📜قصيدة: يمحزم 🎤أداء: حسين الجنامي 🖋كلمات: حمزه السماوي ~ يمحزم على الكلفه جنك علي ونازل خلي الجيش فوك الجيش ارفع راس ابو فاضل يمحزم على الكلفه يمحزم على الكلفه ~ يا كشخة صلاة الليل سيفك لو حشر لازم سيفك صام عن الروس لازم يفطر الصايم فوك الزلم شفت الخيل بس كالو علي قادم حتى اليشرد من الخوف كام بخزرته يجتفه ~~~ بحيلك طالع عله الموت قائد من ضهر قاده صارت هوسه واختاضو شيرضيهم الساده هذا يوم مو كل يوم يوم حسين واولاده ركضو كلهم عله الموت كلهم يلتقي بحتفه ~~~~ يالمهرك سفينة نوح سيفك بالضرب يجدح مو عالقبله يامولاي عله الخيمه صرت تذبح يموت اليوكف كبالك ماعندك ابد تجرح هذا الهاشم من الله يوجع من يطك جفه ~~~ يالاكبر زغيره عليك من الطف تضل اكبر يمسوي ازدحام الروس حيدر انت من حيدر يمبجي الزلم ارواح جيش وبالمشي يعثر شبيه الكاع حتى الكاع بيهه من علي رجفه ~~~ ماعاش اليجي لحسين واليوصله يتندم طاحو عشره من الجيش وهوه ستوه يتقدم بجفية علي الكرار شفت الأكبر اتحزم لو ياخذ عشرتالاف هم يكول ماكفه °°°°°°°°°°°°°°°°°°°°°°°°°°°°°°°°°°°°°°°°°°°