أصدار محرم 1444 هجري
القصيدة : بابا
اداء : مرتضى حرب
كلمات : مرتضى حرب
يالنشف وريدك.. بنيتك واريدك
ياگلب رقيه
بابا انا العزيزه وحدي شو عفتني
نومتي اعله ايدك انته عودتني
الحضنك اشتياقي الفرگه عذبتني
گبلي تغفه عينك مو رقيه جني
شأخرك عليه عندك اغله مني
فرگتك عذابي يلي دللتني
عمري راح اودعه.. صوتك ارد اسمعه
بابا رد عليه.. ياگلب رقيه
*****************
غالي روحي روحي اشتاقت الحنانك
ليل من اخافن وانتظر امانك
ماعفتني ليله بابا كل زمانك
بگلبي ناري صارت من برد مكانك
صوت وني عالي يلي عالي شانك
لو يتيمه اصيرن لو تجي بأوانك
ها يا اغله غالي.. انسه كل دلالي
لو اتاني جيه.. ياگلب رقيه
******************
تنتهي حياتي بدونك انته تدري
بابا آنه اريدك ما اريده عمري
ياحبيبي وينك حيرتني بامري
انته ياما گتلي يارقيه كبري
كبري بس مكانج يبقه بابا حجري
الانته ابوها صعبه دمع منها يجري
وينك ارد اشمك.. اخذ گلبي يمك
ادنّت المنيه.. ياگلب رقيه
كلمات الشاعر
مرتضى حرب
تعليقات
إرسال تعليق