مدونة كووولشي وكلاشي عراق

  المهم هسه اعرفت قصتي اثاري انته ولا عندك ونس غيري مثل دود المقابر تاكل بجثتي ولو هسه آنه ميت بعد بيش تفيد وبعد يعتبر اكلك موش من حصتي ياساعه ابمخزن ومالك حجي مضبوط المفروض الخطوط العوجه موش اخطوط بعد منحبك لروحك و بعد منحب اذا منحط عليك شروط وطلع اليروط موخالي جسم الحيه مسموم ويظل يروط وطردنا اعيونهم باسمك لتكيف اذا شفت الاسم عالباب مومخطوط

  بضياع انته وحياة آني اول تالي بيه انته شما دوروا يلكونك وظل يمهم فلا اعاتب على الجيه وظل عازتي عازه فلا واحد يكلك بيهم شلونك ومثل لزكة الخبزه اعله التنانير اخرتك يشلعونك زي مدرسه ايامك يوم يشبه يوم . بس انته ولا دارس كتلك حرس صير ابيتي وانه وياك ماحسستك انته زغير ما كتلك انا الفارس مامر يوم عالحاجيه كالو باكك الحارس عوج ماتنعدل لو مو اصير فياي طرف منشار شيجرك عدل وياي وكتلك ماي انته وهم غلطت ابهاي بشوطة كهربا واكع اموت بماي وكثرن هالمواقف ما مصلحهن والاعتذر متلمهن رذاذ ابخور اخلص عمري اعلم بيك وشمحصل الطبشور ماتنطوي  لشي ينفع دومك تنطوي لنارك ظهر تنور ولا ريدك جزت منك وبيدي الشور انته اتدلي متشافي قطع دكتور اعثر مني واكبالي فلا تسمعها الاسم الله واذا اني اجرحت كلبك يعني الله يعاقبني اكو احله من عقاب الله وخل اكلك شنهي غثني وتدري ليش عيوني جزت وكلب منك حيل جايز لأن ماجنت آنه اعوفك جنت كل عصريه  يمك مثل كعدات العجايز خفيت اسراري بس يمك كون تصون حتى اعليه تخفيهـا وانت انسيت جنسيتك مثل مضيع السوك ماخليت صفحه مامراويها وين تروح من عندي لتفكر خفت منك تراها اسرارك بس