📜قصيدة: هيبة اشمحلاته
🎤أداء: هاشم الساعدي
🖋كلمات: زين العابدين المرياني
~
عباس الهيبه
~~
ابا الفضل كمر نزل هيبة اشمحلاته
لوه الرمح مثل لوه رفت ريشاته
نزل غضب مثل علي او فزعة صولاته
بطل وصل لكه النهر اسهل من خيبر
ضحك هتف علي مدد مستسهل سيطر
جزء شرد جزء لبد من ذاك العسكر
عباس الهيبه
اجه عليها وكصه بيها حصاد الطف وصل
امن ابو الغيره بقت حيره بعد ماببها حل
غضب توه زعل هوه حلاته لو زعل
ابخطواته هزاها الحومه
~~~
كلف سبع وابن سبع حيل الله ونازل
اله كفو بعد كفو عباس الكافل
نطه اله العلم علي زلمه ويستاهل
درت حرب بعد حرب حلوات اعلومه
اسد هله والف هله صاحتله الحومه
رفع خسف وكف لزم حد الملزومه
عباس الهيبه
تعابيره وفه وغيره واله يلوك العلو
ابو الكلفه هله ابجفه ابن المعدل كفو
حلو اعناده زعل ساده منو ايوكفه منو
ريشاته من غيضه اشتعلن
~~~
عزم حزم مثل بدر وحده اتلثميه
ثكل كسر كفه المهر ابن البدويه
لون صعد على الجبل يهدم عاليه
شنو الضمه الكمر بحر طر كلب الهيمه
شنو النهر واهو يكض بجفوفه الغيمه
يهد رعد يحط طبك جيمه اعله الجيمه
عباس الهيبه
شنو تضمه واهن يمه حراير فاطمه
الخيم فرضه فلا يرضه نسولف بالضمه
على احسينه بقت عينه اوعليه عين السمه
بجدامه ضل يسحك بيهم
~~~
الخصم ذكر لمن سطر حمزه وسطراته
علي ندب اعد اعد باوع ضرباته
الشمر لبد وابن سعد طاحن دمعاته
كسر زلم شمر زلم لبواب جهنم
ابا الفضل مطر جثث بالطف من غيم
عبر سحك بقه الرمل متنكع بالدم
عباس الهيبه
الزلم صيده على البيده صكر ضل يلتفت
اجه عليها فتك بيها كضه الطف من وكت
ابو الشاره اجه بناره لما صارو خفت
والغيره بي نار اشتعلت
°°°°°°°°°°°°°°°°°°°°°°°°°°°°°°°°°°°°°°°°°°°
[هيبه شمحلاته] أداء : الرادود هاشم الساعدي كلمات : الشاعر زين العابدين المرياني عزاء الطفوف - كربلاء - الابراهيميه ليالي العشرة الثانية من محرم الحرام - ١٤٤٤هـ
تعليقات
إرسال تعليق