من اشتاكلك صفت ضلوعي تطيح وتغندب الدنيه والسواد يحل اليمر ويشوفني يلكاني بس خيال من نبرة كلامي يعرف فاكد خل بطرف خنصر اليسره جنت الاوي الكـون من اختاظ عن دربي العذيبي يزل هسه هم يزل لاجن عطف مو خوف اكسر خاطر النسمات من اجبل الهوى من يمر يمي اتراجف وما طيح عني يدير وجه يدري ما احمل خاف اطكني نسمه وتخل بيه عظام النسمه من تطكني الاطراف تشل تعال اعليك راسي لبس ثوب احرام لكن بالطواف الجدم مني يجل وكفت آنه بمنى وشمرت سبع جروح رجم شيطان هجرك بالجرح يكتل اجيك بروح عاجر من تهز كاروك وحسرة عينها ماتنسمع ياكسرة خاطري من اشم ريح فراك من طاري المناجل يزعل السنبل بملامح وجهي بين شيلة التابوت سواجي من الجثل لشفاي من ينزل الدمع وكبالهم اضحك ضحك مختاض تدري الضحك الاصفر بالجذب يكتل