يازينب امانات.. امانات
ايتامي
يابعد كل الاهل.. خويه تدرين الحصل
انتي لعيالي الامل.. زينب يشوفونج
انتي روحي ورايتي.. وانتي عيني وشمعتي
هلّه هلّه بعيلتي.. الكافله يسمونج
يابلسم للجروح والآمي/2
**************************
لليتيم ام وابو .. اخت للفگدت اخو
لا تخلين العدو.. بالحقد يتماده
صيري للخدّر درع.. ريح بوجوه الشمع
للخصم خلي الدمع.. ذلّي كل القاده
للكوفي تحاذير تحاذير للشامي/2
******************
سوي بيهم زلزله.. يا امان القافله
انتي ثورة كربله.. ياعقيلة هاشم
من الرماح ٱوميلج.. حيلي كله لحيلج
بالطريق ادعيلج.. يبقى ضعنج سالم
مكتوبه تسحگين تسحگين ظلّامي/2
****************
انتي ياراية فخر.. رفرفت رغم الدهر
ياخطر يرعب خطر.. نلتي اعظم غايه
صحتي ياجيش الكفر.. مايخوفني اليسر
والله اقدملها العمر.. ماتطيح الرايه
بايتامي تروين تروين كل ظامي/2
*********************
بالسبي صار الحسم.. بان ياهو المنهزم
يامره تعادل زلم.. أخذي منهم حيفج
إمرأه مو اي مره.. هاشميه موقره
ياهو گال ميسره.. وانتي كلشي بكيفج
وياهم تعيدين تعيدين بايّامي/2
**********
صبراً وكل المحن.. هي فتره من الزمن
خويه باجر ينگضن.. والجرح يتشافه
يظهر المهدي وعد.. اسد طالع من اسد
للاعادي كل احد.. شاف موته الشافه
لثاراته تجي وياه تجي وياه خدامي/2
**************************
الشاعر سجاد علاء المحمداوي
ليلة20محرم 1444هـ
موكب وحسينية ام الحسن (ع)
البصرة_الفاو
أبو ذيه
مشيت وسوط عدواني علاني
سبيه وبالعلل دهري علاني
دخلت الشام مو زينب علا ني
مره واندار ذو الفقار بيّه
النوايب ما رعن حالي ويَ حسين
بروحي وشلت هم صبري ويَ حسين
ردت الموت يجمعني ويَ حسين
وأگله شعمل درب الشام بيّه
تعليقات
إرسال تعليق