١/حيهم يجرحي لا تنسه حزني ولا يغفه جفني ولا تمل
عيش بضميري صاحب مصيبة ظعن الغريبة على الهزل
دار الزمان وصارت سبية من الغاضرية للحبل
لا تبرد يجرح سالفة تريد
لطم ليل و نهار على الخرايب
خلص عاشور بس ما خلص النوح
اجاك الشام حفنه جروح جايب
ماريد على الخدمة نسبق
بس للبواچى ابقى انطلب
يا جرحي حرقني و احترق
اخت القمر بين الغرب
مدري شلون وصارت صدق
عرفو اسمها بالدرب
يالوعت ألمها
والفرگه شيلمها
لو ما كربلا چان
محّد گال اسمها
*******
٢/تعلم يجرحي خاف انت ناسي دين المواسي بفطرته
كل من نصيبة من المصيبة هو و إمامه و دمعته
ابچي لخوته وخدر ونشامة وطيحت خيامة وغربته
لما ممكن يجرحي بكربلا شلون
الماي يصير غالي ويرخص حسين
ثلاث ايام بالبر وليمرون
محد قال هذا الطايح منين
كون الليلة دموعي تهلي
اكثر من دموع الامس
روح الزهرة ومهجة علي
بين الحوافر والشمس
والعناگة يريد انولي
يصيحن ولاچن ماكو حس
كلشي لخدمته يهون
فده كل اهلي يرحون
بس مصاب الحسين
يبقى بنص العيون
***
٣/كلفه المصيبة ويا دمعة تشفي ويا حسره تكفي ويا الم
شحال الغريبة راحت اخوها من طلعوها من الخيام
على غبرة عاري ما گلها ضامي ظل يشكي لخته من السهم
كسرني يا جرح ظعن الله مكسور
وخلص شوغات گلب ام المصايب
طلعت لسبي وثار اليسر فات
وربيبات الشرف صارن غرايب
هذا الشام ودرب اليسر
ما ارضى تبرد يا جرح
ناقة وشوغة بباب القصر
وراس الكفلهن على الرمح
ومنين يجبلهن ستر
واهل الستر خلصوا ذبح
راحن والسبي بعيد
وخوف يرجف الأيد
الستر واهل الستر وين
گلي الدمعة شتفيد
*******
٤/حيهم يجرحي والد رقية ظل على الوطيه بلا چفن
سلبوا عباته وظلن خواته لا حامي خيمة ولا وطن
ذبحوا وليهن چتفوا ايدهن فوق الهزيلة تسلبن
سبي طلگت الدنيا وجابت الشام
وگت بي چان ابو النوماس غايب
يريت الدنيا كلها تصبح گبور
ولا تگعد رقية على الترايب
موت وخوف ونار و جمر
الله اكبر كربلا
تبات الليلة الحد الفجر
فوق الهزل لمدللَه
شلون يصير بهذا العمر
تحمل رقية السلسلة
طفلة ومرمروها
ولو ناحت ولوها
قضاها مناوب النوح
هي وراس ابوها
****
٥/كلش تركته وبظهري عفت وعل خدمة وجهي ما درت
بالخدمة ديني وعلمي ويقيني لو ما المجالس ما صرت
بدموعي ذني اشعر كأني عن حب امامي تأخرت
لاتبرد يجرحي حسين عطشان
واعز مخلوقه للله بسبي اليوم
الدمعة التصنع من الطين انسان
الغيرة من الله ما ينراد تعلوم
يا جرحي الما طالع طلع
ذاك الظهر من دون اخو
خاف الشمه ولاي ورجع
ظعن الغريبة وي العدو
ياوسفه الما شاهد سمع
اليحدي بخدر هاشم منو
اليحب محبوبة لو راح
وصوته من البچى رتاح
وصاحن وحنه شنصيح
من سقف الخيم طاح
*******
*{{جروح احمد الهلباوي}}*
تعليقات
إرسال تعليق