مدونة كووولشي وكلاشي عراق

  قصيدة ناعية الحداد للشاعر غازي الحداد رحم الله بأداء الرادود السيد عصام الهاشمي محرم 1444هـ عاشوراء ناعِية الحدّاد السيد عصام الهاشمي كلمات الأستاذ غازي الحداد "رحمه الله"  ماطلّت ياخويه عيونك.. بس نسمع صهلة ميمونك ماتنهض هجموا اعله ظعونك ياخويه حسين طايح وين.. لمشيلك على قلبي على شوفك تهون دماي.. ويهون بسوطهم ضربي وخل تروح مني الروح.. وتزفر علي دربي وانادي دمعتي روي.. حشاه من الظما وصبي اخويه من الظما لهفان.. اخافن ينذبح عطشان دقوموا وياي يانسوان.. عليه نطوف ونلبي واوصيكم قبل منروح.. اخويه بالقلب مجروح ياسكنه لا تزيدي النوح.. على المظلوم لا تعتبي ياريت اختك فدا دونك.. ولا تشوفك يذبحونك واهي موذع واصد وارجع.. على صوتك والمخيم واشوف الناهبه بعيني.. حريم بسوط تتألم وناربقلبي تشب زود.. من نار الخيم بالهم وحيده ووين اصك راسي.. ووين اللتجي واللتم نصيبي وبختي وسهيمي.. اهيم بحسرتي وهيمي ادور بذلتي وضيمي.. بلا رجوة ولي يرحم واشوفك منهدم عزمك.. ومن ظهرك طلع سهمك اتخضب شيبك بدمك.. ولا ينوصف نزف الدم ياخويه ومنخطف لونك.. وبان العطش بعيونك  **************  عيون عداك يامظلوم.. بعدك قرت