للشام هذا السبي_باسم الكربلائي كلمات مكتوبة

للشام هذا السبي.. ايتام آل النبي 

للشام هذا السبي..

ايتام آل النبي 

ودعت زينب ليوث اخيامها

وابتدت تمسح بروس ايتامها 

للشام هذا السبي.. ايتام آل النبي 

لمن نظرت للسمه تمطر دمه

كبر من النجف حماي الحمه

آه وا ويلاه صاحت فاطمه

عرفت المذبوح نار اسلامها 

للشام هذا السبي.. ايتام آل النبي 

تنظر الميمون ظهره ابلا امام

يصهل وخجلان يوصل للخيام

صاحت وﭼـنه افتهم معنى الكلام

واجه مدنگ راسه يم اجدامها 

للشام هذا السبي.. ايتام آل النبي 

طاح خيالك تگله بيا ثرى

هم شفتـهم لون گطعوا منحره

كون گبل اعظام صدره مكسره

زينب اخته مكسرات اعظامها 

للشام هذا السبي.. ايتام آل النبي 

دارت العين وتصد صوب النهر

خويه ياعباس ياحزام الظهر

الليل ﭼلـﭼل واليتامه بلا گمر

بعدك اختك صفت سود ايامها 

للشام هذا السبي.. ايتام آل النبي

حين شافوا جثتك عالمشرعه

والـﭼفوف بلا علم وامگطعه

خويه مسبيه خذوني امروعه

والسياط بظهري كل الامها 

للشام هذا السبي.. ايتام آل النبي

بعد ما عافت التل الزينبي

والشمر صاح استعدّن للسبي

جمعت النسوان وتشد بالعبي

وهيه شدّت للمصيبه احزانها 

للشام هذا السبي.. ايتام آل النبي

ياشمر گالتله لا تشتم علي

وين صوتك ﭼان من ﭼانوا هلي

لو نسيتوا شسوّه بيكم كافلي

عالفرات وكسر خشم ازلامها 

للشام هذا السبي.. ايتام آل النبي

مشت لبوة حيدره بغيره وعزم

مره وداست من مشت روس الزلم

حسين ثوره ودم ابد ما ينهزم

وصوت زينب ﭼان هو اعلامها

كلمات الشاعر

ناظم الحاشي 

ليلة17محرم1444هـ 

حسينية ام الحسن (ع)

(الفاو_البصرة)