مدونة كووولشي وكلاشي عراق

  زغار كبار نمشي لاربعينك _ الرادود محمد الحلفي ليلة25محرم 1444هـ كلمات الشاعر السيد رفعت الصافي حسينية وموكب ام الحسن(ع) البصرة_الفاو

  قصيدة : لاجلك اكتب اشعاري أداء : باسم الكربلائي الشاعر : ضياء الربيعي  لاجلك اكتب اشعاري.. واتقرب الى الباري واترجه انحسب يحسين.. قطره أبحرك الجاري                               1  اكتبلك واعرفك زين.. كون وما يحدك حد ابحر بيك وانت بعيد.. واغرگ بس يجيني المد سكنت بجرفك وادري.. أمان وأمنت ياسد متفضل عليه هواي.. وافضالك فلا تنعد شفتك عايش بروحي.. تلهج باسمك جروحي شاكتب شاقرا وانت البيك.. تاهت مجمل افكاري                              2  شاقرالك اذا القرآن.. بسمك يقرا ويرتل ثوب العز الك يحسين.. وبس اعليك متفصل ظامي وماتريد الظل.. بجروحك شمس تنزل كلشي انطيته والباري.. كلشي باسمك مسجل تذكره بآخر انفاسك.. يرتل بالكهف راسك بعت كل ما ملكته وجان.. ربك للنحر شاري                              3 اذا ضيعتك شالگه.. انت الاغله والاثمن عايش الك لو هالناس.. سألوني تعيش المن عمري ابلا نظرتك خوف.. وبس وياك يتأمن انت التكشف الكربات.. خيل الهم اذا هجمن خسران الذي عافك.. والاعمه اللي ما شافك عشگتك والدليل ادموع.. عيني وحسرتي وناري                                  4  صعبه ومستحيل الماي.. يطهر من يلاگي الدم ب

يازينب امانات.. امانات ايتامي يابعد كل الاهل.. خويه تدرين الحصل انتي لعيالي الامل.. زينب يشوفونج  انتي روحي ورايتي.. وانتي عيني وشمعتي هلّه هلّه بعيلتي.. الكافله يسمونج  يابلسم للجروح والآمي/2 ************************** لليتيم ام وابو .. اخت للفگدت اخو لا تخلين العدو.. بالحقد يتماده صيري للخدّر درع.. ريح بوجوه الشمع للخصم خلي الدمع.. ذلّي كل القاده  للكوفي تحاذير تحاذير للشامي/2  ******************  سوي بيهم زلزله.. يا امان القافله انتي ثورة كربله.. ياعقيلة هاشم  من الرماح ٱوميلج.. حيلي كله لحيلج بالطريق ادعيلج.. يبقى ضعنج سالم  مكتوبه تسحگين تسحگين ظلّامي/2  ****************  انتي ياراية فخر.. رفرفت رغم الدهر ياخطر يرعب خطر.. نلتي اعظم غايه  صحتي ياجيش الكفر.. مايخوفني اليسر والله اقدملها العمر.. ماتطيح الرايه  بايتامي تروين تروين كل ظامي/2  ********************* بالسبي صار الحسم.. بان ياهو المنهزم يامره تعادل زلم.. أخذي منهم حيفج  إمرأه مو اي مره.. هاشميه موقره ياهو گال ميسره.. وانتي كلشي بكيفج  وياهم تعيدين تعيدين بايّامي/2  **********  صبراً وكل المحن.. هي فتره من الزمن خويه باجر ي

هذا لطمنه كل سنه على حسين واولاده  ************1 جمر تحت الرماد ويشتعل دمنه حرام النوم اذا بيّن محرمنه مثل عابس جنون الحب تعلمنه اعله گطع النحر مانگطع مآتمنه والمارضى بلطم الصدر باقي اللطم بعناده  **************2  مجالسنا نعيش نموت نحييها الجفوف بلا لطم كل خير مابيها كون الدنيه بس بحسين نگضيها وناس البينه تطعن بينه شعليها مانستمع حـﭼـي البعض لو بالحـﭼـي يتماده  ****************3 على امصاب الحسين الدمعه محبوبه الساعه بمجلسه من الجنه محسوبه اليلطم صدره ربك يغفر ذنوبه خير حسين يترس عينه وجيوبه هذا الحسين بكل وكت ماتنتهي امجاده **************4 يلومونه ويگولون اللطم بُدعه وتغثهم لو تطيح من المحب دمعه مشينه والهدف نكسب رضا البضعه فدوه ضلعونه اعله المنكسر ضلعه طبع اليحب لاخر نفس مايخشى من جلاده  ***********5 نصيحه شما يكثرون الينقدونه على الخدمه بعد اكثر يشجعونه يذبحونه ونصيح حسين يلگونه حسين الله خلقنه لخاطر عيونه هذا ابو اليمه ملك سيد وشيخ الساده  ***************6 بدينه وي الحسين ونتنهي يمه ومتفضل علينه هواي ابو اليمه عشنه وشفنه كل الخير بالخدمه نعمه حسين والله يديم هالنعمه سبط النبي مثل ال

