مدونة كووولشي وكلاشي عراق

  نرفع هالرايه..بدربك مشايه بعهد الوفايه ..نهوسلك هايه يالبحزامك الحيل انشد يالبحزامك الحيل انشد نمشي ونتعنه...ومن تستقبلنه هيج اتصورنه...چن اتگول النه المشاية گواهم الله المشاية گواهم الله لبينا النداء وكلنا زوار يبن المرتضى سمعا وطاعه من ذاك اربعين الراح لليوم نحسب لاربعينك ساعه ساعه وغلاة اسمك...وحگ دمك وغلاة اسمك...وحگ دمك نحسب لاربعينك ساعه ساعه --------------- من درب المشي لحد بابك احنه نريد ننقُلك صور وتشوفهه عيونك على طول الدرب مد المواكب صار وتدري بناسك انته شگد يحبونك هنا طفله توزع ماي لليمشون هناك تشوف شايب باليخدمونك هو العنده مثلك بعد شيريد قليل شما مشه وتعب الرجلين مرات الگلَب من وحده يشتاگ نبضه تقول احب وٌنِبضه الحسين وضلع امك..وحگ دمك وضلع امك..وحگ دمك نحسب لاربعينك ساعه ساعه ------------- من باقي الصور شفنا يماي العين كراماتك بفضل الباري موجوده من كرسي العجز شاب بعمر عشرين على طوله وقف ماضاع مجهوده بجينه من القلب من شفنا امه وياه عبايتهه بعلم عباس معقوده بصلاة على النبي وال النبي الصوت ارتفع والناس فزعت تاخذ مراد عن سر هالكرامة شجاوب الشاب قلهم اني خادم لابو السجاد يجي

بس خدمتك رفعة راس والباقي ذله بذله ياحسين يالخدمتك اكبر نعمه ادعي الله لا يحرمني من هالخدمه بيها الفخر والتاريخ والمجد بيها تجله  يارحمة الله ومحله هاي الرحمه ياحسين يالخدمتك اكبر خدمه نعم المجد والفخر يابو الاحرار لولاك لا دين استقام ولا صار يالعبدت باالدم طريق الثوار كلمن يخدمك باخلاص درب الظفر يندله  موبس شهر عاشور يابن النورين كلما يمر اسمك يهل دمع العين مثلك فلا موجود مولاي حسين خصمك يدفنه التاريخ ومرقدك يعله ويعله بس خدمتك يابن الولي رفعة راس وخدمة الساقي اعني اخوك العباس يتفاخر الخادم ملك بين الناس والخدمه متحدها حدود واجب الصام وصله  كلش قليل ان جان ابجيها ادموع وانعي بحسرتي النحر منك مكطوع ماشي اعله دربك وكت جان الممنوع منذور عمري وياريت بهذا النذر تقبله والمافهم خل ينظر اعله الاجيال جم سنه وبعده العهد باقي ومازال يابن الزجيه اعليك عاقدها آمال تقبلني خادم ياريت عني فلا تتخله  كلمات الشاعر عمار هليل الواسطي ليلة 1 شهر محرم الحرام 1444 هـ قصيدة: بس خدمتك أداء: الحاج باسم الكربلائي كلمات: الشاعر عمار هليل الواسطي المكان: قاعة بغداد الكبرى - العزاء المركزي للسيد الحكيم