اصبح يجيهم حسين مثل الصاعقه تنزل عليهم والبطل عباس صار اعصار بيهم الاكبر افنى القوم عن بكرة ابيهم  هم نكال الساعه.. للشوى نزاعه جسدوا في الطاعه.. علي علي  هم عذاب واقع.. ماله من دافع والنداء القاطع.. علي علي  الصور ظل ينفخ.. قصة البرزخ والحرب تصرخ.. علي علي  ******  هيبه وحده من الاكبر الى القاسم جدهم الكرا

  اربع كتب  أداء الحاج باسم الكربلائي  الشاعر السيد سيف الذبحاوي اخذ اربع كتب مني.. نزل بيهم وحي حزني  حرزمن نور.. لعطش عاشور  اخذ اربع كتب مني علي لنور العدل آدم..وانا لستر الوفه حوّى  وقبل اولادي اخرس جان.. صيت الخوه مايسوى  انكسر صبري لضلع فاطم.. وشعلت بكل ضلع نخوه  لفحول الناس نسبوني.. ونسبني الباري للصفوه  أنا دعوة وصي حاير.. يريد انصار للعاشر  ونذرت بدور.. لعطش عاشور  اخذ اربع كتب مني قلب ام وعليك يخاف.. الخطر لو مسك يحسه  درع مني اخذ عثمان.. زبوري لطولك يحرسه  مزاميره اعله لحن الموت.. ترتل والحرب عرسه  وقره عبد الله الك توراة.. يقدم طاعتي ونفسه  حكم طالوت واسراره.. جمعها بنار بتاره  العمر منذور.. لعطش عاشور  اخذ اربع كتب مني وبعد عندي الك ياحسين.. امانه انجيل من حيدر  ذخر شيبي الحوى اعلوم.. المنايا خادمك جعفر  ابيمينك خاتم سليمان.. وعصا موسى وعذب كوثر  يحضرلك عرش بلقيس.. ويحطم سد الاسكندر  المطر والريح طوع امره.. وسحاب الواقعه مهره  بقلب مجمور.. لعطش عاشور  اخذ اربع كتب مني ونبي قرآنك العباس.. آياته الرعب والدم هذا الفاني بسم الله..ذاته وباسمك الاعظم  فرات وظله صار انسان.. جره ب

  قصيدة " لوحة عطش"  الرادود : حيدر البياتي الشاعر : مصطفى العيساوي - من أصدار محرم الحرام 1444 ه‍ للرادود حيدر البياتي - أرسم وجهك .. بلون يشبهك تگـلي اللوحــة بماي إرسمني  سحرتلك شموعي . وحيرني موضوعي و بريشــة احزاني . يرسمنـــك دموعي شبيدي رسـامك بعينه مــا شافك و بمخيلتي ردت ارســم اوصافك و إنحـِنت دمعتي برسمة إشفافك  و لـوحتي تعاتب العلگمي العـافك إستغربت روحي و ينسـمع نوحي ارســم جـروحي .. بـ مـاي شفافك شبـيها ؟! و أنحب عليها  لـوحــة أرويها .. بـ مـاي كلــما تذبل . أنــت الأجمل اليعطش غيرك أنت تهمني و بلوحة احزاني . عطشانه ألواني شيرسمك و أنتَ . بالعــــالم الثاني  أرسم بعينــك و ريشتي طاحت حـــارت بنظــرتك للخيم راحت وصلت لطبرة الحاجب و ناحت  الطبرة لا تنلجم بالرسم صاحت  و دمعة عيونك مــــا يرسمونك  غيـــرو لــونـك .. ليش ؟  أنـــت كــدامي  كـــوثر أيــامي  تنرسم ضــامي .. ليش ؟ إحساس اللوحة . دمعي يوضحه و غــير جـــروحــي مـــا تفـهمني  و إحتـارت الفكرة . بشيباتك الحمرة  أرسم بلـون ابيض . بس دمك يغيره  لـون الابيض بچى بصورتك شفته و بغــروب الشمس شيبك إصبغته أنـت او

علي الاكبر عليه السلام ما شاءَ الله جماله تارس عيني بدلاله گمر ظهر سحر كل كربله حيدر شافو حيدر بعينه حيدر واگف ينصر حسينه ... علي الاكبر يا حلاته أذن الموت لصلاته عجب الدنيه بثباته وسيفه غيمه بالسمه شاعر وسيفه قصيده بالرگب هوّس بإيده تصيح الله وتعيده الرگب من تنزف دمه مهرجان الموت بادي يوم عاشور الظهر چان جمهوره مناحر تصفگله بكل شطر سيد وجده محمد يعبر وما ينعبر شيخ وفاتح مضيفه وايعزبها اعله كيفه علم هجم هزم سبعين الف راواها الموت الاحمر يشطر بالروس الاكبر بده وحده العده منه اتخذف حيدر شايل كل نياشينه حيدر واگف ينصر حسينه ... كربله تسولفلي عنه سيفه نار وهو جنه فنه التدناله فنه خبر كانَ ينحسب الگابله ويگول زلمه هذا ما جايبته امه يطش بالجيش ويلمه يچهب وما ينچهب سمه تلوذ بسمه منه السيف لمن يعتلي الگاع والمو گاع صاحت لا فتى الا علي صاح هاشم موش هينه الزلمه خل يتدنه لي ثبت اكبر مواقف للعز صارت سوالف صگر يكر جمر يچوي الجمر الطف ما چان اعله گده ركضهم روحه رده اسد لكد حصد روس الكفر حيدر وگفاته بميادينه حيدر واگف ينصر حسينه ... غربل الميدان كله خَله بالجيمان خِله قائد الفرسان ذَلّه وصل دمهم للشم

شهر الدمع موسم حزن مذبوحي والطف يعيش بروحي شهرك جاي .. يا مولاي ... يمالك روحنه من قبل خلق الروح من عالم الذر اعليك عشنه اجروح الك خالقنه رب الكون يا مذبوح سفينة نوح انت واحنه اهل النوح بيك الحزن هيمنه وخيمة الخدمه تلمنه انت فياي .. يا مولاي ... يبو الاكبر يأكبر من دموع العين جرحك ما عتگ مهما تمر اسنين العجايب سبعه وانت الثامنه يحسين مسوينه اوادم ما نوفي الدين بيرغنه وتظل عالي ونجمه بسمانه تلالي تضوي اسماي .. يا مولاي ... نعم تبقه نجم وتضوي كل نجمه يشوف اعيونه العافك يظل اعمه شنو معنه عمرنه بغير هالخدمه سبع فدوات رحنالك يبو اليمه بين النواظر طيفك خدامك احنه بكيفك راعي الراي .. يا مولاي ... نحر مذبوح وسيوف العده اتهابك اكبر راس يسجد هيبه يم بابك هنيال العيون التبچي لمصابك يبو جروح الچبيره الدوه بترابك عايش محرم بينه جمرة حزن تچوينه جرحك ماي .. يا مولاي ... كل ما شوف ماي اتهيج الآمي اشفافك ذابله تنرسم گدامي يوم العاشر مكدرلي ايامي عمت عيني متت متسلب وضامي لاوحگ نحرك ودماك يا بو علي ما انساك اتعيش وياي .. يا مولاي ... خادم الحسين ( عليه السلام) كرار حسين الكربلائي ( ابو كميل) 

شهر الاحزان يبعد الشوف والعين هله يا شهر الحسين صحنه بروح عطشانه يا حي الله من يانه هله يا شهر الحسين ... محرم جاينه وحي الله من جاي عطشانين كلنه وجيته ماي شهر الدمعه مشتاگين اله هواي گبل لا يهل متحضره الخدم هاي اذا ماكو محرم يناس الكون اظلم عدنه مجلس حسين هو السر الاعظم الحياة بلا مجالس تره ما بيها واهس الخادم فتح بيبانه يا حي الله من يانه هله يا شهر الحسين ... محرم كل سنه نحسبله ايام العشره الاولى نتمناها الف عام نتباهه اذا سمونه خدام عدنه الثوب الاسود مثل الاحرام نريد الكون يفهم شنو معنه محرم الدنيه بغير عاشور تره تشبه جهنم محرم والمآتم تسوينه اوادم كلشي يصيح ويانه يا حي الله من يانه هله يا شهر الحسين ... محرم خيمة العشاگ يا ناس اذا شح الهوه نشتمه انفاس العواذل خل تطگ الراس بالراس خدام الحُسين بعين عباس الكفل ذيچ المحامل .. تره لخدامه كافل يفزع لمن نصيح دخيلك يا ابو فاضل بعسرنه وبيسرنه الگمر لازم ظهرنه هيچ العشگ ربانه يا حي الله من يانه هله يا شهر الحسين ... محرم رحمة الله لكل الشهور شكبر حظه التگله الزهره ماجور تره ماكو صلاه لو ماكو عاشور صلاتك ثبتاها حسين بنحور الدين بغير الحسين ت

القاسم ابن الحسن عليهم السلام ماكو زفه ولا شمع صارت الحنه دمع يمه اذكريني من يوافيني الاجل اقري هذا المستهل يمه اذكريني ... حلمچ تزفيني بيدچ والحلم اصبح سراب فرحة ايامي ييمه ماي وتبده بتراب مستهل يجرح گلبها الوالده الفگدت شباب من تودعيني يمه اذكريني من تمر زفة شباب من العرس محروم حنتي دم المصاب شمعة شباب من يطفوها حنتي دمي والجفن ذاري التراب اني رايح ما ارد شاب وبعمر الورد ذبلت سنيني دمع عينج لو همل اقري هذا المستهل يمه اذكريني ... ألا من ناصر ينادي صاح عمي وافزعت هذا سيف الحسن بيدي وبدماي اتبرعت ما يذل ابنج ييمه من ثدي النيبه ارضعت منك فدوه من يجري الدمه قُربةً لفاطمه اوگف لديني سيف بالطف لو حمل اقري هذا المستهل يمه اذكريني ... الدهر يعلگ الف شمعه خلها تطفي شمعتي بذمتي دين الشهاده وكون ابري ذمتي بالوفه وصوني اصلي ولازم اوفي اوصيتي اهلي وصوني أهـلـي  وصـونـي بـالـوفـا يـوم  الطفوف مـن  دم  وريـدي يـصـبح خضاب  الچـفوف هـذي  وصـيـتـي  يـالـتـسـمـعـوهـا حـنـتـي  دمـي.. والچـفـن ذاري  الـترا امي يا طلعة فجر ادري گلبج ينكسر من تودعيني وگفتي مضرب مثل اقري هذا المستهل يمه اذكريني ... اشلون اع

مسلم ابن عقيل عليه السلام انه اول يتيمه صرت بضعونك عمي لا تبچي عذبني دمع عيونك دمعك الغالي ما يرخص اريده فدوه الك مسلم وفدوه حميده عمي يحسين ... بالدرب لمن صحتلي وچفك براسي مسح اعرفت خلاني يتيمه ومسلم الغالي انذبح فراگ ابويه شكبر جرحه و موت ثاني بالاصح ومن شفت دمعك يعمي گلبي الف جرح انجرح ما احس باليتم دام اشوفك سالم والبقيه بحياتك يهيبة هاشم يظل كلامي الك كل يوم اعيده فدوه الك مسلم وفدوه حميده عمي يحسين ... لا يظل بالك عليه عمي وامسح دمعتك راح اروحن آخذ امي ونگعد بظِل خيمتك امي وَيّه ليله وانه وي رقيه ابنيتك يديمك الباري علينه ولا حرمنه شوفتك بشوفتك روحي تنسه العذاب العدها منهي مثلي والحسين صبح والدها انه رباني ابوي بهالعقيده فدوه الك مسلم وفدوه حميده عمي يحسين ... بالله سولفلي اعله مسلم عمي وضحلي الأمر صدگ ظل بلا معين وغدرته اهل الغدر صدگ ضامي انگطع نحره ورمو جسمه من القصر وبالحبل جروها جثته وكل عظم بي منكسُر والدي مندفن لو بقه عالغبره بالله منهو حضرله وبچه يم گبره البگه براسك عله الحزو وريده فدوه الك مسلم وفدوه حميده عمي يحسين ... حسين گلها يا حميده وتارس اعيونه الدمع اي يعمي انگط