  ملا باسم الكربلائي ودعت زينب ليوث اخيامها وابتدت تمسح بروس ايتامها لمن نظرت للسمه تمطر دمه كبر من النجف حماي الحمه آه وا ويلاه صاحت فاطمه عرفت المذبوح نار اسلامها تنظر الميمون ظهره ابلا امام يصهل وخجلان يوصل للخيام صاحت وﭼـنه افتهم معنى الكلام واجه مدنگ راسه يم اجدامها طاح خيالك تگله بيا ثرى هم شفتـهم لون گطعوا منحره كون گبل اعظام صدره مكسره زينب اخته مكسرات اعظامها دارت العين وتصد صوب النهر خويه ياعباس ياحزام الظهر الليل ﭼلـﭼل واليتامه بلا گمر بعدك اختك صفت سود ايامها حين شافوا جثتك عالمشرعه والـﭼفوف بلا علم وامگطعه خويه مسبيه خذوني امروعه والسياط بظهري كل الامها بعد ما عافت التل الزينبي والشمر صاح استعدّن للسبي جمعت النسوان وتشد بالعبي وهيه شدّت للمصيبه احزانها ياشمر گالتله لا تشتم علي وين صوتك ﭼان من ﭼانوا هلي لو نسيتوا شسوّه بيكم كافلي عالفرات وكسر خشم ازلامها مشت لبوة حيدره بغيره وعزم مره وداست من مشت روس الزلم حسين ثوره ودم ابد ما ينهزم وصوت زينب ﭼان هو اعلامها كلمات الشاعر ناظم الحاشي ليلة16محرم1444هـ حسينية ام الحسن (اخوة زينب_الفاو_البصرة)

  علمني يابويه اكون خادم الحسين يوم القيامه مايهون خادم الحسين علمني اصبح رادود وارفع علم راعي الجود  بني الحمد لله على الولاء حماك الله قلباً ينبض الوفاء فأنت اليوم من ابناء كربلاء تفائل واطمئن يانور عيني غداً القاكَ رادوداً حسيني  بويه خذني بدربك موعدي حان گلبي يشابه گلبك ينبض الحان يالتملك من حبك صوت وجنحان تمشي وتنثر ندبك ورد وريحان  يابويه بس اريدك تاخذ بديه هالخدمه في حياتي اغلى هديه وسط المواكب انشد لابن الزجيه يكفيني انعى واندب دمعه جريه  انت صوتي.. بعد موتي بينكَ الذكرى وبيني.. من لنا غيرَ الحسين ِ ياصغيري اتمنى يابويه اصير ناعي للشهيد ليّ الشرف وآنه صغير احفظ القصيد بالخدمه مثلك موعود وارفع علم راعي الجود كلام يابني اثرى واطيب الكلام واشوفك شمعه والله تتلالي في الظلام على حسين وشرفنا بخدمته سلام  حبيبي الخدمه ايمان ومشاعر ولا محصوره في رادود وشاعر  حدثني عن معنى خادم الآل أجيالاً قد جئنا بعدَ اجيال يابنَ الزهراء صحنا نحنُ اطفال لكنا الفينا فيكَ آمال أن الحسينَ اعطى ما لا يصور ابناً اخاً صديقاً قلباً ومنحر ياليتني فداهُ ضام ٍ معفر لباهُ صوت قلبي الله اكبر بدمعك ابني جنه يابني

يمه الولد | الملا مصطفى السوداني - إصدار محرم 1444 هـ _ 2022 م (إستديويو) يمه الولد أداء: الملا #مصطفى_السوداني كلمات: الشاعر #ميثاق_الحمداني إصدار إستوديو محرم الحرام لسنة 1444 هـ - 2022 م هندسة الصوت: حسن پور محمدي توزيع: قاسم حمادي مونتاج وألوان: علي كاصد غلاف: نبأ الحيدري النشر الشبكي: علاء بركات العاملي 

