ياصاحبي المثلك ولا حصلت تضحك لربعك وانته كلك حزن شما ابتعد عنك احس مو وفي ويعرضن عيون(ابو صكير) واحن بوجوه ربعك واضحه محبتك وروح القرنفل من تحطه بقطن ياصاحبي الجنك حجي امي الصبح روحي ويه روحك مثل جفن وجفن على المتن هيبه الرتب يسطرن وسطرت وكفاتك رتب عالمتن وفاي كلبك مثل كاع النجف للزين والموزين فاتح حضن تشبهني حته بضحكتي المو صدك يعرف جروح الطير بس الغصن من روحي شيطلعك ذنب عد غجر عالكاع من تطلع تموت السفن بلياك اصيرن سالفه بلاطعم مثل الشعر من ينحجي بلا وزن حساس ويحرك احساسي النغم ومن حزنك اخذ واحط فوق اللحن وداعة الجان يطكني لو ازعلك فرحان بس تعرفها كلش فطن قصيدة :ياصاحبي شعر والقاء: مرتضى حرب