 

 

  خيمة الخدام حسين الجنامي  شفتني.. خذتني.. على الخدمه ردتني.. خذتني.. على الخدمه زغير وعمري جان ايام جبتني لخيمة الخدام اخدمك واشكرك كل عام على النعمه ***** انت دكيت اعله بابي انت ناطيني ثيابي انت ساترني يعريان شلـــون اشكــرك آنا عبدك يابو الاكبر من بديت بحبك اكبر حتى وآنا اشرب الماي كون اذكرك

 موبديه اخرتني الدهور  ياحسافه مادركت النحور منك اخجل سيدي من ازور  عوگاني دهري..ماضحي نحري وآنه بالخدامه.. رايد افني عمري  ضامي وتنازع آ ياحسرتي من دم اريدن تنزل دمعتي حتى اموت بهول امصيبتي  ارزقني لوعه.. كل مساء وصباح انطيني لجمه.. ما اريد استراح وابشعوري ابجي وبلا شعور *********  منهتك خبائك.. مرمل بدمائك فشله جسمي صاحي.. يطبها كربلائك  جسمك على ارمال الطف انفرش مثلك اريد الموت من العطش وعالغبره ابقى كون بلانعش  مااوفي.. بنصرتك بالعزاء مايكفي.. لا لطم لا بكاء ما اجازي ويبقى دمي يفور  ************  بالاسف جوابي.. مقتلك مصابي موتي ريته لوعه.. او غصة اكتئابي  خليني عايش كل عمري بجزع وبگلبي خلي شما گلبك جرع الاصغر جروحك عيشني بوجع  ماكو راحه.. وانت خدك تريب ماكو راحه.. وانت شيبك خضيب بس امل ظل انصرك بالظهور  كلمات الشاعر زين العابدين المرياني

"أنا منك وإليك" سيدي يا حسين. - (١) انته الـهـوا الأتـنـفـسـه يالعايش ابـأنـفـاسـي هذا الگلب مثل الصخر لو ما چنت بحساسي يمالك رِقّي عِشْت آنه اعله بابك اُو تِعود خدي بس يِغفه اِبتُرابك آنه العايش وَسَط صـحـراء ميْتَه حُسين اِتعَطَف اعليّه اِبسَحابَك يا حبيبي يا حسين نور عيني يا حسين - (٢) دلـيـنـي مِن ويـن اَتِجِه آمـرنـي وآنه ابـأمـرك ابـكيفك آنـه بس المهم خليني ابقه ابـكِـتـرَك بـالـتـريـده تِـدَلـل وِانـتـه تـامِـر يبو الأكبر اَنـا ابكل لحظه حاضر تِريد ابمجلسك اَفرشلك اِسماط لَـوَن رايدني ناعي اعله المـنـابـر يا حبيبي يا حسين نور عيني يا حسين - (٣) ابـيوم الحشر يا سـيـدي مَشبوحه صوبَك عيني اِبشوق انتظر لمّن تِجي اُو تِـلـزِمـني مِنِ اِيميني وحـگ الـخـلّـد ابـهـل دنـيّـه ذِكراك اُو جِعَل جِن اُو اِنس يحسين تنعاك خِـدَمـتَـك مـو لـجـل جــنّــات والله خِـدَمـت اُو نِـيِـتـي انـحـشُـر ويّـاك يا حبيبي يا حسين نور عيني يا حسين - عبداللطيف خالدي ٢٩-٦-٢٠١٨ مـ     أداء   ⁧ #علي_بوحمد ⁩   كلمات   ⁧ #عبداللطيف_خالدي ⁩ ⁩   -   ⁧ #محرم ⁩ 1440 هـ   ⁦ #Muharram ⁩ 2018