  ملك الموت كل ما راد قائد || باسم الكربلائي || ليلة 9 محرم || قاعة بغداد الكبرى ملك الموت كلما راد قائد حسين ايروح ينطي احلى واحد من حسين شابك علي الاكبر.. شويه شويه كام الكاع تزغر من كله الرساله تريد منحر..اليوم ايكله اشوفك ولد حيدر كله انطيني سيف يصير شاهد.. حسين ايروح ينطي احلى واحد  ************ اخذ لتخاف گله الدين يسوه..خير من الله عدنه ارگاب حلوه الموت يگله ما خليت تجوه.. يگله اولادي لله تروح فدوه كلما شاف راس الرمح بارد.. حسين ايروح ينطي احلى واحد  *************** طلع من المخيم يشبه اثنين.. يشبه وجه طه وغيرة حسين من شافوه وصلهم شايل الدين.. ظمو روسهم كل الشياطين رد عطشان الاكبر نهر رايد.. حسين ايروح ينطي احلى واحد *********** من گد ما حلو نشاف باله.. ماشايف بشر ابيض خياله حته الموت من صد لجماله.. تمنه الموت يستشهد بداله من شاف الزمن رايد مجاهد.. حسين ايروح ينطي احلى واحد ********** راح وظهره يلمع جنه طاووس.. ياهو يبارزه الباحسين متروس فوگ اگلوبهم بالمعركه ايدوس.. من فوگ الفرس ويطبر بروس لوجه الله اگول اولادي عاهد.. حسين ايروح ينطي احلى واحد ********* سيف شگد حلو بجفوف ترفه.. ير

وداع ضياع  باچر اضيع بغربتي بچيت واجيت محنيه لوداع اخوتي ... بخيمتي وحسين اجاني وتچه ظهره اعله العمد شفت دمعاته اعله شيبه باسني براسي وگعد گال اخر ليله يمچ ما تشوفيني بعد گومي ودعيني يخيتي گالها وگلبي انمرد اصيح واطيح والطم بديه جبهتي التويت واجيت محنيه لوداع اخوتي ... اغله انسان بحياتي گال عنچ راح اروح اثنينه سكته بچينه روح وتودعلها روح ودعت كلشي احبه وعشت دنيه من الجروح النوح ريته يردلي غالي سنيني گلها اكضيها نوح الحبيب يغيب ويتركني انه ودمعتي شكيت واجيت محنيه لوداع اخوتي ... والتفت وشفت رمله حاطه حنه وشمع عدها عريس شحلاته وحانيه اعليه الضلع اتگله يُمه الليله زفتك ليش ماخذني الدمع اتدنه خليني اشمن عطرك الما ينشبع زفاف واخاف تطفه يجاسم شمعتي انحنيت واجيت محنيه لوداع اخوتي ... هناك خيمه بيها ليله وبيها دمعتها اتهلي اتگله يالعشرين عمرك ليش ما مقسوم الي اوگف بطولك اگبالي يا بعد عمري وهلي ينگطع سباح گلبي لو عفتني يا علي تروح وانوح بعدك اظل كل دنيتي انتهيت واجيت محنيه لوداع اخوتي ... والكسر گلبي وهظمني ياخلگ حال الرباب اتحاچي عبد الله وتگله تعبي رايح للتراب حسبت تكبر ييُمه وهم اگولن عند

  ليالي : شهر محرم الحرام 1444 هــ القصيدة : الطاعة اداء : مرتضى حرب كلمات : السيد عبد الخالق المحنه المكان : موكب علي السجاد - العراق - بغداد

