ثگيله جروحي مكتوبة للرادود محمد الحلفي
📜قصيدة : ثگيلة جروحي
🎤الرادود : محمد الحلفي
🖋الشاعر : حسين البغدادي
~
ثگيله جروحي صعب يا روحي تلاگيهم
نسيت عيوني وره العافوني تباريهم
~~
طش ضعنه وافترگنه وهاي هيه
هسه گام الليل يجاسر عليه
من بعدهم ريت تاخذني المنيه
ودعتهم والگلب ميت بديه
الحزن دگ بابي بوداع احبابي وحن ليهم
~~~
الله لا ينطيک ظالم يا زماني
شيبت روحي وخذت لهفت حناني
افراگ اهلي موتاني وعذباني
الدنيا وحشه والدمه تارس مچاني
ولا انساهم كبر فرگاهم وحاچيهم
~~~
حسين بويه فكر ابنيتك عليله
انت رايح والبعد مابيه حيله
بداعت العباس وبخدر العقيله
بالله دليني بدربكم وانه اجيله
اجي وبعيوني واللي يحبوني ارد بيهم
~~~
كلشي ما خليت عندي بس صوركم
ليلي طول وشوكت يطلع صبحكم
خلص عمري ما خلص بيه جرحكم
ادعي من الله يرد سالم شملكم
هلي بحساسي وسوالف راسي اخليهم
~~~
اوداعكم خلاني اشك وبيه وجعه
چنكم اتگولون روحه بلايه رجعه
وچني اموتن من بعدك مثل شمعه
صوتي تارس حزني بس ياهو يسمعه
عليهم خوفي بعد بچفوفي تودعيهم
°°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق