عوف السقيفه ياعلي وظل عندي واسمعني وامسح دمعك المتبدّي آنه الرســول وسيــد المخلـوقات وبيّه النطيحـة اتشفـى والمتردّي گالـو عليه النبـي يهجـر عوفــوه وخلوني بفراش الامنازع وحدي بس أنته يمي ياعلي والسبطين اهموم الظلامـه اهنا ومنا تبـدي القبلـوك والمــاقبلـو إنـته الكـرار إنتـه الولــي والصــار نـدّك نـدّي اتقرب يحيدر خلي إيدك عالراس والحَسَنيــن اثنينــهـم يــم خــدّي لحظه واغمض عين والدنيا اتدور وأعرف اشراح ايصير بيكم بعدي ايحرگـون دارك ناكرين المعـروف وايضيـع بيهـم ذاك تعبـي وكـدّي محسن الزهره ايطيح وي دمعتها ايدوسون حدك يالصميده وحدّي وجـف التعدّي ايلـوح خد الزهراء ومحّـد يـــرد الصــاع عالمتـعـدّي وابكربلا أم الخدر أسمعها اتصيح ذبحو إخواني وكلها فزعت ضدّي ياعلي وأذّاني عطش گلب احسين من صـاح چبدي اتفطّرت ياجدّي وتطلـع قواريـر ألله مـن دار لـدار من بعد اخوهن غربه بيهن تحدي صبـرا علــى المكتــوب يا آل ألله لحد ما يجي طـلّاب ثاره المهـدي