هَـدّة الخيل .. هَـدَّت الحَيل و آنه مِحتاره ابْيتامه اْو هَـوَّد اللّيل ! حُسين يا مظلوم .. حُسين يا مظلوم ـــــــــــــــ حرگوْا خيَمنه اِعْـلينه .. و امْن الرّعُب فرِّينه و اتْوَرِّمَـن أجدامي من كثْر الركض بالهَيمه أطفي الجمُر بَذْيالي .. لو أطفي نار اِعيالي اْو عندي عِليل ابخيمه بس مَگدَر أطُب للخيمه ! صحِت يَخْواني .. احتِرَگ صيواني و أشاگف بيدي .. ضرُب عِدواني شابحه العين .. يا هلي وين صارت ابّين الأجانِب إخت لحْسين حُسين يا مظلوم .. حُسين يا مظلوم ـــــــــــــــ هدَّت علينه الغاره .. او كلمن إجانه ابنَاره وابلا شعور امْدللّاتك طِلْعنْ ابهالصَّحره شي لاذت ابْوالِدها .. اْو شي ضيِّعَت مَگصدها و اتْطَشِّرَن بالحومه چـن سِبْحَة خَرَز متطشره إلك چم طِفله .. اِصعَدَت عالتّله تريد الشاطي .. ولا تندَلَّه حگّي أحتار .. ابكل كتر نار طشّن اِثْمانيـن طِفله ايْمين و ايسار حُسين يا مظلوم .. حُسين يا مظلوم ـــــــــــــــ خدري احتِرگ و اطنابي .. اْو دخَّانه صار اِحْجابي و الّليل إجه اْو ماكو خيَم بيها ألمِّ العَيله ليل الأمِس مَر بيَّه .. مثل المَنام اِعْليَّه او هالليله محسوبه ابسَنه م