جذاب مارايد تحب بس رايد تأذيني والمشكله ادمنتك بعد مثل الجگاره ارتاح وتأذيني يالجنت احبك من صدگ هسه انته ماتعنيني هوه انته مثل الوطن انطيك كلشي بلا عقل بس انته ماتنطيني خليتني مثل الصدگ ينزعل عاليحجيني خليتني اصبع ندم معضوض. وانا الموسبب باللوم مايجزيني توهه الجگاره تورثت خليتني اصفن وانتبه بالگطف من يجويني اتمنه ارجع من جنت ماريدك تلاگيني اتمنه احبك يابشر من دون ماتاذيني وتكتلني وآنه ابلا عقل واشتاگلك مثل الطفل جن انته المربيني ورخصت كلشي الجيتك حسبالي التغنيني وتتونس انته من احترگ وعطابي لمن يوصلك تبتسم وتطفيني وكل هذا وآنه اشتاگلك وكل هذا وآنه اتلهفك وكل هذا وآنه اتذكرك ﭼـا گلي شينسيني كل مره حالف ابتعد بس هوه گلبي يفز الك لوشافك تحاﭼـيني فك عني ماريدك بعد يالـﭼـنت كلشي بعيني يالتيهتني ومن ضعت ظليت ادور ويني فك عني يادين الگلب خليني افكن ديني مرات اشوفنه تعب بس هوه المحليني فك عني يالكلك وهم ياطيف المتعبيني كلمات الشاعر حسين جبار هستوني يلا اتاكدت | الشاعر مخلد القاسم | برنامج اشتاكلي مع رائد ابو فتيان