مدونة كووولشي وكلاشي عراق

  الشاعر.. علاء عبد الحسين الكربلائي كلشي انحسب دين بدين وانت الخدم واليها فاتح مضيفك للخلگ يوميه لاهل السمه ولاهل الكره الارضيه والله ونعم ياالجابتك بدويه شما تطلب الناس اشكال ضعف الضعف تنطيها ياعيون زينب والحسن وحسينك يا الوازنت ارض وسمه بجفينك فدوه اعله عبدك سيدي حط عينك وبداعة سكينه اعليك ايدك علي خليها حامي المحامل والنعم من زودك خيري ومقامي ونعمتي من ازنودك حته النهر من يظمه يروه بجودك يا السفرتك گد الكون والخدم تاكل بيها رب العلم حامي الضعن والساقي يا ابا الفضل وقعت الك ميثاقي لو ينگطع نحري بخدمتك باقي خادم خدم خدامك بغالي الثمن شاريها ما اريد ابد عن خدمتك تبعدني بيك اكثر واكثر بعد زودني يوم الحشر يابو الفضل تكفلني خيمه وتلم بالخدام فوگ السمه معليها ما اسوه وعيونك فلس من دونك ارد انحسب مثل اللذي يخدمونك ما عوفك وصار العقل مجنونك من عالم الذر ولهان روح العشگ جازيها يعجز الف حاتم يعد بضيوفك سويني محبس سيدي بجفوفك لو انذبح هيهات ابد ما عوفك للمملكه بشوگ وطيب وسط الگلب بانيها ليلة16محرم1444هـ حسينية ام الحسن (ع) اخوة زينب(ع)_الفاو_البصرة

  يامغير عنوان الموت ومبدل قانون الذبح دم نحرك من ينزف صبح شفتك من شفتك عالرمح نبي *************1 اشوفك معاجز راح ابديهن من مصرعك اليذبحك يشاهد تتجمع كلما قطعك الملائك تنادي مو وحدك كل احنه معك تگلهم ارجعوا ربك گلك ما اروعك محبوب يغازل محبوب..انت تگله انطيك الدمه هو يگلك اخذ السمه.. القدمته لا ما قدمه نبي **********************2 عرفتك مهابه الدنيه اطيح ومطيحك بدمائك تقاتل وتخوف حتى بمذبحك يذبحك شمرهم والموت بهالموقف ضحك لأنها المنيه تحييها من تصافحك انت الماء ومن الماء كل شي حي انجعل والقاتل هو الانقتل.. نحرك مصحف والدم نزل نبي **************3 ......    ...... حروفك بعرش الخالق صارن نقش الخيول بثقلهن ما هزن من مجدك رمش داسوا صدرك ويريدون.. مايبقى من دينك اثر لكن شافوا اسمك كبر.. والخنصر صار من انبتر نبي ****************4 العقيله بأديها رفعت جسمك في كربلا تنادي الهي هذا القربان اتقبله تجاوب سمائك يازينب يا مية هلا حبيبي قبلته وانطيته الكون باكمله ياالكلشي مقدم لله.. گلك شتريد وماردت غير الله ولاجله استشهدت.. كل طعنه بجسمك جسدت نبي ***********5 الع