أحلى مشاية | الملا مصطفى السوداني - حسينية الرسول الأعظم - النجف الأشرف - محرم الحرام 1444هـ - 2022م
•{أحلى مشاية}•
واحد إنوي واتحضر
اثنين بيا علي توزر
ثلاثه أرفع الرايه
بدرب الأربعينيه
شغل أحلى لطميه
وامشي احلى مشايه
مشي مشي مشي مشي...محلى المشيه لحسين
مشي مشي مشي مشي...خل نتعب يرجلين
١/تره احلى درب بالعالم درب مشيك شنو المنظر
ولا ريد الدرب يخلص أريد امشي بعد أكثر
المشي للناس النحبها حلو تعبه يبو الأكبر
جيتك يمحبوب الروح يالإسمك اعله الرايه
مو راكبًا لا يحسين عاشگ واجي مشايه
دربك لون صعدة جبل...اصعد
والكلمن سأل...كتله
رايح مشي للجنه
رايح للمحلي العشگ...وادري
بس حبه الصدگ...ادخيله
لا ما ينشبع منه
مشي مشي مشي مشي...رايح لليگر عين
مشي مشي مشي مشي...محلى المشيه لحسين
٢/ملايينك بعد تكثر والزياره بعد تحلى
وحلاتي امن افتخر زرتك واليناشد انه اگله
شكر ناس اعله شباچه وانه الزمته وخذت قبله
صوره آخذ اباب حسين واعليها أكتب شعري
شنهو بظهر هاي الناس انه الحسين بظهري
لزيارتك عمري انوجد...عايش
حتى اخدم بعد...عمري
للخدمه الحسينيه
امن الآخر احچي قصتي...دوّر
لذة خدمتي...ماكو
مثل الأربعينيه
مشي مشي مشي مشي...أتنطرها كل حين
مشي مشي مشي مشي...محلى المشيه لحسين
٣/مو بس أمشي أروح أخدمها زوارك واخدمنك
المواكب مائدة مريم أشوفنها امن ازورنك
حتى الچاي بالموكب اِله لذه لأن منك
ويا موكبك يا محلاه ينحب تره اعله الفطره
وبيه بركه هذا الزاد لازمته إيد الزهره
كلشي التصق بيك انرفع...شآنه
وبإسمه لمع...مايك
فوگ الماي تعظيمه
بزادك يضربون المثل...لذته
ويشافي العلل...كم من
مريض وشافته القيمه
مشي مشي مشي مشي...آيات وبراهين
مشي مشي مشي مشي...محلى المشيه لحسين
٤/الدول كلمن وجنسيته لچن حُبك وطن ثاني
تشوف الأجنبي يمشي والعراقي والإيراني
خليجي يطعم اليمشي ويوزع ماي لبناني
كل اليحبون حسين واحد يحب الثاني
الله عليك شگد خير يحسين أحبك آني
جامع الناس بكربله...منهو
قدرك يوصله...إنت
التنحب وبعد كافي
هاي الملايين التطب...صحنك
حاضنها بگلب...كلها
ادخيل احساسك الدافي
مشي مشي مشي مشي...أمشيلك أنا اسنين
مشي مشي مشي مشي...محلى المشيه لحسين
٥/يروح التعب من أوگف على العتبه بدمع هامل
وحلاة الگعده ما بينك و بين الحب أبو فاضل
السنه الجايه أعد گلي واجيك ورايتي شايل
وفقني اجيلك كل عام وامشيلك اعله النيه
لو ما أجيلك مشاي شلفايده برجليه
تقبلها مني زيارتي...و اقبل
مشيي ودمعتي...وباچر
اقسملي بعد جيه
لا تحرم العاشگ هوه...تدري
بس بنينوه...والله
شايف راحه نفسيه
مشي مشي مشي مشي...ماكو لكربله اثنين
مشي مشي مشي مشي...محلى المشيه لحسين
*الشاعر الموفق ميثاق الحمداني*
_______
أحلى مشاية أداء: الملا #مصطفى_السوداني كلمات: الشاعر #ميثاق_الحمداني مجالس شهر محرم الحرام لسنة 1444 هـ - 2022 م مجالس العشرة الثالثة من شهر المحرم عزاء حسينية الرسول الأعظم - النجف الأشرف - ناحية القادسية مونتاج وإخراج: محمد الخزعلي مكساج: أحمد البرمكي مخطوطات: مؤيد الناجي غلاف: نبأ الحيدري تنفيذ: شركة صوت الحسين للإنتاج الفني النشر الشبكي: علاء بركات العاملي
تعليقات
إرسال تعليق