    القصيدة: وصلوها الحميدة   أداء: مسلم الوائلي   كلمات: محمود الموسوي  ~~ من مسلم رساله الگلب الحسين  سلملي اعله زينب والصواوين  من الكوفه البعيده .. وصلوها الحميده سلملي اعله زينب والصواوين  ~ اسولف والدمع مرسال العيون  وللطف الرساله الحب خذاها  وصلتله وطلع سكته من الخيام  راح الوحده حسين وقراها  متغيره الكتب مختلفه الگلوب  ما تدرون جيتي شعطلاها  سلملي اعله اخت عباس يحسين  خل تتحمل الضيم الوراها  من حر الرساله وحر الأيام  طاح حسين كله بصف الخيام  والمرسال بيده .. وصلوها الحميده  سلملي اعله زينب والصواوين  ~ طب حسين للخيمه وبجه وطاح  مسلم راح يا خيمه من ادينه  ظل ساعه بعبرته وكض الصفاح  الأكبر والرباب الساندينه  وكض عباس ظهره وصاح يحسين  من هاي الرساله تفارگينه  ابن عمك سند بس انه الحزام  وظل ساكت حسين ودار عينه  مكتوبك يمسلم تعب الحيل  ومن هسه عليه التمت الخيل  يالقصدك تريده .. وصلوها الحميده  سلملي اعله زينب والصواوين  ~~~ بتك لو درت بالكاتبه تموت  وهي واهس رقيتنه الزغيره  حجيك حار جنك ميت ابساع  طحت من القصر طيحت عشيره يا واهس حياة حسين والماي  يا ضحكة العباس الجبيره  بين الخيمه و

  ليالي : شهر محرم الحرام 1444 هــ القصيدة : شريعة الدمع اداء : مرتضى حرب كلمات : الشاعر عباس كريم المكان : موكب علي السجاد - العراق - بغداد بذاك الضعن من حملو من ام البنين استحو ياهو اليگلها ما تروحين احتار الگمر واحتار الحسين من ام البنين استحو چانو يحملون ويشوفونها منين مادارو تدير عيونها اصعب موادع وداع الامهات بيا گلب لو راحو يخلونها ضلت تباوع ما حچت وبچت ضعنهم من بچت وعن الضعن مادارت العين احتار الگمر واحتار الحسين تكسر الخاطر بقت تبرالهم وهمه هم يكسر الخاطر حالهم ما حچت بس هيه عرفت ما يجون من خذو بالضعن حتى دلالهم لو ما لگو لامهم عذر بيش الخواطر تنجبر شنهي العذر للموت ماشين احتار الگمر واحتار الحسين التبچي امه گبال عينه يشوفها شلون يرحل للسفر ويعوفها شما بعد من يلتفت لازم يعود يشم حضن امه ويبوس چفوفها لهذا السبب رد الگمر يباوع عليها ماگدر گللها يمه لا تونين احتار الگمر واحتار الحسين من مشو ذبت وراهم روحها وعطلت ممشه النياگ بنوحها ياللي شديتو المحامل للوداع ضلت امكم ياهز شد جروحها عليها التفت كل الضعن چنهم وطن فارگ وطن ذبت وراهم تعب السنين احتار الگمر واحتار الحسين ودعتهم طفله طف

  ليلة 4 شهر محرم الحرام 1444 هـ قصيدة: هونك عليها أداء: الحاج باسم الكربلائي كلمات: الشاعر علي السقاي المكان: قاعة بغداد الكبرى - العزاء المركزي للسيد الحكيم http://www.bk-media.net

ليلة العاشر محمد باقر قحطان علي حسين البحراني  هالليله زينب عند ابو اليمه زينب تودع حسين.. وحسين يوصيها ياخويه صعبه ليلة العاشر زينب امس ما هي مثل باجر ضمني كبل ما يضمك الحافر رايح يانور العين..  واختك تخليها زينب تودع حسين وحسين يوصيها ياخويه لا صبحنه هالليله بسهم المثلث راكع اتشيله وشبيدي لا جن كلة الحيله  لو بيدي والله الروح. دونك افديها زينب تودع حسين.. وحسين يوصيها ياخويه لا شفتك في هالحاله مرمي جسد متكطعه اوصاله يضحك شمر ودموعي هماله والشيبه فوك ارماح بيده يعليها زينب تودع حسين.. وحسين يوصيها  خويه العجب عالتوكع اجفوفه امشي بعدكم وآنه مجتوفه خويه الوعد بالشام والكوفه بس جثتك ياحسين منهو يواريها زينب تودع حسين.. وحسين يوصيها   اداء | #محمد_باقر_قحطان | الشاعر | علي حسين البحراني | الحان | صالح المؤمن | توزيع | حسام يسري | الهندسة الصوتية | محمد الخنيزي | مدير التصوير | محمد طالب | الاضاءة | سعد سلمان | مخطوطة | حسين مقيم | مونتاج وتصحيح الوان | ايمن احمد | الاشراف العام | خالد البراك | اخراج | حارث العكيلي | انتاج | قناتي العقيلة وام البنين عليهما السلام |

