مدونة كووولشي وكلاشي عراق

📜: إن يوم الحسين  📜: زين العابدين المرياني  📆: ليلة 2 محرم 1444 🕌: قاعة بغداد الكبرى - مكتب السيد الحكيم  إنَّ يومَ الحُسينْ أقرحَ جفوننا ▪️▪️▪️▪️▪️ أوّل احزان المُصيبه دمعه من جدّه گلّه جبرائيل يبقه ابْكربله وَحْده اوعلي چم موقف يخلّي دمعته ابخدّه يعرف ابنه ايْصير جمره امْن العطش چبده قَبْلَ يَومِ الطُّفُوفْ أُحرِقَتْ قُلُوبَنا ▪️▪️▪️▪️▪️ چان بيت احزان فاطم يبچي للمنحر امْن البچي تشهگ الزّهره والجِفَن مِجْمَر عن خصوصيّة مُصابه المجتبى خَبَّر ايْگلّه لا يومَ كيومك يا أبو الأكبر فَمُصابُ الغَرِيبْ أَدمَعَ عُيُونَنا ▪️▪️▪️▪️▪️ علي السَّجاد المماته عايش اللّوعه الماي لو رايد يشربه ايْمزجه بدْموعه الباقر احْسين اومُصابه چان موضوعه لأن شاف الأعوجيّه كسرت اضلوعه فَلِكَسْرِ الضُّلَوع إِنْحنَتْ ضُلُوعُنا ▪️▪️▪️▪️▪️ جعفر الصَّادِق ينادي اوبالگلُب لچمه والجزع مكروه إلّه الذبْح ابو اليمّه اوموسى ابِن جعفر ينوحه اوللبچي عزمه تغلِب اعليْهِ الكآبه اويفگد البسمه ولَهُ لا يَزالْ قائِمٌ عَزَاؤنا ▪️▪️▪️▪️▪️ والرِّضا داره جعلها كالحُسينيّه يدعي دِعْبِل يقره أبْـياته الرِّثائيّه والجواد اشعر عزائه امْ

  📜قصيدة: هيبة اشمحلاته 🎤أداء: هاشم الساعدي 🖋كلمات: زين العابدين المرياني ~ عباس الهيبه  ~~ ابا الفضل كمر نزل هيبة اشمحلاته لوه الرمح مثل لوه رفت ريشاته نزل غضب مثل علي او فزعة صولاته  بطل وصل لكه النهر اسهل من خيبر ضحك هتف علي مدد مستسهل سيطر  جزء شرد جزء لبد من ذاك العسكر                  عباس الهيبه  اجه عليها وكصه بيها حصاد الطف وصل  امن ابو الغيره بقت حيره بعد ماببها حل غضب توه زعل هوه حلاته لو زعل             ابخطواته هزاها الحومه   ~~~ كلف سبع وابن سبع حيل الله ونازل  اله كفو بعد كفو عباس الكافل نطه اله العلم علي زلمه ويستاهل  درت حرب بعد حرب حلوات اعلومه اسد هله والف هله صاحتله الحومه رفع خسف وكف لزم حد الملزومه                  عباس الهيبه تعابيره وفه وغيره واله يلوك العلو  ابو الكلفه هله ابجفه ابن المعدل كفو  حلو اعناده زعل ساده منو ايوكفه منو          ريشاته من غيضه اشتعلن ~~~ عزم حزم مثل بدر وحده اتلثميه ثكل كسر كفه المهر ابن البدويه لون صعد

