شفتك مطروح - الملا محمد بوجباره_مكتوبه+mp3 شفتك مطروح اداء: ملا محمد بو جباره كلمات:علاء الكربلائي يابن امي شفتك مطروح بعدك عدل لو مذبوح حركو خيمنه بطيحتك راحت آنه زينب صار خدري بلا حراسه وشمر شفته خويه صدرك بجدمه داسه قتله عوفه لاتحز الغالي راسه ضحك يمك شتم امي اقبال ناسه قبض شيبك رفس صدرك ثنعش طبره طبر نحرك حز راسك كبالي وصاح يازينب حسينج طاح وانفاسي يا ويلي بهضم صاحت ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ تقربتلك وصاح نحرك ضامي جبدي ومن شبكتك نطبع دمك فوق خدي وناده نحرك للخيم خويه ردي خايف الخيل فوكي تسحق آنه وحدي نطبع جسمك عالترايب ومثل قلبك قلبي ذايب خنصر يمينك بتروه وحته ردائك سلبوه وبجبدتك شفت الرمح نابت ـــــــــــــــــــــــــ ـــــــــــــــــــــــــ ـــــــــــــــــــــــ صحت عالخــــــــــــيل وآنه يمك دمعي هامي لاترضيه ماتشوفيه قلبه ضامي لا تدوسين فوق نحره نحره دامي ركضت الخيل فوق جسمك والحوافر بيها دمك يابن النبي وشفت الخيل بجسمك غدت ترفس حيل وعمامتك فوق الترب طاحت ـــــــــــــــــــــ