  اجه ودگ حايط الخوه وتسرفن راعي المروه گله حسين أريدك گله بالخدمه گله نروحلك فدوه رگبتي الوگفتك تچوه كفال الفواطم زلمه ابن زلمه —————— ١ ياعباس المعتّب أريد تروحلي الزينب تگلها الكربلا نمشي واحنه وياها ماتتعب يعباس وتدگ صدرك وزينب تعرف بقدرك تكفلها وتدللها ولو چان الثمن عمرك روح الها انته طمنها اطلعي وانه الچ كافل تدري تحطها بعيونك وانت الفارس الكامل گله طلابتك تسوه وخوك يروحلك فدوه گله اشجع الوادم زلمه ابن زلمه ———————— ٢ مشه وحسين ينتظره وبده بتسبيحة الزهره عيون حسين تبراله لحد ماخلصت النضره وقبل ليگلها عالسفره گالتله انه متحضره گلها حسين گالتله من عمري على عمره اعرفچ بت علي بگلبچ يجري دم بني هاشم الحنينه الغاليه الطيبه الوديعه تعرفچ الوادم وجو لحسين شافاهم بضحكة وبچي تلگاهم وصاح حسين شوفتكم صدگ نعمه ————————— ٣ طلعت والسمه مدنگه ورفت راية الفرگه مو مشيتها لا عباس نضره زينب تخنگه طلعت والدمع شاهد واحد غمض الواحد يم زينب حرام الشوف زينب بالضعن قائد ياهو اليوگف بوجهچ ونتي حسين عنوانچ علي واگف بيوم الطف بذو الفقار والسانچ لف بصايته المحمل وگال حسين نتوكل بني هاشم بفرد حزام متحزمه ————

  وليدي سامحني وعلي لا گلبك يعاتب شبيدي يايمه وزماني اويه الفرح ناشب دمك الحاضر ياويلي ودمعي الغايب آه يالولد آه يالولد آه يالولد...جسام  تترمل وعدها ابن.. تصبر على رباه وتـﭼن تانيتك بحلم العرس.. ونبدل اثياب الحزن آه يالولد آه يالولد آه يالولد...جسام  كبرت غلاتك باليتم.. مابدله ظفرك بالنجم مو شاب أنا مربيه حلم..خاطر يتيم وفرحته.. ابجي فرح من تبتسم وين اودي احلام روحي العايشتها  ويه الزمن داري من دونك غريبه شلون واحنه بلا وطن الهاضمتني العنده مثلك بالكرم معروف ابو مو بهيمه يصير عرسه عگب ديوان الحسن آه يالولد آه يالولد آه يالولد...جسام  جان امنيتي اعيش اليوم ماشوفك تمر عليه وگايد ابنك يمه بجفوفك ليش ماكمل شبابك ليه معروفك آه يالولد آه يالولد آه يالولد...جسام  تبسملي فدوه لوجنتك.. مشتاگه آنه اسمع ضحكتك لا ياحبيبي فدوه الك.. آنه وسنيني الربتك آه يالولد آه يالولد آه يالولد... جسام  جم لحظه ويحل الفجر.. لا تغفه ياروحي انتظر ارداصفن بعينك عمر..وحدنه والخيمه انجوت وداع الابن للام جمر لخاطري البس ثوب عرسك.. ساعه وحده وبس الك صوره اضمنها بعيوني.. وهذا حلمي العشته لك واشمر الياس امن ادينك واللزم

  لمن يجي شهر البكاء استاذن اصحاب العزاء باسم الماسي والمحن.. يبن الحسن  هاي اول ليله تبدي.. بيها ايام الرزيه آه من شهر المحرم.. حسرته شمسويه بيه لجن من فرض التادب.. اعقد الاحزان نيه استاذن المهدي واطلبه.. اعيونه دوم تصد اليه يالعندك الكن فيكون.. ارزقني دمعات العيون بدموع عيناي الجرن.. استاذنك يابن الحسن  ********** حجة الله اعله الخليقه سيدي عالحسيني بس محرم يختلف انت صاحب هالمجالس سيدي وارزقنه نظره وفق اليهمل دموعه ويلطم بجفينه صدره يالتذرف ادموعك دموم.. زيد على احزاني هموم عالجسمه باقي بلا كفن.. استأذنك يابن الحسن  ******* سيدي زيد مصابي.. خلي موتي بهالمصيبه والجرى اعله حسين جدي.. بالقلب يسعر لهيبه رايد ابجي لقطع نحره.. وشيبته البالدم خضيبه واسرح بعالم مصابي.. وانظر الجثه السليبه علمني يالمهدي اون.. عيش وسط روحي الحزن عاللي عضامه اترضرضن.. استاذنك يابن الحسن  *********** جاهل بهاي المصيبه.. وجزء منها ما عرفته سيدي يالمهدي.         كلشي بعينك نظرته من حمل جدك رضيعه.. يابس من العطش شفته راد شربه يروي طفله.. رجع والسهم برقبته هالموقف بعقلي يفوت.. واتمنه يالمهدي اموت طير ورجع جنة عدن..