  القصيدة مشايه لاجلك فزعنه اداء باسم الكربلائي كلمات زين العابدين المرياني ـــــــــــــــــــــــــــــــــــــــــــــ  مشايه لاجلك فزعنه.. مشايه دربك جمعنه  نتباوع بمشينه بدربك عجايب وبهيئة المخيم شفنه المواكب واليخدم اليزورك بعيونه كاتب كون انفض اعله روحي منكم متاعب مشايه يشتد عزمنه.. مشايه واسمك يلمنه  مشايه يا بو الاكبر من كل مدينه تتسارع شما تثگل هاي السفينه نتأمل برأفتك وعطفك علينه حزمنه نخدم اكثر مدينه ادينه مشايه محله دربنه.. مشايه لا ماتعبنه  مثل النهر مشينه فايض مشاعر والضفّه بس مواكب يروّيها زاير صدگني لو بدينه ننطي المناحر لو عالاقل نخفّف من الحوافر مشايه نشعر ظروفك.. مشايه ظامي بطفوفك  عن ياتعب نسولف وبدربك احنه يشتد عزمنه اكثر كل ما تعبنه والغربه كل مسافه لا ماتمرنه ياموكب الندخله جن بيت اهلنه مشايه ما لحظه نتعب.. مشايه حزمتنه زينب  كل موكب بطريقك نشعر حنينك طول المسافه نعرف تحرسنه عينك يگضي وتظل تناطر كل زائرينك تحسب لعام الآخر يوم اربعينك مشايه هالخدمه تسوه.. مشايه راحتنه فدوه  كل موسم يتزايد اكثر عددنه بالتضحيه لطريقك ننطي بعدنه من نوصل لضريحك نشكر حشدنه خط كربله تر

 موبديه اخرتني الدهور  ياحسافه مادركت النحور منك اخجل سيدي من ازور  عوگاني دهري..ماضحي نحري وآنه بالخدامه.. رايد افني عمري  ضامي وتنازع آ ياحسرتي من دم اريدن تنزل دمعتي حتى اموت بهول امصيبتي  ارزقني لوعه.. كل مساء وصباح انطيني لجمه.. ما اريد استراح وابشعوري ابجي وبلا شعور *********  منهتك خبائك.. مرمل بدمائك فشله جسمي صاحي.. يطبها كربلائك  جسمك على ارمال الطف انفرش مثلك اريد الموت من العطش وعالغبره ابقى كون بلانعش  مااوفي.. بنصرتك بالعزاء مايكفي.. لا لطم لا بكاء ما اجازي ويبقى دمي يفور  ************  بالاسف جوابي.. مقتلك مصابي موتي ريته لوعه.. او غصة اكتئابي  خليني عايش كل عمري بجزع وبگلبي خلي شما گلبك جرع الاصغر جروحك عيشني بوجع  ماكو راحه.. وانت خدك تريب ماكو راحه.. وانت شيبك خضيب بس امل ظل انصرك بالظهور  كلمات الشاعر زين العابدين المرياني

  عمرك صبي علمك نبي محمد الجواد مر الخليفه وانذهل لحضتها هربو ا جم صبي بس انته كنت بهيأتك وقفة وصي بهيبة نبي يسمع فصاحة كلمتك خلت افكاره تنسبي هاي الرزانه اليانسب جاوبته آنه الطالبي والطاغيه والحاشيه مستغربه المراد عمرك صبي علمك نبي محمد الجواد ***************** حقهم لون يابن الرضا كل شخص بيهم ينذهل بالاعلميه الكامله بس بالعمر عمرك طفل تتبين اكثر معجزه بالصعبه كلما تنسأل ضم راسه ابن اكثم لمن شفاك ميزان العدل حجيك ذهب دربك وجب بوابة العباد عمرك صبي علمك نبي محمد الجواد ************** قاضي القضاة ومجلسه ظل من كلامك مرتبك قران ناطق عالارض بيك البلاغه والسبك مذلول دنك من سأل كلمن بعلميتك يشك واصبح مثل خادم الك حتى الملك ماجن ملك من هيبتك ولنصرتك رب العرش اراد عمرك صبي علمك نبي محمد الجــواد ************* ينعقد جم مجلس الك جان ابمواضع تختلف جفت جميع الاسأله بس انت علمك مايجف عجزوا وقالو ننسحب عد المجالس صار الف بيك العلم والمعرفه اصبح عدوك يعترف اهل الفتن طول الزمن صاروا مثل رماد عمرك صبي علمك نبي محمد الجــواد *************** خطت بني العباس الك عدة سياسات وظلم