📜قصيدة : على محمد واويلاه 🎤الرادود : باسم الكربلائي 🖋الشاعر : ناظم الحاشي ~ على محمد واويلاه .. على محمد واويلاه ~ هليله حيدر دمعته تسيل عنه محمد قرر ايشيل بلموت كون يصير تبديل عاف الحياه ومات وياه ~~~~ اذن الموتك صوت الاذان قرأن راح وباقي قرأن والزهره نصبت بيت الاحزان والمثلك نته شلون تنساه ~~~~ غابت شمس رب السماوات سمعت محمد عالارض مات هيهات مثله يصير هيهات رب العرش من نور سواه ~~~ والزهره صاحت ياضوه العين بويه المنيه جتك منين بعدك يغالي الحسن وحسين اسود عليهم يوم فرگاه ~~~ هليله گلب حسين مجروح من جسمه تطلع رادت الروح من بعد جده يموت مذبوح واملاك رب الكون تنعاه ~~~~ والله الزمن بلناصبي يدور مشايه لازم نعتني نزور يمك نقيمم احزان عاشور ونصيحلك دربك مشيناه ~~~~ اوصلك ورايت علي وياي شيعي واغيض اعداك واعداي وياي يمشي المهدي مشاي كلما ادير الوجه الكاه °°°°°°°°°°°°°°°°°°°°°°°°°°°°°° °°°°°°°°°° شهادة الرسول الأعظم - ليلة 29 صفر 1439 هـ قصيدة: على محمد وا ويلاه أداء: الحاج باسم الكربلائي كلمات: الشاعر ناظم الحاشي المكان: مسجد آل ياسين - ممثلية المرجعية الدينية