  [ على ذلك نحيا ونموت ] الشيخ حسين الأكرف كلمات: رضا درويش ليلة 2 محرم 1444هـ الحسينية البحرانية - قم المقدس

  اعشك مثل متريد | محمد الحلفي |  مجالس محرم 1444هـ2022مـ كلمات الشيخ ميثم التمار اعشك مثل ماتريد.. عشكك عشك خسران كبلك عشكنه هواي.. محد طلع ربحان عالمصلحه والجاه.. حب دنيه مو لله استنكي التحبه زين.. مو تحب ياهو الجان اسألني شكد جربتهم واغدروا بيه أسألني حلوه الوجوه ودغش بالنيه مليت من كثر الوفه التعبني مليت من كلبي العليهم ذبني ما تلكه صدك مثل ابو اليمه عاشك وقدم للعشك دمه  كون اليحب انسان.. موبس حجي بلسان  كلمة احبك كون..دم تجري بالشريان اللي يحب حسين.. بس هذا حب ربحان وشيقدم لهالحب.. لا والله ما خسران امشيله.. طعم المحنه تذوقه بالحضره امشيله.. هناك تشتم ريحة الزهره مفتوح بابه بكل وكت لاحبابه مايوم كلف واحد ودك بابه خسران كلمن عاشره بوجهين يحب روحه ويكول انه احب حسين خدام الك ياحسين لوردت اعددهم مثل النجم واكثر ياربي زيدهم من مرتضى لعمار وقحطان صاحبهم مشتاكه كل الناس تسمع قصايدهم مشتاكه لصوتك ياباسم يادوه روحي مشتاكه وبعيد الدرب روحي لفاقد ومسلم ولحناجرهم مالك وحيدر ولمشاعرهم ثكيله جروحي خادمكم أنا الحلفي الفتلاوي صوت وللجرح يشفي  ياهل المواكب ها بالخدمه لا تقصرون تحضركم الزهره تفرح

  سلام حاتم العبد الله  سلام على كل قطرة دماء على موقف كربلاء بالبدايه وبالختام  مني سلام سلام على كل دمعه اعله عين على اسمك ياحسين هاك اخذ باسم الغرام ..مني سلام لان انت الوطن.. احبك بالعلن..يمر بيه الزمن واسمك يعيش وياي اذا ما اذكرك.. واعيش بعاشرك.. شجاوب منحرك من استلذ بالماي انت حلمي او واقعي.. بالوعي وبلا وعي عايش بأذني النعي.. وابجي على مصابك حبيبي ياحسين.. نور عيني ياحسين عايش الدنيا بشعار.. أنا لا انسى الحسين حبيبي ياحسين.. نور عيني ياحسين عمري لو مهما بطول.. أنا لا انسى الحسين سلام عالقيم والتضحيات..قلبك شقد بيه ثبات يالتلقيت السهام.. مني سلام سلام قلبك الكل بيه نصيب.. من رضيعك لي حبيب علمتني الاحترام.. مني سلام عشت يومك عمر يامعناة الصبر عرفنه الينتصر.. راسه يظل مرفوع اطلبك امنيه ..واردد ادعيه عيوني الجاريه.. ماتنشف امن دموع  الماكو انته بعالمه.. اليغضب الله وفاطمه يالوجودك مرحمه.. اقبلني يم بابك حبيبي ياحسين.. نور عيني ياحسين عايش الدنيا بشعار.. أنا لا انسى الحسين حبيبي ياحسين.. نور عيني ياحسين عمري لو مهما بطول.. أنا لا انسى الحسين كلمات الشاعر مهدي بارون